Matbuot bayonoti
Amerika o‘zi yasagan butni yeb qo‘ymoqda!
Johiliyat davrida arablar xurmodan but yasab olar, qorini ochib qolsa, uni yeb qo‘yar edilar! Bugun ham o‘sha tarix takrorlanmoqda, biroq yanada murakkab shaklda. G‘arbga ko‘ra, fikr, vijdon va din erkinligi, fikr va so‘z erkinligi, tinch namoyish qilish erkinligi, siyosiy faoliyat olib borish erkinligi, ozchilik huquqini himoya qilish erkinligi hamda qiynoqlar va shafqatsiz muomalalarni taqiqlash bir paytlar eng muqaddas qadriyatlar edi… Biroq bu qadriyatlar kapitalistlarning va hukmron elitaning manfaatlariga zid kelib qolsa, o‘zlari muqaddas deb bilgan qadriyatlardan voz kechib yuborishmoqda.
Ayrim Yevropa davlatlarida muslima ayolning maktablarda, ish joylarida va ba’zi jamoat joylarida hijob kiyishi taqiqlangan. Vaholanki, kiyinish ularning liberal nazariyalari bo‘yicha shaxs erkinligiga kiradi. Ammo bu «erkinlik» faqat hukmron saqofat va siyosatga xizmat qilgandagina amal qiladi.
Xuddi shu kabi ochiq qarama-qarshilikni bugun biz Qo‘shma Shtatlarda guvohi bo‘lyapmiz. Darhaqiqat, u yerdagi talabalar shaharchasida universitet talabalari namoyish qilib, G‘azodagi genotsid va surgunni qo‘llab-quvvatlash siyosatiga norozilik sifatida o‘z fikrlarini bildirgan paytda, ya’ni Amerika konstitutsiyasida kafolatlangan huquqlaridan foydalanganlarida Tramp ma’muriyati bilan uning ortidagi moliyaviy va siyosiy nufuz sohiblari talabalarni jinoyatkorlikda ayblashdi, universitetdan haydash bilan, hatto xorijlik talabalarga deportatsiya qo‘llash bilan tahdid qilishdi!
Ha, G‘azo hodisasi G‘arbning erkinliklar muqaddas degan da’vosining yolg‘onligini ochib tashladi. Erkinlik kapitalistik tizimda hukmron elitaga xizmat qilsagina qo‘llanadigan bir qurol ekanini, ammo qachon ularning manfaatlariga zid kelib qolsa, hech ikkilanmasdan bu erkinlikni ezib tashlashini yana bir bor tasdiqladi.
Butun olamga Islomni qayta o‘rganish vaqti kelmadimi? Islom G‘arbning quruq ozodlik shiorlariga o‘xshamaydi! Islom insoniyatni boshqa insonlarga qullik qilishdan ozod qiladigan va shaxsiy manfaatlardan ko‘ra adolatga asoslangan huquqlarni o‘rnatuvchi tuzumdir. Bir kuni Umar roziyallohu anhu odamlarga xitob qilayotganlarida bir ayol uni to‘g‘rilab qo‘ydi. Lekin Umar roziyallohu anhu xalifa bo‘lsa ham, ayolning ovozini o‘chirmadi, gapini bo‘lmadi. Buning o‘rniga kamtarlik bilan xatosini tan olib, bunday dedi: «Umar xato qildi, ayol to‘g‘ri gapirdi». Yana bir voqeada bunday deydi: «Onalari ozod qilib dunyoga keltirgan odamlarni qachondan beri qul qildingiz?».
