بِسْمِ اللهِ الرَّحْمٰنِ الرَّحِيمِ
Hadisi Sharif bilan
Zararkunanda hukmdorlarni yo‘ldan olib tashlash
Aziz muxlislar, «Hadisi Sharif bilan” nomli ruknimizning yangi sonini samimiy salomlar bilan boshlaymiz. Sizlarga Alloh Taoloning salomi, rahmati va barakoti bo‘lsin.
Ibn Hajar al-Asqaloniyning “Fath ul-Boriy – sharhi Sahihi ul-Buxoriy” asarida “Zarardan xalos bo‘lish” bobida shunday deyiladi:
وقال همام عن أبي هريرة رضي الله عنه عن النبي صلى الله عليه وسلم يميط الأذى عن الطريق صدقة.
Hamam Abu Hurayra (roziyallohu anhu)dan rivoyat qiladilar: Nabiy sollallohu alayhi vasallam “Yo‘ldan zararli narsalarni olib tashlash sadaqadir”, dedilar.
Aziz birodarlar!
Darhaqiqat Islom hayotning barcha sohalarida go‘zal odob-axloqqa chorlaydi. Shuning uchun musulmon kishi yo‘lda zarar yetkazadigan biror narsani ko‘rsa, uni olib tashlaydi. Yomonlikka chorlovchi biror narsaga duch kelsa, yaxshilikka buyurib, yomonlikdan qaytaradi. Agar u yordam talab qiladigan vaziyatga guvoh bo‘lsa, shunga muvofiq harakat qiladi. Islom mana shunday bizga hayotning har bir jabhasini o‘rgatgan.
Ey musulmonlar!
Biz yo‘ldan zararni olib tashlash haqida gapirar ekanmiz, nega musulmonlar va ularning hayotiga zarar yetkazayotgan hukmdorlarni yo‘ldan olib tashlash haqida gapirmaymiz. Bu ummatning qonini, or-nomusini to‘kayotgan rahbarlardan ko‘ra zararliroq narsa bormi?! Ularning Ummatga nisbatan qilayotgan xiyonati insoniyat tarixida hech qachon ko‘rilmagan. Ularning uyatsizliklari ham shudarajaga yetdiki, o‘zlarining bu xiyonatlarini musulmonlar uzoq davr guvoh bo‘lmagan imtiyoz deb biladilar. Shuning uchun, yo‘ldan olib tashlanishi kerak bo‘lgan eng katta zararkunandalar, aslida ana o‘sha hukmdorlardir.
Ey musulmonlar! Keling, ularni yo‘ldan olib tashlash uchun samimiy harakat qilayotganlarga yordam bering. Qur’on va Sunnatni amalda joriy qilish uchun bay’at beradigan, xoinlarning qo‘lidan hokimiyatni olib, osoyishtalikning eng yuqori darajalariga olib chiqadigan Xalifani tiklash uchun harakat qiling.
Allohim, musulmonlarni birlashtirib, ularning boshiga tushgan balolardan qutqaruvchi Payg‘ambarlik Minhoji asosidagi Xalifalik davlatining tiklanishini tezlashtirgin…
Aziz birodarlar, navbatdagi «Hadisi Sharif bilan» nomli ruknimizgacha Alloh Taoloning panohida bo‘ling. Sizlarga Alloh Taoloning salomi, rahmati va barakoti bo‘lsin.
14 Robiul-avval, 1446h yil.
17 Sentyabr, 2024m yil.
