بِسْمِ اللهِ الرَّحْمٰنِ الرَّحِيمِ
Sizlar uchun suzuvchi pirs (port)da ibrat bor!
Quds Arabiy saytining The Guardian gazetasiga tayanib xabar berishicha, Qo‘shma Shtatlarning G‘azo qirg‘og‘ida qurgan suzuvchi pirsdan voz kechgani haqida xabarlar bor. Pirsning qurilishi 2024 yil aprel oyida, gumanitar yordam yuklarini olib kelish esa 17 mayda boshlangan edi. Ammo G‘azo dengizi uni yutib yubordi. Natijada, bir haftadan keyin ishini to‘xtatdi va uni ta’mirlash kerak bo‘lib qoldi. 7 iyunda u taxminan bir hafta davomida qayta o‘rnatildi, keyin kuchli dengiz to‘lqinlari tufayli yana olib tashlandi. Bir necha kun o‘tgach, qayta o‘rnatilib, 28 iyunda yana olib tashlandi. Keyin yana bir necha kunga o‘rnatildi. Va nihoyat, Jek Sallivan matbuot konferensiyasida ta’kidlaganidek, Vashington juma kuni G‘azo sektori qirg‘oqlaridan suzuvchi pirsni butunlay olib tashlamoqchiligini e’lon qildi.
Roya: dunyodagi birinchi davlat o‘zining butun imkoniyatlari va qudrati bilan och va mazlumlarga qandaydir yordamlarni olib kirish uchun suzuvchi pirsni o‘rnatishda muvaffaqiyatsizlikka uchradi. Ammo ularni kechayu kunduz o‘ldirish uchun turli qirg‘in qurollarini yuborishni to‘xtatgani yo‘q. G‘azo dengizi bu pirsni qayta-qayta yutib yubordi. Bunda boshqalardan ko‘ra ko‘proq biz musulmonlar uchun ibrat bor. Ehtimol, bu «Amerika va G‘arbdan yaxshilik umid qilmanglar. Ularning jinoiy tashabbuslariga va omadsiz yechimlariga bo‘ysunmanglar. Chunki bu yechimlar sizlarning ustingizdagi zulmni faqat kuchaytiradi va sizlarga faqat omadsizlik olib keladi», deb aytilgan ovozdir. Ehtimol, bu butun musulmonlarga, shu jumladan G‘azo sektoridagi ahlimizga «Sizlarni ular bilan va ularga malay bo‘lgan musulmon hukmdorlar bilan bog‘lab turuvchi barcha ko‘prik arqonlarini – istisnosiz – uzinglar. Sizlar Yolg‘iz Alloh bilan bog‘lovchi ko‘prik arqonlarini ulanglar. Chunki Alloh bandalari ustidan g‘olib va g‘aybni bilguvchidir. Yolg‘iz Allohning mustahkam arqonini mahkam ushlanglar. Nusrat Yolg‘iz Uning qo‘lidadir. U naqadar yaxshi Hoja va naqadar yaxshi Madadkordir», deya ta’kidlamoqda.
Roya gazetasining 2024 yil 17 iyul chorshanba kungi 504-sonidan
