Matbuot bayonoti
Soxta terror syujetidagi yagona portlash uning yolg‘on ekanini fosh etdi
Avstraliya Federal politsiyasi so‘nggi paytlarda antisemitistik voqealar ekanligi iddio qilingan hodisalarning butunlay xorijdagi jinoiy tashkilotlar tomonidan uydirilganligini ko‘rsatuvchi g‘alati ma’lumotlarni oshkor qildi.
Duralda portlovchi moddalar bilan to‘la mikroavtobus topildi. Ammo ajablanarlisi shundaki, aksilterror politsiyasi bir necha soat ichida bundan «ommaviy qurbonlarga olib keladigan» keng ko‘lamli hujum ko‘zlanganligi to‘g‘risidagi fikrni rad etdi.
Ammo bu haqiqat shtat va federal siyosatchilarni hamda tegishli vakillik tashkilotlarini baland ovozda Avstraliyada antisemitizm kuchayib borayotganini da’vo qilishdan hamda tezroq nafrat uyg‘otuvchi nutqlarga qarshi kurashishga va jabrlangan jamoalarga ko‘proq moliyaviy yordam ko‘rsatishga qaratilgan keng qamrovli qonunlarni qabul qilishga chaqirishdan to‘xtatmadi.
Eng muhimi, Falastinni qo‘llab-quvvatlovchi ovozlar ayni jarayonda juda yomon darajada obro‘sizlantirildi. Ya’ni Genotsidni qo‘llab-quvvatlovchilar muxolafatdagi genotsidga qarshilar ovozini o‘chirish uchun bo‘rttirilgan qurbonlik tasviridan foydalanishga harakat qilishdi.
Bugungi kunga qadar ko‘plab masalalarga oydinlik kiritilgan bo‘lsa-da, hali javobsiz qolgan juda ko‘p o‘ta muhim masalalar mavjud. Bu to‘g‘rida quyidagi jiddiy savollarni o‘rtaga tashlash lozim:
1 – Politsiya bu hodisalar haqida aniq nimalarni bilgan va bu faktlardan qachon xabardor bo‘lgan?
2 – Politsiya ayni tekshiruvlar to‘g‘risida kimlarni xabardor etgan, ular bilan uchrashuvlar qachon bo‘lgan?
3 – Shtat va federal siyosatchilar jamiyatdagi tartibsizliklardan o‘zlarining siyosiy maqsadlarida foydalanish uchun huquqni muhofaza qilish organlarining tergov natijalaridan ko‘z yumgan bo‘lishi mumkinmi?
4 – Tegishli vakillik organlari politsiya tomonidan olib borilgan tergov-surishtiruvlar haqida muntazam ravishda xabardor etilganmi hamda jamoatchilikka bergan bayonotlari voqealar bo‘yicha faktlarga qanchalik mos keladi?
5 – ASIO (Avstraliya xavfsizlik razvedka xizmati) direktori Mayk Byorjess «do‘st davlatlar»ning jamiyatdagi keskinlikdan foydalanishga intilayotganidan eng kamida 2024 yildan beri ogohlantirib keladi. Shunday ekan, so‘nggi natijalar nuqtayi nazaridan, ayni davlatlar voqealarda biror bir rol o‘ynaganmi?
Tergov-surishtiruvlar natijalarning jiddiyligini inobatga olib, jamoatchilik javobgarligidan kelib chiqqan holda, ushbu va boshqa savollar har tomonlama va tezkor tekshiruvlar bilan o‘rganib chiqilishi shart.
Hizb ut-Tahrirning Avstraliyadagi
matbuot bo‘limi
