Matbuot bayonoti
Falastin ma’muriyati va uning xavfsizlik xizmati sud qarorlarini oyoq-osti qilib, o‘z jinoyatlarini yashirish uchun yolg‘on ayblovlar uydirmoqda
Bu ma’muriyat o‘z qilmishlari botqog‘iga botishdan hech to‘xtamayapti. Har bir xatti-harakati uni bo‘g‘zigacha, hatto peshonasigacha botqoqqa tortmoqda. Bu qilmishlaridan biri Falastin ahliga hamda haqni gapirgan va uning munkarlarini qaytargan kishiga tajovuz qilayotganidir. Alhol, munkarlari hech qayerga sig‘may ketdi. Keyin esa, haq ovozlarini bostirish, rostgo‘y insonlar og‘zini yopish uchun o‘z qonunlarini o‘zi oyoq osti qilish bilan jinoyatiga kattaroq jinoyat qo‘shmoqda. Aynan shu ma’muriyat «qonunga qarshi chiqqanlar», degan soxta iddao bilan Janin lageriga va Falastin ahliga qarshi urush ochib, odamlarga yolg‘on ayblov yopishtirishni va zulm qilishni o‘zi va xavfsizlik xizmatiga kasb qilib oldi. Aynan shu ma’muriyat o‘z qonunini etiklari bilan ezg‘ilab tashladi.
Darhaqiqat, u Tulkarmdan Atiyya Voilni qamoqqa olishga, so‘ng unga adolatsiz va shafqatsiz hukm chiqarishga jur’at qildi. Keyin sud Atiyya Voilni qamoq jazosini jarimaga tortish jazosiga o‘zgartirib, qo‘yib yubordi va 2025 yil 16 yanvarda jarima to‘landi. Biroq Falastin razvedka xizmati direktori Amjad Darovisha sud va sudya qarorini oyoqlari bilan ezib, Atiyyani qayta razvedka xizmati qamoqxonasiga tiqdi. Hozirgacha u o‘sha yerda qolmoqda.
Falastin ma’muriyati xavfsizlik xizmati 2025 yil 16 yanvarda Salfitdan Shohir Assofni ham qamoqqa oldi. Advokat ishni boshlaganida, razvedka xizmati hibsga olish sanasini 2025 yil 18 yanvarga o‘zgartirib, ochiqchasiga yolg‘on gapirdi. Garchi bu yolg‘on tibbiy xulosalar bilan isbotlangan bo‘lsa-da, ana shu yolg‘on asosida ayblov uydirildi. Advokat bu yolg‘onni fosh qildi. Advokat taqdim etgan dalillarga qaramay, sud Shohirni 15 kun hibsda saqlashga qaror qildi. Sudya xavfsizlik xizmatining buyruqlariga bo‘ysunib, da’vatni yetkazayotgan, haqni gapirayotgan insonlarga qarshi uning tuhmatlariga itoat qilish yo‘lini tanladi.
Bundan tashqari, ma’muriyat Hizb ut-Tahrirning boshqa a’zolarini ham, boshqa falastinliklarni ham qamoqqa olgan, holbuki, ularning «ayb»i ma’muriyat tomonidan muborak zamin va uning ahliga qarshi sodir etilayotgan jinoyatlarni inkor etish bo‘lgan, xolos.
Ey ma’muriyatdagilar! Qonunni buzayotganlar kimlar?! Senlarni munkardan qaytarayotgan Hizb ut-Tahrir a’zolarimi yoki senlarmi?! Axir, yahudiylarni rozi qilish uchun mujohidlarni quvg‘in qilayotganlar, ayollar, bolalar va qariyalarni o‘ldirayotganlar, qolaversa, xolis niyatda bo‘lgan va haqni ochiq gapirgan Hizb ut-Tahrir a’zolari va boshqalarga tuhmat qilib, qamoqqa tashlayotganlar kimlar, senlar emasmi?!
Ey xavfsizlik xodimlari! Haqiqatdan ham qonunni buzayotganlar kimlar?! Senlarga o‘z birodarining qonini to‘kishni bas qil, yahudiylar va kofirlarning ko‘rsatmalari asosida harakat qilayotgan ma’muriyatga bo‘ysunma deganlarmi?! Yoki soxta ayblovlar bilan odamlarni nishonga olib, hibsga olingan kunlarini ham soxtalashtirib, sud qarorlarini mensimay, da’vat yetkazuvchilarning hibsda saqlash muddatini o‘zboshimchalik bilan uzaytirayotganlarmi?
