Matbuot bayonoti
Kofir G‘arb davlatlaridagi saylovda qatnashishga chaqirish ularning jamiyatlariga qorishishga hamda Islom risolasini butun olamga yetkazishni to‘xtatishga chaqirishdir
Har safar G‘arbda bo‘ladigan prezidentlik yoki parlament saylovlari chog‘ida u yerdagi musulmon diasporaning ko‘plab faollari ayni saylovlarda qatnashish zarur deya hayqirishadi. Bu faollar, jumladan, shayxlar va islomiy markazlar amaldorlari musulmon diasporani partiya yoki nomzod shaxsga ovoz berishga undash uchun xuddi saylov kampaniyasiga o‘xshash ishlarni amalga oshiradilar. Nomzod shu «shayxlar»ga yoqmaydigan kimsa bo‘lsa ham, ovoz berishdan voz kechishga chaqirmaydilar. Musulmon saylovchi o‘z byulletenini hatto bo‘sh qoldirsa ham, saylovda qatnashishi va ovoz berishi shart deyishyapti. Bu shayxlar saylovlarda qatnashishning o‘zini shar’iy farz va «milliy» burch degan da’voni qilishyapti. Bu esa bizni ularning bu da’vatidan asosiy maqsad musulmonlarning ovozi va ta’sir darajasi emas, balki ularning o‘zlari, deb aytishga undamoqda. Ular hatto G‘arbda yashovchi musulmonlar jamoasi soni oz bo‘lsa ham ba’zan saylov tarozisida og‘ir bosadilar, deya iddao qilish darajasiga yetishdi. Masalan, Al-Jazira kanalida «Qo‘shma Shtatlarda yashovchi musulmonlar yettita shtatdagi saylovlar natijasini hal qilmoqdalar» sarlavhali maqolada yolg‘on nashr qilindi. Buning yolg‘onligi «Qo‘shma Shtatlardagi musulmonlar nisbatan kichik aholi guruhi hisoblanadi. Chunki ular 336 million aholining uch yarim-to‘rt millionini tashkil qilmoqdalar», degan so‘zlarning o‘zidan ko‘rinib turibdi. Shunga qaramay, yana bunday deyilmoqda: «Musulmonlarning prezidentlik saylovlarida ta’siri, ayniqsa har ikki partiya, ya’ni Respublikachi va Demokratlarni qo‘llab- quvvatlovchilar soni bir-biriga teng bo‘lgan shtatlarda sezilarli bo‘lishi kutilmoqda, masalan, Pensilvaniya, Michigan, Arizona, Nevada, Jorjiya, Shimoliy Karolina va Viskonsin kabi».
Birinchidan: Islom va musulmonlarga ochiq dushmanlik qilayotgan kofir G‘arb davlatlardagi bu kabi chaqiriqlar musulmon kishini hayratga solmoqda. Biz shayxlarning bunday fatvosida dalil tugul shibh dalil degan narsani ham topmadik, balki u Islom fiqhidagi aniq dalillarga zid kelmoqda. Saylov saylovchi bilan saylanuvchi o‘rtasidagi vakillik bitimi bo‘lganligi sababli, bu shayxlar musulmonning Alloh nozil qilgan qonun-qoidalar bilan emas, o‘z davlatining konstitutsiyasi, qonunlari va siyosati asosida hukmronlik qiluvchi kofirga vakolat berishini qanday qilib joiz deb hisoblaydilar? Qolaversa, o‘sha davlatlar siyosati doimo Islom Ummati manfaatlariga zid bo‘lgan. Eng ajablanarlisi shuki, agar shayxlarga ayni aniq dalillar eslatilsa, tushunishni istamay, o‘zalarini «biz ikki yomonning yengilrog‘i»ni saylayapmiz deya oqlashga urinishyapti. Yoki ulardan biri aytganidek, odamlar «Abu Jahl va uning o‘tin tashuvchi ayoli» o‘rtasida qoldi deb, saylovda hech qanday imkoniyat yo‘q noaniq uchinchi nomzodni tanlashga chaqirmoqda! Yana bir ajablanarlisi, ana shu shayxlar o‘zlari «ikki yomonning yengilrog‘i», deya shar’iy qoida deya gumon qilishgan narsadan foydalanishayotganda uning asl haqiqatidan ko‘z yumishyapti. Haqiqat shundaki, bu qoidani olgan ulamolar «musulmon ikki yomondan yengilrog‘ini majbur bo‘lgan holatda tanlashi kerak, ammo ikkisidan yengilrog‘ini qilishga majbur bo‘lmasa, ixtiyorli bo‘lsa, ikkisini ham qilishi aslo joiz emas», degan shartni qo‘yishgan. Shuning uchun, biz G‘arb saylovlarida qatnashishga chaqiruvga – hatto noto‘g‘ri qoidani tanlasalar ham – hech qanday shar’iy oqlovni topmayapmiz. Aksincha, G‘arbda yashovchi barcha musulmonlarni, ayniqsa, shayxlar va islomiy markazlar rasmiylarini shunga da’vat qilamizki, Allohdan qo‘rqsinlar va kufr bilan hukm yuritadigan kimsani saylab, G‘arbning butun dunyo bo‘ylab musulmonlarga zulm va qirg‘in qilish rejalarini amalga oshirilishiga sherik bo‘lib qolmasinlar, shuningdek, shariatga zid fatvolarga quloq solmasinlar, dunyo va uning matosiga uchmasinlar, «tayoq va xushomad siyosati»dan qo‘rqmasinlar.
