Qirgʻizistondagi hozirgi vaziyatga Turkiston sayti kanday munosabat bildiradi?
Savol: Assalamu Alaykum Turkiston sayti xodimlari!
Qirgʻizistondagi vaziyat haqida menda bir savol bor edi. Oxirgi mahalda Qirgʻizistonning sobiq prezidenti Almazbek Atambayev bilan Soranbay Jeyanbekov urtasida biroz kelishmovchiliklar yuz berayotgani sezilyapti. Bu siyosiy hodisaga Turkiston sayti kanday munosabat bildiradi?
Javob: Atambayev Qirgʻiziston yetakchiligini qayta qoʻlga kiritish maqsadida Soranbay Jiyanbekovni prezidentlikka oʻzi olib kelgan edi. Rejaga koʻra, Jiyanbekov sobiq prezident Atambayev komandasining korruptsiyaviy sxemasi boʻyicha yurib, oʻz salohiyatidan foydalangan holda hamda davlat xavfsizlik xizmati, prokuratura, sud va IIM bilan hamkorlikda, Atambayev komandasiga qarshi boʻlgan har bir siyosatchi va siyosiy harakatga qarshi, bir tomonlama kurashni davom ettirib borishi kutilgan edi. Lekin Jiyanbekov bu ishni davom ettirishdan bosh tortib, siyosiy elitani oʻz holiga tashlab qoʻydi. Natijada, korruptsiyaga qarshi kurash sxemasi, atambayevchilar uchun bir tomonlama borishdan boshqa tarafga, yaʼni hukumatning haqiqiy korruptsiyaviy va jinoiy harakatlari tomon burilib ketdi. Jiyanbekov esa neytral pozitsiyada turib oldi. Oqibatda, Atambayevning qoʻl ostida va bevosita uning qoʻllovi bilan amalga oshirilgan korruptsiyaviy siyosiy va moliyaviy jinoyatlariga qarshi kuchli muhosabakor siyosiy muhit paydo boʻldi va kuchayib bormoqda. Bu muhit, Atambayev kutgan barcha strotegik rejalarini deyarlik barbod qildi. Yaʼni, parlamentdagi Atambayevning SDPK partiyasi boshchiligidagi yetakchi koalitsiyaning quvvatini sindirdi. Shuningdek parlament boshqaruviga oʻtish rejasi ham barbod boʻldi. Natijada Atambayev yetakchilikka qaytib, egallashi kutilgan bosh vazir lavozimi ham, yetakchi pagʻonaga koʻtarila olmay qoldi.
Demak, Atambayev bilan Jiyanbekov oʻrtasida kutilmagan holat paydo boʻldi. Asosiy muammo, Atambayevning hukumat ichida tuzib olgan jinoiy yetakchi toʻdaning beboshlarcha olib borayotgan siyosiy harakatlari bilan Jiyanbekovning uygʻunlashib keta olmaganligidan, yaʼni u prezident sifatida, Atambayevning ushbu jinoyatlargia sherik boʻlib oʻz ishini davom ettirib keta olmaganligidan kelib chiqdi.
Atambayev komandasi ilgari qilgan siyosiy xatolari uchun javob berishi kerak boʻlgan vaqt yaqinlashib boryapti. Atambayevning SDPK partiyasi ham parokanda boʻlib, bir qanchasi Jiyanbekovlar tomoniga oʻtib ketdi. Ular, xuddi choʻkayotgan qayiqdan qochayotgandek, vazirlikka tayinlanib, barcha korruptsiya ishlarini bevosita bajargan partiyadoshlarining jinoiy harakatlarini qoralay boshlashdi. SDPK partiyasining oldida ikki yoʻl turibdi. Birinchisi: u yetakchi partiya oʻrnidan tushadi va Jiyanbekov yangi boshqa bir partiyani qoʻllay boshlaydi. Ikkinchisi: SDPK partiyasi mutloq Jiyanbekov tomoniga oʻtib, Atambayevchilar undan chetlatiladi.
Endi eski va yangi prezidentlar oʻrtasidagi kelishmovchiliklarga nisbatan bizning munosabatimizga toʻxtaladigan boʻlsak, biz ularning oʻrtasidagi gʻirrom va adolatsizlik asosiga qurilgan jinoiy kelishuvlarga, faqat islomiy mabdaʼiy dunyoqarash asosida qaraymiz va oʻz munosabatimizni bildiramiz. Olamiy kufr boshqaruv sistemasi, Qirgʻiziston kabi mustamlaka davlatlarni zaif va oʻzlariga koʻzqaram holda davomli ushlab turish maqsadida, ustimizga buzuq, xoin, xudbin va betaʼsir yetakchilarni atayin olib kelib qoʻyishadi. Ular mamlakat va xalq mulklariga tajovuz qilish va shu tajovuz qilish tizginlarini qoʻlga kiritishda bir-birlari bilan musobaqalashadilar. Hatto ular saltanatni qoʻllarida ushlab qolish maqsadida xalqni aldab, oʻz fuqorolarini halokatga turtib yuborishi ham hech gap emas. Atayin 7 aprel voqeasi yoki 10 iyulь hodisasini uyushtirgani kabi. Shuning uchun biz bu kabi zaif va horlikka rozi boʻlgan siyosiy elitani qoralaymiz! Ularning iflos siyosiy oʻyinlarining qurboniga aylanib qolayotgan xalq va ummat vakillarini ularning iflos, tarafkashlik harakatlaridan omon boʻlishga chaqiramiz.
Eslatib oʻtamizki, kufr sistemasi ichidagi barcha siyosiy harakatlarda Islom va musulmonlar uchun hech qanday manfaat yoʻq. Musulmonlarning kufr sistemasi ichida siyosiy harakat olib borishlariga faqat bitta maqsad bilangina ruxsat beriladi. U ham boʻlsa, shu sistemaning Islom va musulmonlarga nisbatan siyosiy, iqtisodiy, mafkuraviy va mabdaiy zarar keltirishayotganini ummatga uqtirishdan iboratdir. Islom uchun biror manfaat izlab, Ular bilan kirishib boʻlmaydi, kufr sistemasi ichida islomiy manfaat boʻlishi mumkin emas!
