Matbuot bayonoti
G‘azoda genotsid boshlanganiga bir yil to‘ldi
Islom Ummati va uning armiyalari roshid Xalifalikni barpo etib, Falastinni ozod etmog‘i darkor!
Na siyosiy partiyalarning konferensiyalari, na birdamlik kunlari Falastin musulmonlarining ahvolini o‘zgartira olmaydi. Pokistondagi amaldagi hukmron fraksiyalar bir yildirki, muborak Falastin zamini oldidagi mas’uliyatini bajarmay kelmoqda. Falastinlik musulmonlar faqat birdamlikka muhtoj emaslar, balki islomiy yurtlar armiyalari ham qo‘zg‘alishi kerak. Pokiston dunyodagi eng kuchli armiyalar ichida yettinchi o‘rinda turgan va musulmon armiyalari ichida eng kuchligi bo‘lgan armiyaga ega. Uning Islom va musulmonlarni yaxshi ko‘radigan musulmon aholisi bor. Biroq Pokistonga yetishmayotgan narsa Qur’oni Karim va Sunnati Nabaviy bilan hukm yurituvchi xolis yetakchilikdir. Buning o‘rniga mamlakatni mustamlakachi xujayinlarining g‘oyalari asosida pozitsiya egallagan hukmdorlar boshqarmoqda. Bu hukmdorlar Isro va Me’roj zamini masalasiga millatchilik nuqtayi nazaridan qarab, uni hal etishga G‘arb davlatlarini chaqirishyapti, o‘tkinchi dunyo matolari uchun tog‘utga ergashishyapti. Ular Alloh Azza va Jallaning Islom va musulmonlar dushmani masalasidagi buyruqlariga to‘la bir yildan beri qarshi chiqib kelishdi.
Ey Pokistondagi musulmonlar!
Harbiy safarbarlik barcha musulmon armiyalarga farz, xoh ular Falastinga yaqin bo‘lsin, xoh uzoq. Alloh Subhanahu va Taolo aytadi:
﴿وَأَخۡرِجُوهُم مِّنۡ حَيۡثُ أَخۡرَجُوكُمۡۚ وَٱلۡفِتۡنَةُ أَشَدُّ مِنَ ٱلۡقَتۡلِ﴾
«Sizlarni (quvib) chiqargan joydan ularni ham quvib chiqaringiz! (Odamlarni) aldab, fitnaga solish o‘ldirishdan yomonroqdir» [Baqara 191]
«Roddul muxtor alad-Durril muxtor» kitobi muallifi ulug‘ hanafiy olim Ibn Obidin Shomiy kitob hoshiyasida, kitobul-jihod bo‘limida bunday deydi: «Islom sarhadlaridan biriga hujum qilinsa, o‘sha mintaqa yaqinida yashovchi har bir musulmon uchun jihod farzi ayn bo‘ladi… Ularning ortida va dushmandan uzoqda bo‘lganlarga kelsak, farzi kifoya bo‘ladi. Zero, ularga ehtiyoj tug‘ilmasa, jihodni tark etishlari joizdir. Agar dushmanga yaqin bo‘lganlar dushmanga qarshi jang qilish uchun yetarli bo‘lmaslar yoki yetarli bo‘lgan hollarida tanballik qilib, jihod qilmasalar, u holda ularning ortida turganlar uchun ham jihod qilish xuddi namoz va ro‘za kabi farzi ayn bo‘ladi. Bu holatda jihodni tark etishlari joiz emas. Ushbu farz amali navbatma-navbat Sharqdan G‘arbgacha bo‘lgan butun Islom Ummati uchun farzi aynga aylanadi». Shunday ekan, siz pokistonlik musulmonlar qarindoshlaringiz va do‘stlaringiz orasidagi zobitlarni zimmalaridagi ushbu farzni ado etishga targ‘ib qiling, hech biri targ‘ib qilinmay qolmasin.
Ey Pokiston Qurolli kuchlaridagi zobitlar!
Siz bir yildan beri hukmdorlaringiz va harbiy qo‘mondonlaringizning e’tiborsizligi va tanballigiga guvoh bo‘ldingiz. Ular sizni millatchilikka chaqirishmoqda. Shuning uchun bir yil davomida zimmangizdagi vazifangizga beparvolik qildingiz. Siz musulmonsiz, diningiz Islom. Alloh Subhanahu va Taolo oldidagi burchingiz milliy chegaralar ichigagina cheklanmagan. Agar dushman Islomobodni bombardimon qilsa, siz kuch bilan javob qaytarasiz, ammo Aqso masjidi bombardimon qilinsa javob qaytarishga javobgar emassiz, degan mafkuraga Islom aslo rozi bo‘lmaydi! Agar dushman Laxorni bosib olsa, uni har qancha qimmatga tushmasin qaytarasiz, biroq Quddusni bosib olsa, uni quvib chiqarish sizning zimmangizda emas, degan mafkurani ham Islom aslo qabul qilmaydi! Islom, shuningdek, Pokiston zaminini mudofaa qilishga javobgar bo‘lib, ammo muborak Falastin zaminini mudofaa qilmayotganingizni ham hargiz qabul qilmaydi!
Ey Pokiston Qurolli kuchlaridagi zobitlar!
Milliy tushuncha Qur’oni Karim va Sunnati Nabaviyga ochiqdan-ochiq zid. Ummat bitta, birodarlik bitta. Alloh Taolo
﴿إِنَّمَا ٱلۡمُؤۡمِنُونَ إِخۡوَةٞ﴾
«Mo‘minlar, hech shak-shubhasiz, og‘a-inidirlar» [Hujurot 10]
deb qo‘ygan. Chunki iymon egalari boshqa ummatlarsiz bir butundirlar. «Sunanul Kubro»da imom Bayhaqiy Nabiy ﷺning
«… أَنَّهُمْ أُمَّةٌ وَاحِدَةٌ دُونَ النَّاسِ»
«… Shubhasiz ular boshqa insonlarsiz bitta Ummatdirlar», deganlarini rivoyat qiladi. Shuning uchun musulmonlarning milliy davlatlarga bo‘linishi joiz emas. Islom bitta davlat va bitta xalifa bo‘lishini farz qilgan. Ibn Is’hoq Abu Bakr roziyallohu anhuning «musulmonlarning ikkita amiri bo‘lishi halol emas», deganini rivoyat qilgan. Islom dunyodagi barcha musulmonlar uchun bitta amirlik bo‘lishiga va Islom bilan boshqaradigan bitta amir bo‘lishiga buyurgan. «Sunani Doramiy»da Umar Foruq roziyallohu anhu bunday degan: «Jamoasiz Islom yo‘q, amirliksiz jamoa yo‘q, itoatsiz amirlik yo‘q». Bas, shunday ekan, milliy chegaralarni buzib, o‘z burchingizni ado etishingizga to‘sqinlik qilayotganlarni ag‘darib tashlang, payg‘ambarlik minhoji asosidagi Xalifalikni barpo etish uchun Hizb ut-Tahrirga nusrat bering. Xalifalik sizni bosib olingan islomiy tuproqlarni ozod etish sari safarbar qiladi.
Hizb ut-Tahrirning Pokistondagi
matbuot bo‘limi