﴿أَلَمۡ تَرَ إِلَى ٱلَّذِينَ يَزۡعُمُونَ أَنَّهُمۡ ءَامَنُواْ بِمَآ أُنزِلَ إِلَيۡكَ وَمَآ أُنزِلَ مِن قَبۡلِكَ يُرِيدُونَ أَن يَتَحَاكَمُوٓاْ إِلَى ٱلطَّٰغُوتِ وَقَدۡ أُمِرُوٓاْ أَن يَكۡفُرُواْ بِهِۦۖ وَيُرِيدُ ٱلشَّيۡطَٰنُ أَن يُضِلَّهُمۡ ضَلَٰلَۢا بَعِيدٗا﴾
«(Ey Muhammad), o‘zlarini sizga nozil qilingan narsaga (Qur’onga) va sizdan ilgari nozil qilingan narsalarga iymon keltirgan deb hisoblaydigan (ayrim) kimsalarning shaytonga hukm so‘rab borishni istayotganlarini ko‘rmadingizmi? Holbuki, ularga unga ishonmaslik buyurilgan edi. (Chunki) shayton ularni butunlay yo‘ldan ozdirishni istaydi» [Niso 60]
Ikkinchidan: G‘arb saylovlarida qatnashmoq ilmoniy kufr tuzumini tan olmoq demakdir. G‘arbda yashayotgan musulmonlar g‘arbliklarni Islomga da’vat qilmoqlari va uni butun dunyoga yetkazmoqlari farz. Ular o‘z da’vatlarida Islomning hammasiga chaqirmoqlari, faqat undagi ibodat marosimlarigagina cheklanmasliklari kerak. Islomga chaqirish iqtisodga, boshqaruvga va hayotning barcha sohalarida yashash tarziga chaqiruv demakdir. Islomga da’vat qilish ma’nosi mana shu. Xususan, G‘arb hozirda o‘zining hazorati inqirozga uchragan bir holatda yashayotgan ekan, ularni buzg‘unchi ilmoniy hazoratdan qutqaruvchi muqobil sog‘lom hazoratga juda muhtoj bo‘lib turibdi. Chunki ularning bu hazoratlari G‘arb xalqlarini baxtsiz qildi va butun dunyo xalqlariga, jumladan Islom Ummati boshiga balo va la’natga aylandi. Ya’ni G‘arbni Islomga da’vat qilinar ekan, uni zolim ilmoniylikka asoslangan tuzumini Islomga almashtirishga da’vat qilinishi kerak. Buning uchun G‘arbdagi musulmonlar ilmoniy tuzumga ishonmasliklarini e’lon qilmoqlari va G‘arb jamiyatiga, shu jumladan siyosiy lavozimga nomzod kishilarga Islomni hazoratga oid muqobil tuzum sifatida taqdim qilmoqlari shart. Ular odamlarning manfaati uchun xizmat qilaman deya har qancha yolg‘on da’volar qilishmasin, hech birlarini saylamasliklari kerak! Rosululloh ﷺ marhamat qilganlar:
«وَالَّذِي نَفْسُ مُحَمَّدٍ بِيَدِهِ، لَا يَسْمَعُ بِي أَحَدٌ مِنْ هَذِهِ الْأُمَّةِ، يَهُودِيٌّ وَلَا نَصْرَانِيٌّ ثُمَّ يَمُوتُ وَلَمْ يُؤْمِنْ بِالَّذِي أُرْسِلْتُ بِهِ إِلَّا كَانَ مِنْ أَصْحَابِ النَّارِ»
«Muhammadning joni qo‘lida bo‘lgan zotga qasamki, menga bu ummatdan biri, ya’ni yahudiy va nasroniy quloq solmasa va men olib kelgan narsalarga imon keltirmagan holda o‘lsa, albatta do‘zax ahlidan bo‘ladi». (Muslim rivoyati).
