Matbuot bayonoti
Tramp hamda G‘arb olami tartibining yemirilishi va ezgulik niqobining qulashi
Globallashtirishga, xalqaro qonunga, sekulyarizm va demokratiyaning universalligiga asoslangan va Ikkinchi jahon urushidan so‘ng tashkil topgan G‘arb dunyosi tartibi ko‘z o‘ngimizda yemirilmoqda.
G‘arb gegemonligini o‘rnatish uchun qo‘llangan prinsiplar endi tark etilmoqda. Bu prinsiplar amalga oshirib bo‘lmasligi ko‘rinib, global raqobat kuchayib borayotgan bir sharoitda teskari samara berayotgani isbotlandi. Qo‘shma Shtatlar o‘zi yetakchilik qilgan bir qutblilik zamoni tugaganidan so‘ng sivilizatsiyasi tanazzulini oldini olishga muvaffaqiyatsiz urinmoqda.
Bunga urinar ekan, G‘arbning ikkiyuzlamachi ezgulik niqobi tushib ketdi. Bu davlatlar boshqalarga zo‘rlab tiqishtirgan qadriyatlariga o‘zlarining sodiq ekanliklarini da’vo qilolmaydigan bo‘lib qoldi. Chunki xalqaro tartib G‘arb gegemonligining qurolidan boshqa narsa emasligi, bu tartib ularning manfaatlariga xizmat qilolmay qolganda undan voz kechib yuborishlari hammaga fosh bo‘ldi. Bugungi kunda faqat bir olam qoldi, unda davlatlar xalqaro qonun, inson huquqlari, hududiy yaxlitlik kabi odatiy bahonalarsiz ochiqdan-ochiq kuchga intilmoqda.
Donald Tramp G‘arbning bir anomaliyasi emas, aksincha, u o‘zida G‘arbni aks ettirmoqda. G‘arbning sobiq rahbarlari shivirlab, imi-jimida sodir etib kelishgan qilmishlarni Tramp baland ovozda sodir etyapti, xolos. Ksenofobiya, yerlarni anneksiya qilish, genotsid, majburiy surgun kabi Trampning siyosatlari G‘arb sivilizatsiyasidan og‘ish emas, aksincha, uning tabiiy natijasi hisoblanadi. Ya’ni u shunday bir tuzumning mahsulidirki, unda G‘arbning asl qabih basharasini yashirish uchun qo‘llanilayotgan siyosiy ikkiyuzlamachilikdan ko‘pchilik zada bo‘lgan.
Hozirda olam G‘arbni qanday bo‘lsa, shunday, ya’ni uning zo‘ravon, egoist, axloqan rasvo basharasini ko‘rmoqda. G‘arb tartibi vayron bo‘layotgan ekan, insoniyat G‘arbning muvaffaqiyatsiz prinsiplaridan tashqariga nazar solib, ekspluatatsiya, ikkiyuzlamachilik va zulm asosiga qurilmagan haqiqiy ko‘z-qarash uchun Islomga murojaat qilmog‘i darkor.
Hizb ut-Tahrirning Avstraliyadagi
matbuot bo‘limi
