Saudiya tashqi ishlar vaziri Odil Jubayr Daniya bosh vaziri Yens Kristian bilan poytaxt Riyozda o’tkazgan matbuot konferentsiyasida Suriyani Bashar Asadsiz davlatga aylantirishning alternativ rejasi mavjudligini, Asadni yo tinch yo’l bilan yoki harbiy yo’l orqali hokimiyatdan chetlatish shartligini ta’kidladi. «Asad rejimi tomonidan sulhni buzish holati sodir bo’lmoqda, bu mavzuni Suriyani qo’llab-quvvatlovchi davlatlar bilan maslahatlashamiz», dedi Saudiya tashqi ishlar vaziri. Keyin «Agar rejim va uning ittifoqchilari bu mavzuga jiddiy qaramaydigan bo’lsa, Asadsiz Suriyaning alternativ rejasi mavjud»ligini yana qo’shimcha qildi. Agar «Koalitsiya Suriyaga piyoda kuchlar yuborishga qaror qilgudek bo’lsa, Saudiya bu borada o’z hissasini qo’shishga tayyor» ekanini ta’kidladi. (Xalij onlayn).
Roya gazetasi sharhi:
Saudiya tashqi ishlar vaziri ham, boshqa saudiyalik mas’ullar ham «Suriya kelajagida Asadga o’rin yo’q», «Asad tinch yo’l bilan hokimiyatdan ketmasa, harbiy yo’l bilan ketadi» kabi bayonotlarni anchadan beri takrorlab kelishadi. Biroq shuncha yillar o’tdi hamki, Shom ahli hamon dahshatli suratdagi qirg’inlar va qochqinga aylantirishlar… kabi turli mashaqqatlarga duchor bo’lmoqdalar. Saudiya hukmdorlari bo’lsa shu ma’nodagi bayonotlarni berishdan charchashmayapti. Buning ustiga, agar Saudiya Suriyaga harbiy aralashuvni boshlagan taqdirda ham, buni Suriya ahlini Bashar Asad va uning ortida turgan Rossiya, Amerika kabi davlatlar zo’ravonligidan qutqarish uchun olib bormaydi. Balki G’arbning Suriyadagi rejalarini amalga oshirish uchun qatnashadi. Buni Jubayrning «Koalitsiya Suriyaga piyoda kuchlar yuborishga qaror qilgudek bo’lsa, Saudiya bu borada o’z hissasini qo’shishga tayyor», degan so’zlari ham tasdiqlab turibdi.
Roya gazetasining 2016 yil 2 mart chorshanba kungi 67-sonidan
