Matbuot bayonoti
Investitsiyaga oid yangi qonun ham eskisi kabi kapitalistik tuzumga asoslangan bo‘lib, uning eng ko‘zga ko‘ringan jihati Islom ahkomlariga zid ekanligidir
Yaman parlamenti va oliy siyosiy kengashi tomonidan investitsiyaga oid yangi qonun tasdiqlangandan so‘ng San’odagi O‘zgarish va Qurilish hukumati ayni qonunni ishga tushirdi. Bu qonun iqtisodiyot, sanoat va investitsiyalar vazirligi va moliya vazirligi tomonidan 2010 yilda qabul qilingan «Investitsiyalar to‘g‘risidagi qonun»ga kiritilgan o‘zgartirish hisoblanadi. Xo‘sh, bu yangi qonun avvalgisidan nimasi bilan farq qiladi? Ikkisi ham kapitalistik iqtisodiy tuzumdan kelib chiqmaganmi?!
Bu qonun xorijiy investitsiyalarga eshikni lang ochib berdi. Xorijiy investitsiyalar tarkibida esa musulmon bo‘lmagan investorlar ham bor. Ular mamlakatni xonavayron etuvchi kapitalistik loyihani amalga oshirishmoqda. Bu qonunga «Investor 2-modda»sida bunday ta’rif berilgan: «Har qanday jismoniy yoki yuridik shaxs, yamanlik yoki yamanlik bo‘lmagan shaxs, muqim yoki musofir shaxs tegishli ravishda ushbu qonun-qoidalar va avvalgi investitsiya qonunlari doirasiga kirgan har qanday sohaga respublika miqyosida sarmoya kiritishga haqli». Qonun hatto musulmon bo‘lmagan investorlarga ham sog‘liqni saqlash, ta’lim, infratuzilma, transport, energetika, qishloq xo‘jaligi, va turizm kabi ko‘plab sohalarda sarmoya kiritishga ruxsat beradi. Yo‘llar, portlar, aeroportlar, metro, temir yo‘llari, to‘g‘onlar, elektr stansiyalari, qishloq xo‘jaligi bozorlari, va orollardagi mehmonxonalar kabi muhim loyihalar ham sarmoya kiritish mumkin bo‘lgan sohalar qatoriga kiradi. Qonun, shuningdek, investorlarga soliq va bojxona imtiyozlarini, xorijdan ishchilar olib kelish huquqini, pul o‘tkazish erkinligini, intellektual mulk huquqlarini himoya qilish kabi afzalliklarni taqdim etadi!
Bu qonunning Islom shariati ahkomlariga zidligiga shubha yo‘q. Bu davlat o‘zining xalq oldidagi shar’iy burchidan tongan. Ya’ni sog‘liqni saqlash va ta’lim sohasini, yo‘llar va aeroportlar qurishni, suv va elektr ta’minoti masalalarini investorlarga tashlab qo‘yish bilan o‘z mas’uliyatini bajarmayapti! Qonun vazirlarga vazirliklarning ixtisoslari bo‘yicha investitsiya loyihalariga xizmat ko‘rsatish majburiyatini yukladi. Masalan, elektr energetika vazirligi va hokimlar o‘z vakolatlari doirasida investitsiya loyihalari bo‘yicha elektr energiyasini uzatish va taqsimlashni logistika jihatidan ta’minlashi shart! Bu xalqning farovonligini emas, faqat soliq yig‘ishni maqsad qilgan davlatdir!
Qonunda aksiyadorlik jamiyatlarini tashkil etishga ruxsat berilishi Islom shariatiga aniq ziddir. Chunki bunday shirkatlarning shartnomalari shar’iy jihatdan botildir. Biz Hizb ut-Tahrir sifatida bunday shirkatlarning buzuqligini ko‘plab nashrlarimizda, jumladan, (Moliya bozorlaridagi tebranishlar) kitobida batafsil bayon qilganmiz. Bundan tashqari, bu qonun musulmonlardan undirilishi man qilingan bojxona soliqlari va doimiy soliqlarni ham qonuniylashtirgan.
Ushbu qonun bilan birga ishlab chiqilgan «O‘z-o‘zini ta’minlashga erishish» kabi shiorlar ham mantiqsizdir. Zotan, nega mantiqli bo‘lsin? Axir hukumat yuzlab mahalliy investorlarni mamlakatdan quvib chiqarib, o‘zi hali ham Jahon Savdo tashkiloti, Xalqaro Valyuta Fondi, Jahon Banki kabi yirik xalqaro mustamlakachilik muassasalarining bo‘yinturug‘i va nazorati ostida bo‘lsa. Bundan tashqari, sanoat, va qishloq xo‘jaligi investitsiya loyihalarining komponentlari butunlay tashqariga bog‘liq. Texnika, xomashyo, geni o‘zgartirilgan urug‘lar, o‘g‘itlar, vaksinalar, hatto ko‘mir, gaz, dizel ham import qilinadi.
49 sahifali 101 moddadan iborat ushbu «Investitsiyaga oid yangi qonun»da Islomdan bitta ham dalil yo‘q! Aksincha, uning moddalari shariatimizga zid kapitalistik mafkura va qoidalar bilan to‘la. Avvalgi qonundan farqsiz o‘laroq, bu qonunda ham insonni aldab-masxaralash uchun uning 5-moddasi matnida bunday deyilgan: «Investorlar Islom shariatiga zid bo‘lmasa, davlat tomonidan belgilangan investitsiya siyosatiga muvofiq har bir sohaga erkin sarmoya kiritish huquqiga ega».
Ha, ushbu «Investitsiyaga oid yangi qonun» G‘arbning «Beachtel», «Mian», «Stone &Webster» va «Brown &Root» kabi mustamlakachilik kompaniyalarining Yamanga kirishiga yo‘l ochadi. Bu kompaniyalar o‘tgan yillar davomida urush vayron qilgan narsalarni qayta tiklash, degan da’vo bilan kiradi. Ammo bu G‘arb kompaniyalarining hech biri mamlakatning rivojlanishiga hissa qo‘shmaydi. Aksincha, siz ularning darajasiga yetib bormasligingiz uchun ular sanoat va texnologiyadagi bo‘shliqni doimiy ravishda kengaytirib boradilar.
Taraqqiyot bo‘lishi uchun albatta koinot, inson va hayot haqida to‘liq mafkura, ya’ni aqida asos bo‘lishi shart. Ushbu aqidadan insonning barcha hayotiy ishlaridagi muammolarini hal qilishga qodir tuzum balqib chiqadi. Bu esa Payg‘ambarlik minhoji asosidagi ikkinchi roshid Xalifalikdagina amalga oshgan va bundan keyin ham faqat shu Xalifalikda amalga oshadi. Shuning uchun Hizb ut-Tahrir a’zolari yer yuzida qayta adolat o‘rnatuvchi hamda kapitalizm va boshqa tuzumlar yovuzligini supurib tashlovchi ushbu Xalifalikni qayta barpo etish uchun butun hayotlarini bag‘ishlaganlar.
Hizb ut-Tahrirning
Yaman viloyatidagi
matbuot bo‘limi
