بِسْمِ اللهِ الرَّحْمٰنِ الرَّحِيمِ
Hadisi Sharif bilan
Amirlarga itoat qilishning vojibligi va gunohga buyurganda ularga itoat qilishning hromligi
Aziz muxlislar, “Hadisi Sharif bilan” nomli ruknimizning yangi sonini samimiy salomlar bilan boshlaymiz. Sizlarga Alloh Taoloning salomi, rahmati va barakoti bo‘lsin.
Imom an-Navaviy «Sahihi Muslim»ga yozgan sharhida “Gunohdan boshqa ishlarda boshliqlarga itoat qilishning vojibligi va gunoh ishga buyurilganda ularga itoat qilishning hromligi” bobida shunday deydi:
حدثنا يحيى بن يحيى أخبرنا المغيرة بن عبد الرحمن الحزامي عن أبي الزناد عن الأعرج عن أبي هريرة عن النبي صلى الله عليه وسلم قال: “من أطاعني فقد أطاع الله، ومن يعصني فقد عصى الله، ومن يطع الأمير فقد أطاعني، ومن يعص الأمير فقد عصاني“
Yahyo ibn Yahyo bizga Abu Hurayradan Payg‘ambar sollallohu alayhi vasallamning shunday deganligini rivoyat qildi: “Kim menga itoat qilsa, Allohga itoat qilgan bo‘ladi. Kim menga osiylik qilsa, Allohga osiylik qilgan bo‘ladi. Kim amirga itoat qilsa, menga itoat qilgan bo‘ladi. Kim amirga osiylik qilsa, menga osiylik qilgan bo‘ladi”.
“Kim menga itoat qilsa, Allohga itoat qilgan bo‘ladi. Kim amirga itoat qilsa, menga itoat qilgan bo‘ladi”, degan so‘zning ma’nosi shuki, Alloh Taolo Rasululloh sollallohu alayhi vasallamga itoat qilishni buyurgan. U zot (sollallohu alayhi va sallam) esa, amirga itoat qilishni buyurdilar. Shuning uchun, itoat qilish yonma-yon yuradi.
Aziz birodarlar!
Bu dinning buyukligi uning aqida va hukmlaridadir. Agar bu aqida va hukmlar hayotda tatbiq etilsa, odamlar mamnun bo‘lib, qanoat hosil qiladi, o‘zining insonligini his qilib, qadriyatlar zinapoyasida yuksaklarga ko‘tariladi va qonoatli insonga aylanadi. Bunga Islom tarixidan minglab misollar keltirish mumkin. Musulmonlar Islom hukmlari ostida yashab, uning soyasidan bahramand bo‘lishdi. Bu davrlarda tinchlik va xotirjamlik hukm surar edi. Bu ularning din bilan yashaganliklaridan dalolatdir. Shuning uchun ular ijodkorlik bilan shug‘ullanib, bizga fiqh, usul, til, ilm va boshqa ko‘plab xazinalar qoldirdi…
Ey musulmonlar!
Agar itoat bo‘lmasa bularning hech biri amalga oshmas edi. Ha, bularning barchasi itoatning natijasidir. Hozirgi paytdagi musulmonlarga yetishmayotgan narsa ham mana shudir. Bu ularning g‘alabasining siridir. Hadisi sharifda Alloh Taologa itoat qilish bilan Payg‘ambarimiz sollallohu alayhi vasallamga va hokimiyat egalariga itoat qilish o‘rtasida go‘zal bog‘liqlik bor. Hokimiyat egalariga itoat qilish Alloh va payg‘ambarga itoat qilishdir. Hokimiyat egalariga osiylik qilish Allohga va Payg‘ambarga osiylikdir.
Ammo bugungi kunda itoat qilish kerak bo‘lgan amirlar bormi? Albatta yo‘q. Bugun musulmonlarni boshqarayotgan kishilar amir hisoblanmaydi. Chunki ular Ummat zaif bo‘lgan paytda o‘zlarining kofir xo‘jayinlarining yordamida hokimiyatni zo‘ravonlik bilan bosib olgan kishilardir. Aniqroq aytganda, ular jinoyatchilardir. Ular Ummatga Alloh nozil qilgan narsadan boshqasi bilan hukm yuritmoqda. Ular Britaniya, Fransiya va Amerika qonunlari bilan hukm yuritmoqda. Shu kunlarda biz guvoh bo‘lib turgan narsalar bu gaplarimizning yaqqol isbotidir. Masalan, inqiloblar bo‘lgan joylarda Islom Ummati ana shu hukmdorlar tomonidan o‘ldirildi. Binobarin, bugungi kunda Ummatning oldida katta vazifa turibdi. Aniqroq aytganda, Alloh nozil qilgan narsa bilan hukm yuritadigan hokimiyatni tiklash yo‘lini topib, uni tiklash vazifasi turibdi. Alloh Taolo O‘z Kitobida musulmonlarga shunday xitob qiladi:
” أَطِيعُوا اللَّهَ وَأَطِيعُوا الرَّسُولَ وَأُوْلِي الْأَمْرِ مِنْكُمْ“
“Allohga itoat qilingiz, va payg‘ambarga hamda o‘zlaringizdan bo‘lgan (ya’ni musulmon) hokimlarga bo‘yinsuningiz!”. Demak, itoatni talab qiladigan hukm vojibligicha qolaveradi. Shariat bilan boshqaradigan hukmdorning yo‘qligi sababli u bekor qilinmaydi. Shuning uchun musulmonlar itoat qilish vojib bo‘lgan hokimni tiklash yo‘lini topib, shunga harakat qilishlari vojibdir. Qolaversa, “Vojib nima bilan amalga oshsa, u ham vojibdir” degan qoida bor. Shunday ekan, harakatga keling, ey musulmonlar! Ushbu buyuk vazifani bajarish uchun ongli va xolis musulmonlar bilan birga harakat qilishga shoshiling. Biz Allohga va Uning Rasuliga, itoat qilish vojib bo‘lgan hokimni tiklash va unga bo‘ysunish bilan bo‘ysunamiz.
Ey Allohim, biz uchun uni tezlashtirgin va bizni so‘zga quloq tutib, uning eng go‘zaliga ergashadigan zotlardan qilgin.
Aziz birodarlar, navbatdagi «Hadisi Sharif bilan» nomli ruknimizgacha Alloh Taoloning panohida bo‘ling. Sizlarga Alloh Taoloning salomi, rahmati va barakoti bo‘lsin.
03 JUmmadul Ula, 1446h yil.
05 Noyabr, 2024m yil.
