Matbuot bayonoti
Amerika Payg‘ambarlik minhoji asosidagi roshid Xalifalik tongi otishi borasida xatar bongini urmoqda
Ummat mustamlakachilik bo‘yinturug‘idan qutulish sari olg‘a qadam tashlab, G‘arb gegemonligidan ozod bo‘lishga harakat qilgani sari, Amerika Ummat orasidagi xolis insonlar harakatidan qo‘rqib, xatar bongini urmoqda. Chunki Xalifalik kelayotganini, Rosululloh ﷺ xushxabar bergan roshid Xalifalik qayta barpo bo‘layotganini bilishyapti. Shom tog‘uti Bashar Asad qochib qolib, qo‘zg‘olonchilar Damashqqa kirishgandan keyin AQSH o‘zining salibchi ittifoqchilari bilan birga oyoqqa turdi. Bu vaziyatni juda katta ish deb bilgan Amerika va uning ittifoqchilari vaziyatni nazorat qilish maqsadida birin-ketin o‘z hukumatlari vakillaridan elchi va delegatsiyalarni yubordi. Chunki vaziyat nazoratdan chiqib ketsa, bu narsa, ayniqsa, G‘arb dunyosi uchun jiddiy va salbiy oqibatlarga olib kelishi mumkin.
Musulmon o‘lkalari sharqidagi Bangladeshga kelsak, tog‘ut Hasina qochib ketgandan so‘ng Amerika va uning malayi Hindiston vaziyatni g‘oyat xavotir bilan yaqindan kuzatishmoqda. Ular bu ish Islom va uning ahli qo‘liga o‘tib ketishidan xavfsirashyapti. Amerika dunyo musulmonlarining – shu jumladan Bangladesh ahlining – yuragi talpinayotgan yagona kandidat Islom ekanini yaxshi anglab turibdi. Shuning uchun Bangladesh armiyasini zolim Hasinani taxtdan ag‘darib, Hindistonga qochishga majbur qilgan talabalar qo‘zg‘olonini nazorat qilish uchun o‘zining surgundagi odami Muhammad Yunusni yana maydonga olib keldi.
AQSH milliy razvedka direktori Tulsi Gabbard Hindistonning «NDTV» telekanaliga bergan intervyusida «Bangladeshdagi kichik etnik guruhlarning ta’qib qilinayotgani va o‘ldirilayotgani hamda mamlakatdagi islomiy terrorchilar tahdidi islomiy xalifalik boshqaruvi mafkurasi va maqsadini kengaytirayotgani»ni da’vo qildi. Bu bayonot Hizb ut-Tahrir – Bangladesh viloyatining 2025 yil 7 mart juma kuni ommaviy yurish o‘tkazishi ortidan aytildi. Ma’lumki, ushbu yurish Hizb odamlarga Xalifalik ag‘darilganini eslatish va ularni Payg‘ambarlik minhoji asosidagi roshid Xalifalikni barpo etishga da’vat qilish va kuch-qudrat ahlidan Xalifalik ag‘darilishi xotirasida uni qayta barpo etish uchun Hizb ut-Tahrirga nusrat-yordam berishni talab qilish maqsadida uyushtirilgan. Biroq yurishning muvaqqat hukumat tomonidan shafqatsizlik bilan bostirilishi Bangladesh muvaqqat prezidenti Muhammad Yunusning parvoyiga ham kelmadi. Nobel mukofotiga sazovor bo‘lgan, AQSHning sobiq prezidenti Bill Klinton bilan qirq yil do‘st tutinib, uning ma’muriyati olqishlarini olgan bu kimsa ayni bostirishga e’tibor bermay, Nyu-Yorkka borib AQSHning sobiq prezidenti Jo Bayden bilan uchrashdi.
Bangladesh muvaqqat hukumati AQSH razvedka boshqarmasi direktori Tulsi Gabbardning bayonotlariga kutilganidan ham qattiqroq munosabat bildirdi. Hukumat o‘z banotida Gabbardning so‘zlarini «chalg‘ituvchi» va «mamlakat obro‘siga putur yetkazuvchi» deb atab, Bangladeshning an’anaviy tarzda Islomga tinch yo‘l bilan amal qilib kelayotganini va «ekstremizmga qarshi kurashda sezilarli yutuqlarga erishganini» ta’kidladi. Demakki, Bangladesh muvaqqat hukumati va u yerdagi davlat ortidagi davlat Islomga qarshi kurashish va Xalifalik tuzumining qaytishiga yo‘l qo‘ymaslik uchun qo‘lidan kelgancha harakat qilmoqda. Bangladesh siyosiy elitasining G‘arbga sodiqligi vaqtinchalik holat emas, balki uzoq yillar davomida shakllangan siyosiy pozitsiyadir. Hasina qochib ketdi, lekin uning izidan borganlar hali ham sahnada. Xuddi o‘sha eshiklar qoqilib, ayni o‘sha elchilar va mustamlakachi kuchlardan ko‘rsatma olinmoqda. Shuning uchun Islomga qarshi kurashish va Xalifalikni barpo qilishga da’vat qilayotganlarni bostirish uchun bor kuchlari bilan harakat qilayotganliklarini da’vo qilib, o‘zlarini beparvolikda ayblagan bunday bayonotlarni keskin qoraladilar.
