Matbuot bayonoti
To Ummatning qalqoni bo‘lmish Xalifalik davlati qayta barpo bo‘lmaguncha G‘azo ayollari va bolalarining qirg‘ini aslo to‘xtamaydi
Qonxo‘r yahudiy vujudining G‘azo ahliga qarshi genotsid urushi boshlaganiga bir yil bo‘ldi. Unda 41 mingdan ziyod inson shahid bo‘ldi. Bu hayvon vujud erkak, ayol, bola va emizikli go‘dakni ajratib o‘tirmadi. Zero, shahidlarning 70 foizi ayollar va bolalarni tashkil qilmoqda. «Oksfam» ma’lumotlariga ko‘ra, G‘azoda yahudiy vujudi tomonidan bir yildan beri o‘ldirilgan ayollar va bolalar soni o‘tgan yigirma yil ichida bo‘lgan har qanday urushda o‘ldirilgan ayollar va bolalar sonidan oshib ketgan. 25 mingdan ziyod bola otasiz yoki ota-onasiz qoldi, 3000dan ortiq bola oyoq-qo‘llaridan ajradi. (Al-Jazira). «UNRWA»ga ko‘ra, G‘azoda har kuni o‘rtacha hisobda 10 nafar bola bir yoki ikki oyog‘ini yo‘qotmoqda, bu bilan ular tarixda oyoq-qo‘llaridan amputatsiya qilingan eng katta bolalar guruhiga aylandilar, ularning aksari narkozsiz operatsiya qilingan.
Bularning barchasiga ocharchilik va uning oqibatida o‘limlar, toza ichimlik suvi yetishmasligi, sog‘liqni saqlashdan mahrumlik, o‘limga olib keladigan yuqumli kasalliklarning tarqalishi qo‘shimcha bo‘lmoqda hamda bular G‘azodagi shafqatsiz blokada, suv ta’minoti va oziq-ovqat ta’minoti tizimlarining vayron etilishi oqibatida yuzaga kelmoqda. Xususan, kasalxonalar jiddiy zarar ko‘rdi, masalan, o‘tgan yilning iyul oyida «Lancet» tibbiyot markazi xabariga ko‘ra, «agar ushbu ocharchilik, sog‘liqni saqlashning yetishmasligi, omon qolish uchun zarur bo‘lgan fuqarolik infratuzilmasining vayron etilganligi sababli bilvosita o‘limni hisobga oladigan bo‘lsak, G‘azodagi hujumlar oqibatida halok bo‘lganlar soni 180 minga yetishi mumkin». «Children Organization» (bolalarni qutqarish tashkiloti)ning aytishicha, «G‘azodagi maktab binolarining qariyb 90 foizi shikastlangan yoki vayron etilgan». Bularning barchasidan maqsad aniq: G‘azo bolalari va kelajak avlodi uchun mumkin bo‘lgan har qanday kelajakni yo‘q qilish.
O‘tgan bir yil shuni yana bir bor isbotladiki, bugungi xalqaro tashkilotlar, ularning hukumatlari, BMT, barcha xalqaro sudlar va institutlar mazlum musulmonlarni himoya qilishdan ojiz. Yahudiy vujudi har qanday qizil chiziqni bosib o‘tdi, daxlsizliklarni buzdi, har qanday prinsip va global qonunni vayron etdi. Biroq, shunga qaramay, hech bir davlatda bunday vahshiy qatli omni to‘xtatish uchun siyosiy istak yo‘qligi ko‘rinmoqda. G‘arb davlatlari qonxo‘r vujudning Falastin ahliga qarshi olib borayotgan etnik tozalash kampaniyasiga e’tibor bermay, uning jazosiz qolishini ta’minlab kelishdi. To‘g‘rirog‘i, moliyaviy va siyosiy jihatdan so‘zsiz qo‘llab-quvvatlash orqali unga insoniyatga qarshi jinoyatlarida yordam berishdi.
O‘tgan avgust oyida Bayden ma’muriyati ushbu genotsidni moliyalashtirish uchun bosqinchi hukumatga 20 milliard dollarlik qo‘shimcha qurol sotishni ma’qulladi. Bu yoqda, islomiy yurtlardagi hukmdorlar ham kofir G‘arb va yahudiy vujudiga sodiqliklarini yana bir bor namoyish qildilar hamda bu vujud bilan diplomatik va iqtisodiy aloqalarni olib borishni va u bilan munosabatlarni normallashtirishni davom ettirishdi. Hatto bu malaylar yahudiy vujudini himoya qilish uchun o‘z harbiy bazalari, havo bo‘shliqlari va razvedkalaridan foydalanishlariga qo‘yib berishdi.
Bugungi kunda musulmonlar tarafida xolis turadigan hamda ularning oqayotgan qonini to‘xtatish uchun armiyalarini ishga soladigan birorta ham davlat yo‘q ekaniga yana qancha dalil kerak?! Faqat Islom bilan hukm yuritadigan, dinimizni himoya qiladigan, Ummatning qo‘riqchi va qalqoni bo‘lishda davom etadigan Xalifalik davlati barpo etilmagunicha armiyalar Falastinni ozod etish sari aslo safarbar etilmasligini tushunishimiz uchun yana qancha dahshatli manzaralarga guvoh bo‘lishimiz kerak?!
Shu bois, bu genotsidga yakun yasash uchun qoralash va duo qilish yetmaydi, balki buning uchun ko‘proq narsa qilish kerak, ya’ni bu bizdan Payg‘ambarlik minhoji asosidagi roshid Xalifalikni barpo etishimizni talab qiladi. Chunki Ummatni mudofaa qilish va yerlarimizni ozod etishning yagona yo‘li ushbu davlat ekanligi dinimizda belgilab berilgan. Shu nuqtayi nazardan, islomiy armiyalarni Xalifalikni barpo etish uchun Hizb ut-Tahrirga nusrat-yordam berishga undash lozim. Zero, Xalifalik davlati yahudiy vujudini ildizi bilan qo‘porib tashlaydi va o‘z fuqarolarining har birini mudofaa, izzat-hurmat va xavfsizlik bilan ta’minlaydi. Rosululloh ﷺ bunday marhamat qilganlar:
«إِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»
«Imom-xalifa qalqondir. Uning ortida turib jang qilinadi va u bilan himoyalaniladi».
Hizb ut-Tahrirning markaziy matbuot
bo‘limi ayollar qanoti
