Matbuot bayonoti
Rossiya o‘zining zolimligi va omadsizligini yashirish uchun eng nufuzli siyosiy Hizbga terrorchilik ayblovini yopishtirmoqchi!
2025 yil 5 fevral kuni RT arabic veb-sayti «Rossiya Federal xavfsizlik xizmati Hizb ut-Tahrirga aloqador terroristik tarmoqni yo‘q qildi» sarlavhali xabar tarqatdi. Xabarda «Rossiya Federal xavfsizlik xizmati Qrim yarim orolida Hizb ut-Tahrirga aloqador terrorchi tarmoqni qo‘lga oldi. Qo‘lga olingan besh kishi Rossiyada taqiqlangan partiyani qo‘llab-quvvatlash uchun jihod qilishgan», deyiladi. Hibsga olishlar va uylarga bostirib kirishlar tasviri jamoatchilikka yetkazildi. Jamoatchilikka ko‘rsatilgan tasvirlarda yigitlarning uyidan musodara qilingan ashyolar Qur’oni karim nusxalari, turli islomiy asarlar hamda Hizb ut-Tahrirning dunyo miqyosida nashr etilgan va mazmuni ham mashhur bo‘lgan fikriy va siyosiy materiallari ekani yaqqol ko‘rinib turibdi.
Qamoqqa olish operatsiyasida, hizbiylarning zirxlanmagan va shubhali bo‘lmagan oddiy uylarda yashayotgani, eshik ochgan oila a’zolari fuqaroviy kiyimda, ba’zilari yotoq kiyimida ko‘rindi. Ya’ni hech birida qarshilik harakatiga yoki zo‘ravonlikka oid biror narsa yo‘q edi. Tintuvlar natijasida terrorchilik faoliyatiga aloqador bo‘lishi mumkin bo‘lgan o‘q-dori va qurol-yarog‘lar topilmagani aniqlandi.
Hizb ut-Tahrir dunyoning turli mintaqalarida o‘zining barcha faoliyat sohalarida bir xil fikriy va uslubiy yo‘nalishga amal qiladi. U bu uslub-tariqatga hech qanday tuzatish yoki o‘zgartirish kiritmagan. Bu tariqat Rosululloh ﷺ ilk Islom davlatini barpo etish jarayonida amal qilgan tariqat bilan aynan bir xil bo‘lib, ushbu yuksak fikr va siyosiy tariqatda zo‘ravonlik va terrorga mutlaqo o‘rin yo‘q. Bu Hizb haqida hammaga ma’lum faktdir. Na ilmiy tadqiqotlar, na tekshiruv va kuzatishlar tomonidan inkor etilmaydigan haqiqatdir. Hizbning zo‘ravonlik qo‘llaganligi haqida hech qanday dalil yo‘q.
Rossiya rejimining Hizb va uning a’zolariga terrorchilik ayblovini yopishtirishga urinishi muvaffaqiyatsiz urinish bo‘lib, bunga uning mafkuraviy jihatdan abgor ekanligi sababdir. Maqsadi, o‘zining Hizbga zulm qilayotganini oqlash va jamiyatni undan nafratlantirishdir. Ayniqsa, bu rejim Rossiyadagi musulmonlarning ko‘payayotganiga hamda Hizb va uning a’zolarini hurmat qilishayotganiga guvoh bo‘lmoqda. Biroq, Hizbning pok va beg‘ubor obro‘siga dog‘ tushirish va unga putur yetkazish harakatlari hech qachon samara bermaydi. Chunki uning siymosi sof oppoq va beg‘ubordir.
Yaqinda Hizb a’zolari Allohga bergan ahd-paymonlarini voqelikda isbotlaydilar. Hizb Alloh bizni g‘olib qilib, imkon berguniga qadar o‘z harakatini hamda fikriy va siyosiy faoliyatini Allohning madadi ila davom ettiradi. Bu Payg‘ambarlik minhoji asosidagi ikkinchi roshid Xalifalikni barpo etish orqali islomiy hayotni qayta boshlash imkoniyatidir. Qachon bunga erishsak, Islomni, ya’ni rahmat, adolat va xotirjamlik dinini olamga ulashamiz, butun xalqlar to‘p-to‘p bo‘lib Islomga kiradilar va kapitalizmning zulmu baxtsizligidan qutuladilar, odamlar haqni botildan ajratadilar. Alloh Taolo aytadi:
﴿هُوَ ٱلَّذِيٓ أَرۡسَلَ رَسُولَهُۥ بِٱلۡهُدَىٰ وَدِينِ ٱلۡحَقِّ لِيُظۡهِرَهُۥ عَلَى ٱلدِّينِ كُلِّهِۦۚ وَكَفَىٰ بِٱللَّهِ شَهِيدٗا﴾
«U O‘z Rosulini hidoyat va Haq din (Islom) bilan, u (din)ni barcha (din)lardan g‘olib qilish uchun yuborgan zotdir. Allohning O‘zi (ushbu va’dasining ro‘yobga chiqishiga) yetarli guvohdir» [Fath 28]
Hizb ut-Tahrirning markaziy
matbuot bo‘limi
