“Oʻlim bor, ammo xor boʻlish yoʻq”
إِنْ تَكُونُوا تَأْلَمُونَ فَإِنَّهُمْ يَأْلَمُونَ كَمَا تَأْلَمُونَ وَتَرْجُونَ مِنَ اللَّهِ مَا لَا يَرْجُونَ وَكَانَ اللَّهُ عَلِيمًا حَكِيمًا
“Agar qiynalayotgan boʻlsangizlar, ular ham sizlar qiynalganingizdek qiynalmoqdalar. (Shu bilan birga) sizlar Alloh tomonidan ular umid qilmagan narsani (yaʼni savobni, shahidlik neʼmatiga muyassar boʻlishni, qolaversa, gʻalaba qozonishni) umid qilmoqdasizlar-ku?! Alloh bilim va hikmat egasi boʻlgan zotdir”
Dirʼadagi mavjud katibalar xalq tomonidan qoʻllab-quvvatlangan holda va Shom togʻuti hujumlarini qaytarish uchun olib borgan amaliyotlarida shunday bir ishni boshladilarki, unga oʻtgan yillar mobaynida qoʻzgʻolonchilar tinmay hayqirib kelgan “Oʻlim bor, ammo xor boʻlish yoʻq”ni shior qildilar.
Bu ish iflos siyosiy mablagʻdan pok boʻlgan va qoʻllab-quvvatlovchi davlatlarning qarorlaridan oʻzlarini pok tutgan xolis bir guruh tomonidan eʼlon qilindi. Eʼlon qilinishi bilanoq haqiqiy basharalar fosh boʻldi. Ularning eng birinchisi, Iordaniyadagi tebranib oyogʻida arang turgan rejim basharasi boʻldi. U ayni xolis ish amalga oshsa, uning beradigan samarasini sezgach, uni toʻxtatib qolish va yoʻq qilish uchun oʻzidagi bor kuch va imkoniyatini sarfladi: yaradorlarni oʻtkazmay chegaralarini yopib oldi, qonxoʻr Asad va kofir rus samolyotlari uchun oʻzining havo yoʻlaklarini ochib berdi, oʻzi esa, musulmonlarga qanday zarbalar berishini tomosha qilib turdi… Bundan tashqari, ushbu xolis ishni bartaraf etish va uning ustida turgan insonlarni yoʻq qilish uchun oʻz josuslarini ishga soldi, biroq u bir narsadan gʻaflatda qoldi: shunday bir ish boʻladiki, uning amalga oshishini Allohning Oʻzi zimmasiga oladi va u albatta amalga oshadi.
Iordaniya rejimi ortidan, bu ishni yoʻq qilish uchun boshqa davlatlar ham harakatga kelib, qurol-yaroq ortilgan yuklar joʻnatish va ayrim guruhlarga atab sovgʻa-salom yuborish orqali ayni ish tizginini qoʻlga olishga urinishdi. Ammo bu sahna oʻyinining ham hammaga misi chiqdi, omadsiz muallifidan tortib, rejissyorigacha fosh boʻldi.
Bu oʻyinlardan muqobil oʻlaroq, ushbu xolis ish ham, Dirʼa shahrini Asad va uning gumashtalari iflosligidan ozod etishga qaratilgan vazifalar ham toʻxtovsiz davom etdi… Asad kuchlari ham odamlar va texnika jihatidan katta zarar koʻrdi. Bunga qoʻshimcha, Shom togʻutining Hivron zaminiga toʻplanib olgan galasi ham tashabbus tizginini qoʻldan boy berib, jangovarlik ruhini yoʻqotdi, qaqshatqich jang dahshatidan tizzalari qaltirab qoldi… Bularning barchasi ichi adovatga toʻla ruslarning samolyotlari va Asadning poroxli bochkalari tinmay Dirʼa osmonidan yogʻilib turishiga, raketalar bilan zarbalar berilishiga, “kulini koʻkka sovurish” siyosati muntazam davom etishiga… qaramay amalga oshdi.
Ey Hivron zaminidagi xolis zotlar!
Moli va quroli bilan xoʻjayinlik qilgan davlatlar qilmishlari oqibatini oʻz tajribangizda sinadingiz. Siz Allohning nusrat-yordami to Unga va shariatiga yordam bermaguningizcha hargiz kelmasligiga aniq ishonch hosil qildingiz. Sizdan faqat bir narsa talab qilinmoqda: nusrat Alloh Subhanahuning qoʻlida ekaniga, bu nusratini oʻz qarorini xoin va malaylarga topshirib qoʻyganlarga aslo nozil qilmasligiga, balki yuzini Alloh Subhanahudan oʻzgaga qaratmaydigan zotlarga nozil qilishiga imon-ishonchda boʻlish.
Ey Shom zaminidagi musulmonlar!
Mana, Allohning izni ila, jobir podshohlarning zulmatli boshqaruvi ham oʻzining soʻnggi nafasini olmoqda va Paygʻambarlik minhoji asosidagi roshid boshqaruv Tongi ufqda koʻrinmoqda, musulmonlardan zoʻravonlik va zulm koʻtarilayotganidan darak bermoqda. Sizning bunday zulmat qarshisida sabot bilan turayotganingiz ushbu Tong nafaslaridan biridir. Sizga qarshi toʻplangan barcha kimsalarning taqdiri, albatta magʻlubiyat boʻlishini, orqasiga qaramay qochib qolishlarini Allohning Oʻzi bashorat bermoqda va Uning bashorati haqdir. Shu bois siz sabot bilan tursangiz, Allohdan ofiyat soʻrasangiz, bas. Siz bugun buyuk nusratlar oyi boʻlmish Ramazon soyasidasiz, Alloh Subhanahuning izni ila, sabotingiz kelayotgan fathning bir qismi boʻlajak.
وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لَا يَعْلَمُونَ
“Alloh Oʻz ishida gʻolibdir lekin odamlarning koʻplari (buni) bilmaslar” [Yusuf 21]
Hizb ut-Tahrir-Suriya viloyati matbuot boʻlimi
Skype: TahrirSyria
Elektron pochta: media@tahrir-syria.info – ahmadabdalwahab2@gmail.com
Suriya viloyati rasmiy sayti: www.tahrir-syria.info
