بِسْمِ اللهِ الرَّحْمٰنِ الرَّحِيمِ
Turkiya Xon Yunusda tinch aholi o‘ldirilganini qoralab, qotillarning xalqaro qonun oldida javobgarlikka tortilishini talab qildi
Anadolu axborot agentligining ma’lum qilishicha, Turkiya tashqi ishlar vazirligi 2024 yil 9 iyulda «Biz (Isroil)ning G‘azodagi Xon Yunus shahrida falastinliklar panoh topgan maktabda o‘nlab begunoh tinch aholini o‘ldirganini qoralaymiz… Xon Yunusda topilgan ommaviy qabrlar va o‘tgan to‘rt kun ichida u yerda to‘rtta maktab nishonga olinishi (Isroil)ning Falastin xalqini yo‘q qilishni maqsad qilganiga aniq dalildir», deya bayonot bergan.
Roya: Turkiya rejimi o‘zi hech narsa qilmagani holda bu gaplarni aytmoqda. U yahudiy vujudi bilan aloqalarni uzgani yo‘q va o‘zi qardosh xalq deb maqtab kelgan Falastin xalqini qutqarish uchun urush ham e’lon qilmadi. Shuningdek, u o‘zini Falastin masalasini qabul qilgandek qilib ko‘rsatib, uni butunlay yordamsiz tashlab qo‘ydi. Tashqi ishlar vazirligining bu bayonoti kulgili. Bu Falastin ahlini qo‘llab-quvvatlash uchun hech narsa qilmaydigan kishining bayonotidir. Ma’lumki, xalqaro qonun yahudiy vujudini qo‘llab-quvvatlayotgan Amerikaning qo‘lida va u G‘arbning faqat musulmonlarga va zaifsizlarga qo‘llanadigan adolatsiz va buzg‘unchi qonunidir.
Turkiya rejimi o‘zining musulmonlar masalalariga loqaydligi bilan mashhur. Mana, u Suriyada musulmonlarni yordamsiz tashlab qo‘ydi va aldadi. Endi esa, ularni jinoyatchi rejimga topshirmoqda. Shuningdek, u o‘tgan asrning to‘qsoninchi yillarida Bosniya ahlini yordamsiz tashlab qo‘yib, qirg‘inlarga tomoshabin bo‘lgan edi. Uning eng ko‘zga ko‘ringan ishi, bugun G‘azo ahliga insonparvarlik yordamlarini jo‘natganidek, ularga ham insonparvarlik yordamlarini jo‘natishga uringandi. Bundan tashqari, jinoyatchilar o‘z jinoyatlarini sodir etib, o‘n minglab, hatto yuz minglab musulmonlarni qirg‘in qilishganidan keyin, ularning sud qilinishini talab qilishi ham uning eng ko‘zga ko‘ringan ishidir.
Roya gazetasining 2024 yil 17 iyul chorshanba kungi 504-sonidan
