بِسْمِ اللهِ الرَّحْمٰنِ الرَّحِيمِ
Netanyaxu diniy urush olib borayotgani bilan maqtanib, Ishayaning bashorotini e’lon qildi
Ustoz Omir Ali Aburrish
Muborak Falastin zamini
2001 yil 11 sentyabr hujumlaridan keyin, Falastin fuqarolaridan biri bosqinchi razvedkasida tergov qilinayotganida, razvedka zobiti unga: «Sen masjiddagi darslaringda Amerikaga hujum qilib, Amerika salib urushini e’lon qildi, deb aytibsan», dedi. U zobitga: «Amerika salib urushini olib boryapti deb, men emas, balki buni Amerika prezidentining o‘zi aytgan», deb javob berdi. Shunda unga zobit: «Quloq sol, Amerika prezidenti aytishga haqli bo‘lgan gapni aytishga sen haqli emassan», dedi. Ochiq ko‘rinib turibdiki, o‘zi xohlagan narsani aytishga, mamlakati olib borayotgan urushni salib urushi deb ta’riflashga hamda bu urushga diniy libos kiydirib, u orqali qirg‘in va vayron qilishlarni oqlashga nafaqat Amerika prezidenti haqli, balki uning Falastin zaminiga o‘rnashib olgan arzanda bolasi yahudiy vujudi ham haqli bo‘lib qoldi.
(Isroil) bosh vaziri Binyamin Netanyaxu Falastin, Livan va Yamanga qarshi (Isroil) boshlagan agressiyani oqlash va izohlash uchun yana bir bor Tavrotga murojaat qilib, mintaqadagi muvozanatni o‘zgartirish bilan tahdid qildi. Netanyaxu vazirlar mahkamasining yangi vaziri Gideon Saar bilan bergan matbuot konferensiyasida: «Tavrotda yozilganidek, men dushmanlarimni ta’qib etaman va ularni yo‘q qilaman», dedi. «Biz Hizbulloh yetakchilarini o‘ldirish va butun Yaqin Sharqdagi strategik voqelikni o‘zgartirish ustida tizimli ravishda ish olib boryapmiz», deb qo‘shimcha qildi u. (Al-Jazira, 2024 yil 29 sentyabr).
Tasavvurni yanada aniqlashtirish uchun aytamizki, Netanyaxu bundan oldin 2023 yil dekabr oyida G‘azo sektoriga quruqlikdan va havodan ochilgan vahshiyona hujumni asoslash uchun ayni shu iqtibosni ishlatib: «Ishayaning bashorati ro‘yobga chiqadi», degan edi. (Al-Jazira, 2023 yil 4 dekabr). Bu bashorat janubiy Yahudo podshohligining yahudiy payg‘ambari deb tanilgan Ishayaning kitobi tavrotda qayd etilgan. Unda Falastinga zulmat kelishi, Misrning vayron bo‘lishi haqida so‘z boradi va (Isroil)ga nur tushishini bashorat qiladi. (Al-Jazira, 2023 yil 24 dekabr).
Shunday qilib, xalqaro tizim o‘zining butun tayanchlari bilan Islom va musulmonlarga hujum qilib, ularni terrorchi deb atamoqda. Bu hujumda xalqaro tizim o‘z hujumini pinhon tutuvchilar bilan ochiq hujum qiluvchilarga bo‘lingan. Hujumini pinhon tutuvchilar «musulmonlar (terrorchilar) «nafrat, dushmanlik harakatlari va terror»ni oqlash uchun shar’iy nususlarni o‘zgartirishgan», deb aytishadi. Ochiq hujum qiluvchilar esa, «muammo Islomning o‘zida, chunki Islom dushmanlik va terrorchilikka undovchi matnlarni, nafratga to‘la ritorikani o‘z ichiga oladi», deb aytishadi. Shu bilan birga, bu tizim yahudiylarning jinoyatlarini to‘liq qo‘llab-quvvatlaydi. Agar yahudiylar BMT minbarida turib, tavrotdagi diniy matnlardan xulosa chiqarish orqali genotsid urushini oqlashsa, uni mamnuniyat bilan qabul qiladi. Diniy urush olib borishayotganini qayta-qayta e’lon qilishsa, buni qo‘llab-quvvatlaydi. Holbuki, bu jinoyatlar bosqinchi askarlarining o‘zlari tomonidan qoralandi. Ular sodir etilgan jinoyatlar dahshatidan o‘zlariga yetgan ruhiy iztiroblar tufayli o‘z hukumatlaridan ruhiy muolaja ta’minlanishini talab qilishdi. Qolaversa, bu jinoyatlar barcha xalqlar, ayniqsa, Amerika va Yevropa xalqi tomonidan o‘z hukumatlari pozitsiyalariga zid ravishda qoralandi. Ko‘chalar va universitetlarda minglab odam chiqib, bu jinoyatlarni to‘xtatishni talab qilib, ularni qoralashdi.
