O‘zbekiston hukumati Islomga qarshi kurashni kuchaytirmoqda
O‘zining diktatura rejimi bilan tanilgan va qora kuchlarga tayanishni sovet tuzumidan meros qilib olgan O‘zbekiston hukumati Islom va musulmonlarga qarshi kurashni kuchaytirmoqda. Masalan, O‘zbekistonda 24 iyundan boshlab 400 dan ortiq masjid va namozxonlarni “buzish” yoki ishlab chiqarish obyektiga aylantirish maqsadida tadbirkorlarga berish to‘g‘risida farmon chiqdi. Ro‘yxatdan o‘tmagan masjid va madrasalarni yopishga urinishlar Prezident Mirziyoyevning diniy masalalar muhokamasiga bag‘ishlangan yig‘ilishidan bir hafta o‘tib yuzaga keldi. Tog‘ut Karimov davrida ham shunday ishlar amalga oshirilgan edi.
Qonxo‘r Karimovning zulmini davom ettirayotgan O‘zbekiston xavfsizlik xizmati Hizb ut-Tahrirning 23 nafar a’zosini yana hibsga oldi. Karimov davrida sudlangan va 1999-2000-yillardan buyon 20 yil umrini qamoqda o‘tkazgan kishilar ustidan, joriy yilning 9 may kuni yana o‘sha avvalgi ayblovlari asosida sud majlisi bo‘lib o‘tdi. Shuningdek, Toshkent, Andijon, Qo‘qon, Qarshi va Samarqand viloyatlarida 16 nafar yigit zo‘ravonlik va terrorchilik aybi bilan qayta hibsga olinib, Toshkentga yuborildi va ularga nisbatan tergov boshlandi!
25 iyun kuni esa, Oliy Majlis Qonunchilik palatasi bolalarni noqonuniy diniy ta’limga jalb qilganlik uchun ma’muriy javobgarlikni kuchaytiruvchi qonun loyihasini birinchi o‘qishda qabul qildi. Shu bahona bilan mamlakatda yozgi ta’tilda bolalarga Qur’on o‘qitiladigan maskanlar va madrasalar yopilmoqda. Shu bilan birga, imom-xatiblarning ijtimoiy tarmoqlar orqali nasihat olib borishi va xorijga chiqishi ham man etildi.
Bundan avval O‘zbekiston parlamenti ayollarning niqab kiyishini taqiqlovchi qonun loyihasini qabul qilgan edi. Bularning barchasi O‘zbekiston rejimining Islomga va Islomga da’vat qiluvchi har bir kishiga dushmanlik qilishda Karimov izidan borayotganini ko‘rsatmoqda.
Aslida, Zolim Mirziyev boshchiligidagi O‘zbekiston rejimining diniy qadriyatlarga qarshi kurash olib borishi o‘zlari ulug‘lab kelayotgan konstitutsiyaga va xalqaro qonunlarga ziddir. Aniqrog‘i, demokratikdagi din erkinligi va shaxs erkinligi insonga har qanday dinga e’tiqod qilish va har qanday imkoniyatdan foydalanishni kafolatlaydi. Bu “qadriyat” dunyoviy davlatning konstitutsiyaviy qonunidir. Biroq G‘arb va uning malayiga aylangan hokimlar xalqaro maydonda o‘z g‘oyasidan allaqachon voz kechishni boshlagan. Boshqacha aytganda, G‘arb uchun bu erkinliklar faqat Islom va musulmonlardan boshqalarga tegishli. Masalan, satanizm yoki boshqa buzg‘unchiliklar uchun diniy erkinlik beriladi. Musulmon bo‘lmaganlarga o‘zlari xohlagan kiyimni kiyishlari va hatto yalang‘och yurishlari uchun yo‘l ochib berishadi. Biroq, islomiy qadriyatlar haqida gap ketganda, masalaga boshqacha nazarda qaraladi. Bu esa, demokratik tuzum bilan diktatorlik tuzum bir tanganing ikki tomoni ekanini, har ikkisi ham o‘z xohish-irodasini xalq irodasidan ustun qo‘yishini bildiradi! Xususan, Iroq, Afg‘oniston, Suriya va oxirgi paytlarda G‘azoda sodir bo‘lgan voqealar ozodlik, ayollar va bolalar huquqlari degan shiorlar bombalar bilan birga yerga ko‘milganini ko‘rsatdi.
Darhaqiqat, musulmonlar da’vat yoki Islom hukmlarini mustamlakachi kofirlar yoki ularning malay hukmdorlari ruxsat bergani uchun yoki insonga erkinlik berilgani uchun amal qilmaydi. Aksincha, islomiy qadriyat va ezgu amal deb qilishadi. Shunday ekan, bu xoin rahbarlarga murojaat qilib aytamizki, Allohdan qo‘rqing va Islomga yuzlaning! Aslida sizning vazifangiz islomiy qadriyatlarga qarshi kurashish emas. Aksincha, masjidlar qurish va u yerlarda shart-sharoitlar yaratib qo‘yishdir! Madrasalar ochib, musulmon yoshlarga o‘z dinlarini o‘rgatishdir! Hijob va niqobga qarshi kurash emas, balki yarim yalang‘och yurishlar va axloqsizliklarni to‘xtatishdir. Lekin, afsuski, siz Allohning nazdida aziz bo‘lishni tanlash o‘rniga mustamlakachilarga malaylik qilish bilan horlikni tanlamoqdasiz! Modomiyki, to‘g‘ri yo‘lga qaytmas ekansiz, bu dunyoda xorlik, oxiratdagi azob bundan ham qattiqroq bo‘lishi shubhasiz! Mustamlakachi kofirlar va ularning malaylarining hiyla-nayranglari butunlay yo‘q bo‘ladi. Alloh taolo aytadi:
وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ
“Ular makr qilurlar, Alloh ham «makr» qilur. Alloh «makkor»roqdir”. (8:30).
Yana aytadi:
أَلَا إِنَّ نَصْرَ اللَّهِ قَرِيبٌ
“Ogoh bo‘lingizkim, Allohning yordami yaqindir” (2:214).
Mumtoz Mavarounnahriy