Islomiy yurtlardagi, shu jumladan, Bangladeshdagi hukmdorlar va davlat ortidagi davlat ko‘pincha payqamayotgan yoki e’tiborsiz qoldirayotgan bir haqiqat bor. U ham bo‘lsa, Amerikaning musulmon o‘lkalarda Islom so‘zining birgina tilga olinishidan ham vahimaga tushayotganidir. Qolaversa, AQSH Bangladesh va boshqa islomiy o‘lkalarda islomiy hayotni qayta tiklash chaqiriqlarini hech qachon yengil qabul qilmayapti, aksincha, juda jiddiy qabul qilmoqda. Masalan, milliy razvedka direktori Tulsi Gabbard va uning davlati G‘arbning buzg‘unchi ochko‘z madaniyatiga muqobil buyuk madaniyat-hazorat Islom ekanini anglamoqda hamda agar Xalifalikka da’vat qilayotganlarni tek qo‘yib qo‘yilsa, Ummat ayni da’vat atrofiga birlashib, Islom boshqaruvini tanlashini va Allohning Kitobi, Rosuli ﷺning sunnatlari bilan hukm yurituvchi xalifaga bay’at berishini yaxshi bilib turibdi.
Shuning uchun Amerika va uning salibchi ittifoqchilarining siyosati oldini olish strategiyasiga asoslanmoqda. Ya’ni Islom o‘lkalaridagi o‘z malaylari va odamlariga Xalifalikka da’vat qiluvchilarni Ummatdan ajratib qo‘yishga ko‘rsatma bermoqda va shu maqsadda taqiqlash, quvg‘in qilish, qamoqqa tashlash, bostirish kabi o‘z ixtiyorlaridagi barcha vositalardan foydalanishlarini xohlamoqda. Bu holat Qurayshning Payg‘ambarimiz Muhammad ﷺ va u zotning sahobalariga qarshi olib borgan boykot, qiynoq, yomonotliq qilish va tuhmat siyosatini eslatadi. Lekin Alloh Taolo O‘z diniga yordam berib, uni barcha dinlardan ustun qildi. Amerika buni istamasa-da va uning razvedka boshqarmasi boshlig‘i aqldan ozsa-da, tez orada Allohning izni ila Xalifalikka da’vat qiluvchilar zafar qozonadi!
﴿يُرِيدُونَ لِيُطۡفُِٔواْ نُورَ ٱللَّهِ بِأَفۡوَٰهِهِمۡ وَٱللَّهُ مُتِمُّ نُورِهِۦ وَلَوۡ كَرِهَ ٱلۡكَٰفِرُونَ + هُوَ ٱلَّذِيٓ أَرۡسَلَ رَسُولَهُۥ بِٱلۡهُدَىٰ وَدِينِ ٱلۡحَقِّ لِيُظۡهِرَهُۥ عَلَى ٱلدِّينِ كُلِّهِۦ وَلَوۡ كَرِهَ ٱلۡمُشۡرِكُونَ﴾
«Ular Allohning nurini (ya’ni Islomni) og‘izlari (ya’ni behuda gaplari) bilan o‘chirmoqchi bo‘lurlar. Alloh esa, garchi kofirlar istamasalar-da, O‘z nurini (ya’ni dinini) to‘la (ya’ni har tarafga) yoyguvchidir. U (Alloh) O‘z payg‘ambarini hidoyat va haq din bilan – garchi mushriklar istamasalar-da — barcha dinlar ustidan g‘olib qilish uchun yuborgan zotdir» [Sof 9]
Biz Bangladesh ahliga va armiyadagi xolis harbiylarga shuni eslatmoqchimizki, ular kofir G‘arb kuchlari tomonidan nishonga olinmoqdalar va bu kuchlar ularga yaxshilik bo‘lishini hargiz istamaydi. Chunki yaxshilik Islomning qaytishi va Alloh nozil qilgan ahkomlar bilan hukm yuritilishidan iborat. Shuning uchun bu kuchlar xalq bilan Xalifalikni barpo etish da’vati o‘rtasiga to‘siq qo‘yishga qattiq harakat qilishyapti. Shu sababdan Bangladesh ahli ayni til biriktiruv tuzog‘ini anglab yetmoqlari va Hizb ut-Tahrir bilan birgalikda uni barbod etmoqlari darkor. Amerika Bangladeshdagi o‘zining malaylarini kuchaytirishidan, ehtimolki, tog‘ut Hasinani qayta hokimiyatga olib kelishidan oldin Bengal armiyasidagi xolis harbiylarimiz Hizb ut-Tahrirga nusrat berishga shoshilmoqlari lozim.
﴿مَّا يَوَدُّ ٱلَّذِينَ كَفَرُواْ مِنۡ أَهۡلِ ٱلۡكِتَٰبِ وَلَا ٱلۡمُشۡرِكِينَ أَن يُنَزَّلَ عَلَيۡكُم مِّنۡ خَيۡرٖ مِّن رَّبِّكُمۡۚ وَٱللَّهُ يَخۡتَصُّ بِرَحۡمَتِهِۦ مَن يَشَآءُۚ وَٱللَّهُ ذُو ٱلۡفَضۡلِ ٱلۡعَظِيمِ﴾
«Na ahli kitoblar (yahudiy va nasroniylar)dan bo‘lgan kofirlar sizga Robbingiz tarafidan bir yaxshilik tushishini istaydilar va na mushriklar. Alloh esa rahmat-marhamatini o‘zi xohlagan kishilarga xos qilib beradi. Alloh buyuk fazlu karam sohibidir» [Baqara 105]
Hizb ut-Tahrirning markaziy
matbuot bo‘limi