Demak, G‘arb o‘zining xalqaro tizimi bilan, ish Islom va musulmonlarga tegishli bo‘lganida, o‘zlari «diniy ekstremizm» deb atashgan narsaga qarshi kurashish uchun barcha siyosiy, harbiy, moliyaviy va axborot imkoniyatlarini ishga soladi. Agar biron bir musulmon amaldor, yetakchi, notiq, matbuot xodimi yoki voiz Qur’on Karim oyatlari yoki Rosululloh ﷺning hadislarini dalil qilib keltirib, shariatni tatbiq etish, shuningdek, ilmoniylik-sekulyarizm, demokratiya va xalqaro huquqni rad etish vojibligini aytsa… Ummatning Xalifalik davlatida birlashishi vojibligini aytsa… G‘arbning tajovuzini qaytarish yoki Islomni yoyish uchun Alloh yo‘lida jihod qilish vojib desa… hatto yahudiylarga va G‘arb tajovuziga qarshi kurashganlarni mujohid deb, ulardan o‘ldirilganlarni shahid deb atasa… G‘arb va yahudiylar jinoyatini diniy urush deb sifatlasa… hamma yoq alg‘ov-dalg‘ov bo‘lib ketadi. U sudga tortilib, uni jinoyatchiga chiqarish va ta’qib etish to‘g‘risida qaror chiqariladi. Bugungi kunda musulmonlar Allohning Kitobi va Rosululloh ﷺning Sunnatlaridagi jihod, shahid va yahudiy kabi so‘zlarni telefonda va hatto ijtimoiy tarmoqlarda ramziy belgilar bilan ifodalamasdan (kodlashtirmasdan) ishlata olmaydilar. Aks holda, ularning qismati ta’qibga uchrash va sudga tortilish bo‘ladi.
Boshqa tomondan, siz shuni shohidi bo‘lyapsizki, musulmon yurtlaridagi mavjud rejimlar, ularning barcha tarkibiy qismidagi siyosiy va diplomatik doiralari, axborot vositalari va asosan hukmdorlar ushbu kurashning diniy va mafkuraviy xarakterda bo‘lishini har bir forumda va har qanday minbarda qat’iy inkor etmoqdalar. Shuning uchun kurashning diniy va mafkuraviy xarakteriga Alloh Taoloning Kitobidan biron bir oyatni yoki Rosululloh ﷺning Sunnatlaridan biron bir hadisni qasddan dalil qilib keltirishmayapti. G‘arb ularni botil e’tiqodlarga qarshi kurashish, yolg‘iz Islomni ergashish vojib bo‘lgan din deb belgilash, faqat Islomni hakam qilishning vojibligi, shuningdek, jihod Islom o‘rkachining cho‘qqisi va Islom da’vatini yoyish yo‘lida turgan to‘siqlarni bartaraf etish tariqati ekanligi kabi mavzularni o‘z ichiga olgan Qur’on va Sunnatdagi shar’iy nususlarni o‘chirishga buyurganida, ular unga itoat etishgacha yetib borishdi. Ular bu nususlarni nafaqat rasmiy nutqdan, balki, G‘arbning sekulyar va kapitalistik tafakkuriga asoslangan avlodni yaratish maqsadida, o‘quv programmalaridan ham o‘chirishdi. Xo‘jayinlariga itoat qilib, sekulyarizmdan hukm so‘rash, bag‘rikenglik, yot fikrlarni qabul qilish va taslim bo‘lishga olib boradigan tinchlik kabi fikrlarni rivojlantirish uchun o‘z o‘rnidan boshqa o‘ringa qo‘yilgan nususlarni dalil qilib keltirishdi.
Azhar, Xalqaro Musulmon Ulamolar Ittifoqi va Musulmon Ulamolar Assotsiatsiyasi kabi xalqaro islomiy muassasa va tashkilotlar, shuningdek, ko‘plab ulamolarning, bilgan va bilmagan holda, rejimlar va hukmdorlar qo‘llayotgan nutq uslubiga kirib qolishi vaziyatni yanada yomonlashtirdi. Hatto ularning nutqida shar’iy dalillarni, ularning dalolatlarini va voqea-hodisalar voqeligiga mos kelishini bayon qilish, shuningdek, ularning muolajalarini bayon qilish yetarli bo‘lmay qoldi. Aksincha, ular shar’iy dalillarni G‘arb tomonidan ilgari surilgan xalqaro huquq, xalqaro qonuniylik va inson huquqlari deya nomlangan qoidalar tizimi kabi qadriyatlar, tushunchalar va muolajalar to‘plamiga muvofiqlashtirishga harakat qilishdi. Holbuki, ular tashkilot va ulamo sifatida haqni bayon qilib, uni ochiq aytishlari va haq tomonga o‘tishlari kerak edi. Islom o‘z aqidasi va nizomi bilan keng qamrovli din bo‘lib, har bir zamon va makondagi barcha odamlar uchun yaroqlidir. U individual va marosim dini emas. Aksincha, barqaror tatbiq etish tariqatiga ega bo‘lgan davlat dinidir. Alloh yo‘lidagi jihod Islom da’vatini yoyish tariqatidir. Toki, Islom nuri va uning rahmati butun dunyoni qamrab olsin. Ulamolar buni bayon qilishlari kerak edi.
Roya gazetasining 2024 yil 9 oktyabr chorshanba kungi 516-sonidan