Ey prokurorlar! Qonunni buzayotganlar kimlar?! Robbimiz Allohdir, deb, so‘ng to‘g‘ri yo‘ldan yurayotganlarmi?! Yoki xavfsizlik xizmati bilan til biriktirib, odamlarga yolg‘on ayblov qo‘yganlar hamda ayblovlar butunlay yolg‘on ekanini bilsa-da, qamoq muddatini uzaytirishni talab qilganlarmi?!
Ey sudyalar! Qonunni buzayotganlar kimlar?! Alloh Taoloning
﴿وَلۡتَكُن مِّنكُمۡ أُمَّةٞ يَدۡعُونَ إِلَى ٱلۡخَيۡرِ وَيَأۡمُرُونَ بِٱلۡمَعۡرُوفِ وَيَنۡهَوۡنَ عَنِ ٱلۡمُنكَرِۚ وَأُوْلَٰٓئِكَ هُمُ ٱلۡمُفۡلِحُونَ﴾
«(Ey mo‘minlar) orangizdan yaxshilikka (Islomga) da’vat qiladigan, ma’rufga buyurib, munkardan qaytaradigan bir guruh bo‘lsin, ana o‘shalar najot topguvchilardir» [Oli Imron 104]
degan qonuniga quloq tutganlarmi yoki xavfsizlik xizmatiga itoat qilib, nohaq hibsga olingan Falastin xalqini ozod etishdan bosh tortganlarmi?!
Davlatlarning zavolga yuz tutishi avvalo zulm-adolatsizlik bo‘lsa, ikkinchisi o‘z qonunini o‘zi buzishidir. Agar u Allohning amriga itoat qilmaydigan va odamlarga zulm qilishdan bosh tortmaydigan hokimiyat bo‘lsachi?! Bu ma’muriyat va uning xavfsizligidan na xo‘jayinlari yahudiylar rozi bo‘lyapti, na yurt ahli. U na o‘z dushmanidan – agar uni dushman deb bilsa – biror narsaga erisha oldi va na yurt ahliga biror yaxshilik keltira oldi. Bu halokatga yuz tutuvchi ma’muriyatdir, koshki aqllarini ishlatishsa!
Qasos olish paytida peshvolardan oldin ergashuvchilar keltiriladi. Ularning ergashuvchi bo‘lganliklari bu dunyoda ham, oxiratda ham foyda bermaydi. Shunday bo‘lgach, ma’muriyatga ergashganlar qachon aql ishlatarkanlar, qayoqqa ketmoqdalar?!
﴿إِذۡ تَبَرَّأَ ٱلَّذِينَ ٱتُّبِعُواْ مِنَ ٱلَّذِينَ ٱتَّبَعُواْ وَرَأَوُاْ ٱلۡعَذَابَ وَتَقَطَّعَتۡ بِهِمُ ٱلۡأَسۡبَابُ + وَقَالَ ٱلَّذِينَ ٱتَّبَعُواْ لَوۡ أَنَّ لَنَا كَرَّةٗ فَنَتَبَرَّأَ مِنۡهُمۡ كَمَا تَبَرَّءُواْ مِنَّاۗ كَذَٰلِكَ يُرِيهِمُ ٱللَّهُ أَعۡمَٰلَهُمۡ حَسَرَٰتٍ عَلَيۡهِمۡۖ وَمَا هُم بِخَٰرِجِينَ مِنَ ٱلنَّارِ﴾
«U kunda peshvolar ergashuvchilardan tonadilar va hammalari azobni (ko‘zlari bilan) ko‘radilar. (U kunda ularni bog‘lab turadigan) bahonayu sabablar uziladi. Ergashuvchilar: «Qaniydi, yana bir karra (yashashning) iloji bo‘lsa-yu, ular bizdan tonganlaridek, biz ham ulardan tonsak», deydilar. Shunday qilib, Alloh ularning qilgan amallarini o‘zlariga hasrat-nadomat qilib ko‘rsatadi va ular jahannamdan chiqa olmaydilar» [Baqara 166]
Hizb ut-Tahrir a’zolariga kelsak, ular hamisha hidoyat mash’alasi bo‘lib turadilar, anavilar yomon ko‘radigan haqiqatni hamisha gapiradilar, ularning xo‘jayinlari Hizb a’zolariga ham, Falastin ahliga ham ziyon yetkazolmaydi va nihoyat, Alloh o‘rtamizda hukm qiladi, U eng yaxshi hukm qilguvchidir.
Hizb ut-Tahrirning
muborak Falastin
zaminidagi matbuot bo‘limi