Islom insonlarga dini, jinsi, va millatidan qat’iy nazar, faqat inson bo‘lgani uchun huquq va majburiyatlarni bergan. Islom hech qachon e’tiqodni kuch bilan o‘rnatmagan! Alloh Taolo aytadi:
﴿لَآ إِكۡرَاهَ فِي ٱلدِّينِۖ قَد تَّبَيَّنَ ٱلرُّشۡدُ مِنَ ٱلۡغَيِّۚ﴾
«Dinga zo‘rlab (kiritish) yo‘q. Zero, haq yo‘l zalolatdan ajrab bo‘lgan» [Baqara 256]
Islom iymonni majburlashga emas, balki aql va fikrga asoslaydi:
﴿إِنَّ فِي خَلۡقِ ٱلسَّمَٰوَٰتِ وَٱلۡأَرۡضِ وَٱخۡتِلَٰفِ ٱلَّيۡلِ وَٱلنَّهَارِ وَٱلۡفُلۡكِ ٱلَّتِي تَجۡرِي فِي ٱلۡبَحۡرِ بِمَا يَنفَعُ ٱلنَّاسَ وَمَآ أَنزَلَ ٱللَّهُ مِنَ ٱلسَّمَآءِ مِن مَّآءٖ فَأَحۡيَا بِهِ ٱلۡأَرۡضَ بَعۡدَ مَوۡتِهَا وَبَثَّ فِيهَا مِن كُلِّ دَآبَّةٖ وَتَصۡرِيفِ ٱلرِّيَٰحِ وَٱلسَّحَابِ ٱلۡمُسَخَّرِ بَيۡنَ ٱلسَّمَآءِ وَٱلۡأَرۡضِ لَأٓيَٰتٖ لِّقَوۡمٖ يَعۡقِلُونَ﴾
«Albatta osmonlar va yerning yaratilishida, kecha va kunduzning almashib turishida, dengizda odamlarga kerakli narsalarni olib yurgan kemalarning (suzishida) va Alloh osmondan tushirgan va u sababli o‘lik yerni tiriltirib, bor jonzotni tarqatib-yoyib yuborgan suv (degan ne’mat)da va shamollarning yo‘naltirilishida, osmon va yer orasidagi itoatgo‘y bulutda — (bularning hammasida) aqlli kishilar uchun oyat-alomatlar bor» [Baqara 164]
Islom shariat va qonunlar tatbiqini nafs-havoga emas, taqvoga asosladi, kuchliga kuchsizni g‘amxo‘rlik bilan boshqarishni buyurdi. Rosululloh ﷺ marhamat qilganlar:
«أَلَا كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ»
«Diqqat, har-biringiz g‘amxo‘r boshqaruvchisiz, har-biringiz qo‘l ostidagilardan javobgarsiz». Alloh Taoloning quyidagi kalomiga ko‘ra, Islom haq ustida turishga buyurdi, garchi haq shaxsiy manfaat va odamlar manfaatiga zid kelib qolsa ham:
﴿يَٰٓأَيُّهَا ٱلَّذِينَ ءَامَنُواْ كُونُواْ قَوَّٰمِينَ بِٱلۡقِسۡطِ شُهَدَآءَ لِلَّهِ وَلَوۡ عَلَىٰٓ أَنفُسِكُمۡ أَوِ ٱلۡوَٰلِدَيۡنِ وَٱلۡأَقۡرَبِينَ﴾
«Ey mo‘minlar, adolat bilan turguvchi hamda o‘zingning yoki ota-ona va qarindosh-urug‘ingizning zarariga bo‘lsa-da, Alloh uchun to‘g‘ri guvohlik berguvchi bo‘ling!» [Niso 135]
Bu bilan Islom rahm-shafqat va adolat bilan boshqariluvchi jamiyatning namunasiga aylandi.
Ey musulmonlar! Diningizni nafaqat madaniy meros, balki Allohning shariati bilan hukm yurituvchi jamiyatni bunyod etadigan keng qamrovli tizim sifatida qayta kashf eting. Amerika xalqini, ziyolilar va haqiqatga intiluvchi barchani ommaviy axborot vositalarining Islomni buzib talqin qilishlariga berilib ketmaslikka hamda ideologik xurofotlardan uzoq ravishda va yorqin aqlga asoslangan holda Islomni o‘rganishga chaqiramiz. Islomni ideologik xurofotlardan xoli tarzda o‘rganib chiqsangiz, o‘ziga xizmat qilmagan paytda qadriyatlarni oyoq osti qiladigan tor manfaatlar hukmronligidan bu dunyoni qutqaruvchi yagona adolatli alternativa Islom ekanini ko‘rasiz! Alloh Taolo bunday dedi:
﴿يَٰٓأَيُّهَا ٱلَّذِينَ ءَامَنُواْ ٱسۡتَجِيبُواْ لِلَّهِ وَلِلرَّسُولِ إِذَا دَعَاكُمۡ لِمَا يُحۡيِيكُمۡ﴾
«Ey mo‘minlar, Alloh va Rosuli sizni abadiy hayot beradigan narsaga da’vat qilar ekan, uni qabul qilinglar» [Anfol 24]
Hizb ut-Tahrirning Amerikadagi
matbuot bo‘limi