Uchinchidan: G‘arbdagi musulmonlar jamoasini u yerdagi jamiyat ichida ijobiy jamoa qilib turgan narsa Islom soyasida birlashib, Islomni risolat va rahmat sifatida yetkazayotganliklaridir. Chunki Islomning ilohiy risolasini G‘arbga, ayniqsa, bir hovuch kapitalistlar tomonidan ezilgan mazlum xalqlarga yetkazish vojibdir. Kapitalistlar o‘z xalqini yirik qit’alararo kompaniyalarning magnatlari manfaatlariga ko‘ra boshqaradi. Shuning uchun G‘arb xalqlarini baxtsiz qilgan, Alloh Taoloning g‘azabiga uchrashlariga sabab bo‘lgan turmush tarzlariga qorishib ketish emas, aksincha, ularga da’vatni yetkazish farzdir. Shuningdek, musulmonlarning birlashishi ularni o‘zlariga va Islomga qilinayotgan fitnalardan saqlaydi. Rosululloh ﷺ marhamat qilganlar:
«فَعَلَيْكَ بِالْجَمَاعَةِ، فَإِنَّمَا يَأْكُلُ الذِّئْبُ مِنَ الْغَنَمِ الْقَاصِيَةَ»
«Jamoadan ayrilmang. Chunki bo‘ri podadan ayrilgan qo‘yni yeydi». (Abu Dovud rivoyati). Masalan, Amerikadagi o‘n million musulmonlar uchun ularning o‘zlaridan bo‘lgan bir vakil bo‘lsa, bu ularni ajoyib kuchga aylantiradi. Bu narsa – modomiki ularning talablari fuqaro sifatidagi huquqlarini hamda G‘azodagi birodarlarimizni o‘ldirgan qurollarning yahudiy vujudiga berilmasligini talab qilish kabi qonuniy va adolatli ekan – saylovda qatnashadilarmi yoki yo‘qmi huquqlari buzilishining oldini oladi.
To‘rtinchidan: biz G‘arbdagi musulmonlardan Islom va musulmonlarning haqiqiy elchi-vakillari bo‘lishga da’vat qilamiz. Ular Habashistonga hijrat qilgan sahobalarning, shu jumladan, Ja’far ibn Abu Tolib roziyallohu anhuning siyratini o‘zlarida qaytarsinlar. Shuningdek, ularning siyrati ibratli siyrat bo‘lsin. G‘arb jamiyatlariga aralashib-qorishib, uning siyosati va an’analari bilan shug‘ullanmasinlar. Chunki G‘arbning siyosati va an’analari da’vat yukining sifatiga, ya’ni uning barcha insoniyat uchun ekanligiga qarshidir. Biz ularni jiddiy faoliyat qilish bilan G‘arb jamiyatlarida a’lo va ijobiy darajadagi musulmonlar bo‘lishga chaqiramiz. Toki, ushbu xalqlarni kapitalga sig‘inishdan chiqarsinlar va Islomga to‘p-to‘p qilib olib kirsinlar, Islomga aqida va hayotning barcha sohasini qamrovchi tuzum sifatida da’vat qilsinlar. Shunday qilish bilan ular Islom risolasini Robbilarini rozi qiladigan tarzda yetkazadilar. Shuningdek, o‘zlari va keyingi avlodlarini kufr hayoti va an’analariga qorishib ketishdan himoya qiladilar.
﴿ٱدۡعُ إِلَىٰ سَبِيلِ رَبِّكَ بِٱلۡحِكۡمَةِ وَٱلۡمَوۡعِظَةِ ٱلۡحَسَنَةِۖ وَجَٰدِلۡهُم بِٱلَّتِي هِيَ أَحۡسَنُۚ إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِٱلۡمُهۡتَدِينَ﴾
«Robbingizning yo‘li – diniga donolik, hikmat va chiroyli pand-nasihat bilan da’vat qiling! Ular bilan eng go‘zal yo‘lda mujodala-munozara qiling! Albatta, Robbingizning O‘zi Uning yo‘lidan ozgan kimsalarni juda yaxshi bilur va U hidoyat topguvchi kishilarni ham juda yaxshi bilur» [Nahl 125]
Hizb ut-Tahrirning markaziy
matbuot bo‘limi
