Matbuot bayonoti
Islom va sog‘lom tabiat: jinsiy identifikatsiyaning asrlar bo‘yi aniq bo‘lib kelayotgani
﴿يَٰٓأَيُّهَا ٱلنَّاسُ إِنَّا خَلَقۡنَٰكُم مِّن ذَكَرٖ وَأُنثَىٰ﴾
«Ey insonlar, darhaqiqat, Biz sizni bir erkak va bir ayoldan yaratdik»
AQSH prezidenti Donald Tramp Bayden ma’muriyatining gender identifikatori bo‘yicha moslashuvchan siyosatini bekor qilib, davlat hujjatlarida, jumladan, pasportlarda jinsni faqat biologik jinsga qarab belgilash haqida qaror qabul qildi. Ko‘pchilik tomonidan olqishlangan ushbu qaror «ayollarni ekstremistik mafkuradan himoya qilish va biologik mohiyatni qayta tiklash» sarlavhasi ostida qabul qilindi. Jinsning biologik jihatdan aniqlanishi va uni o‘zgartirish mumkin emasligi, faqat ikkita jins, ya’ni erkak va ayol jinsi rasman tan olingani ta’kidlandi.
Bu o‘zgarishda jismoniy shaxslarni jinoiy javobgarlikka tortish yoki ularning erkinliklarini cheklash maqsad qilinmagan. Uning yagona maqsadi, rasmiy hujjatlarda aniqlikni saqlashdir. Biroq insonning mohiyatini yo‘q qilishga qaratilgan tushunchalarni targ‘ib qilish nafaqat shaxslarga ta’sir qiladi, balki kengroq ijtimoiy oqibatlarga olib keladi. Bu tushunchalardan ko‘pincha hokimiyatdagilarning manfaatlariga xizmat qiluvchi fikriy va iqtisodiy siyosatlarni joriy qilish uchun foydalaniladi.
G‘arbning inson jinsi kabi eng oddiy tushunchalarni belgilashda ham zalolatga kirganligi dinni hayotdan ajratishdan kelib chiqqan dahshatli mafkuraviy krizisni aks ettirmoqda. Bu esa inson tabiatidagi o‘zgarmas asoslarni shubha ostiga qo‘yadi. Buning aksi o‘laroq, Islom o‘n to‘rt asr davomida jinsiy identifikatsiyaning aniq va o‘zgarmas tushunchasini bayon qilib keldi. Alloh Taolo bu haqda
﴿يَٰٓأَيُّهَا ٱلنَّاسُ إِنَّا خَلَقۡنَٰكُم مِّن ذَكَرٖ وَأُنثَىٰ﴾
«Ey insonlar, darhaqiqat, Biz sizni bir erkak va bir ayoldan yaratdik» [Hujurot 13]
degan. Islom gomoseksualizm kabi illatlardan ogoh etgan. Ibn Umar Rosululloh ﷺning bunday deganlarini rivoyat qiladi:
«لَمْ تَظْهَرْ الْفَاحِشَةُ فِي قَوْمٍ قَطُّ حَتَّى يُعْلِنُوا بِهَا إِلا فَشَا فِيهِمْ الطَّاعُونُ وَالأَوْجَاعُ الَّتِي لَمْ تَكُنْ مَضَتْ فِي أَسْلافِهِمْ الَّذِينَ مَضَوْا»
«Qaysiki qavm avval ochiqchasiga qilinmagan fahsh ishlari bilan ochiq shug‘ullanadigan bo‘lsa, ularda ajdodlarida kuzatilmagan o‘lat va kasalliklar yuzaga keladi». (Ibn Moja rivoyati). Islom shaxs bilan jamiyatga zarar keltiruvchi zalolatlardan ogohlantirib, jamiyatning tabiiy muvozanatini saqlaydigan ahkomlarni belgilab berdi.
Ey musulmonlar!
G‘arbning bu sekulyar materialistik anormal sivilizatsiyasi inson tabiatini yo‘q qilishni ko‘zlagan! Sizlar insonlar uchun chiqarilgan eng yaxshi Ummat farzandlarisiz, ulug‘ Islom da’vatining tashuvchisi va olamlarga haqiqat guvohisiz. Olamni qutqaruvchi chambarak ham, insoniyat xaloskori ham sizsiz. Sizning buyuk Islomingiz mukammal ishlangan binodir, uning qarashlaridagi asos qat’iy keskin aqidadan iborat. Ushbu yorqin qarash insonda dunyo hayoti haqida real tasavvur uyg‘otadi. Demak insonning borligi va yashashining bir sababi, mazmuni va maqsadi borki, u o‘z yaratuvchisining hidoyatiga ergashib, u orqali yuksaladi.
Ey musulmonlar!
Ey taqvodorlar, pokdomonlar va buyuk Islom da’vatini yetkazuvchilar, sizdan boshqa hech kim bu baxtsiz olamni zalolat va mashaqqatdan qutqarolmaydi. Faqat siz butun olamga buyuk Islomni nur va hidoyat sifatida olib chiqib, yerni samo bilan bog‘laysiz, shu orqali olamlar Parvardigorining rizosiga erishasiz.
Hizb ut-Tahrirning Amerikadagi
matbuot bo‘limi
