Rossiyada yakshanba kuni efirga uzatiladigan “Voskresnoye Vremya” dasturiga ishtirok etgan Rossiya Tashqi ishlar vaziri Sergey Lavrov AQSh prezidenti Donald Tramp bilan uchrashuvi haqida toʻxtaldi. Uning bildirishicha, Tramp uchrashuv chogʻida har doim Rossiya bilan umumiy manfaatlar doirasida aloqa oʻrnatish istagida boʻlganligini aytgan.
“AQSh prezidenti Donald Tramp saylovoldi kampaniyasi davomida ham, prezidentlik mansabini egalagandan keyingi davrida ham Rossiya bilan yomon munosabatda boʻlish istagini bildirmadi. Aksincha, barcha davlatlar, shu jumladan Rossiya bilan ham umumiy manfaatlar doirasida oʻzaro hurmat asosida munosabatlarni barpo etish istagida ekanligini aytib kelmoqda”, dedi Lavrov
AQSh prezident Donald Tramp va AQSh davlat kotibi Rex Tillerson bilan taxminan bir soat Suriya masalasini muhokama qilganligini hamda muzokaralarning asosiy qismi Suriyadagi vaziyat haqida boʻlganligiga eʼtibor qaratgan Lavrov “Umumiy manfaatlar” deganda eng avvalo terrorizmga (Islomga) qarshi kurashni nazarda tutganligini qayd etdi.
AQSh Davlat kotibi Rex Tillerson ham NVC kanaliga bergan intervyusida Amerikaning milliy xavfsizligi uchun Rossiya va AQSh oʻrtasidagi hozirgi munosabatlarni yana-da kuchaytirish lozimligini bildirdi.
“Menimcha, bu munosabatlarga yaxshiroq eʼtibor berish lozim. AQShning xavfsizligi uchun kerakli boʻlgan munosabatlarga diqqat qaratsak, bir qancha muhim sohalar mavjudligini koʻramiz. Xususan amerikaliklarning milliy va xavfsizlik manfaatlari uchun bu munosabatlarning bunday past darajada boʻlishidan foyda yoʻq”, dedi Tillerson.
Turkiston:
Toʻgʻri, Tramp saylov paytida ham, hozir ham Rossiyaga yovqarashda boʻlmadi, aksincha u bilan yana ham yaqinlashish istagi borligini bildirib kelyapti. Trampning bunday pozitsiyasi Putinda Rossiyaga qarshi qoʻyilgan sanktsiyalarning bekor qilinishi umidini uygʻotdi. Ammo bunday boʻlmadi. Chunki Putin Suriyada harbiy kuchini ishga solib, AQShning istaklarini bajo keltirishiga qaramay, sanktsiyaga nisbatan AQShning pozitsiyasi Obama davrida qanday boʻlsa, hozir ham shundayligicha davom etmoqda. Shunga koʻra aytish mumkinki, Trampning dardi Rossiyadan sanktsiyalarni olib tashlash emas, balki oʻzi uchun dushman sifatida belgilab olgan Islom va Xitoyga qarshi Rossiyaning harbiy kuchidan foydalanishdir. Chunki Rossiya iqtisodiy, saqofiy va siyosiy jihatdan ziyif boʻlishiga qaramay, harbiy tomondan maʼlum darajada kuchga egadir. Amerikaning maqsadi esa Suriyada boʻlgani kabi Islomga va Xitoyga qarshi Rossiyaning harbiy kuchidan foydalanishdir.
