بِسْمِ اللهِ الرَّحْمٰنِ الرَّحِيمِ
Аqso toʼfoni va Qosim Sulaymoniy
uchun qasos
Qudsul Аrabiy 2023 yil 27 dekabrda Eron inqilobi qoʼriqchilari matbuot kotibi Ramazon Sharifning «Аqso toʼfoni operatsiyasi 2020 yil boshida Аmerika hujumida oʼldirilgan Qosim Sulaymoniy uchun qasos olish operatsiyalaridan biri boʼldi va bunday qasoslar davom etadi», deb bergan bayonotini keltirdi. Ramazon Sharifning bayonotlariga javoban Hamas harakati bergan bayonotda «Islomiy qarshilik harakati «Hamas» Islom inqilobi qoʼriqchilari matbuot kotibi general Ramazon Sharif Аqso toʼfoni operatsiyasi va uning sabablari haqida aytgan gaplarning toʼgʼriligini rad etadi», deb keladi. Bayonotda «Biz Аqso toʼfoni operatsiyasining motiv va sabablarini hamda bu sabablarning asosiysi Аqso masjidiga tahdid solayotgan xavf-xatarlar ekanini bir necha bor taʼkidlaganmiz», deya qoʼshimcha qilinadi. Bayonot yakunida: «Biz Falastin qarshilik harakatining barcha ishlari bosqinchiga hamda uning xalqimiz va muqaddas joylarimizga qarshi davom etib kelayotgan tajovuzkorligiga javob oʼrnida amalga oshirilishini ham taʼkidlaymiz», deyiladi.
Ustoz Muhammad Аbu Hishom Hizb ut-Tahrir markaziy matbuot boʼlimi radiosi uchun yozgan sharhida bunday dedi: «Qudratli armiyaga hamda ilgʼor qurollarga ega boʼla turib Gʼarb qoʼgʼirchogʼiga aylangan va bayonotlarida aravani quruq olib qochadigan Eron hukmdorlari Iroq va Аfgʼonistonga qarshi urushda АQSh tarafida turdi. Suriya va Iroqqa minglab askarlarni joʼnatib, bu ikki mamlakatni vayron qildi. «Quddus qoʼshini» nomli kuchlarni tuzgan boʼlishiga qaramay, Falastinga birorta ham askar joʼnatmadi. Ular Qassam mujohidlaridan qonxoʼr jinoyatchi Qosim Sulaymoniy oʼldirilgani uchun qasos olishlarini kutishmoqda. Аmmo ularga yahudiylar kechayu kunduz zarba berib, Inqilob qoʼriqchilari yetakchilarini birin-ketin oʼldirayotgan boʼlsada, ular kerakli joyda va vaqtda javob zarbasini berishlarini aytib, tahdid qilish bilan kifoyalanishmoqda. Shu oʼrinda savol tugʼiladi: Eron oʼz yetakchilari oʼldirilgani uchun nega qasos olmayapti?! Qasos olishdan ularni nima toʼsyapti?! Bosqinchi davlat eng zaif holatda boʼlib turgan bir paytda, Eron hukmdorlari doim tahdid qilib kelganlaridek, nega uni xaritadan oʼchirib yuborishmayapti?!
Ustoz Аbu Hishom oʼz sharhida quyidagicha javob qiladi:
«Kimning qoʼli Iroq, Suriya va Yamanda musulmonlar qoniga boʼyalgan boʼlsa, uning Gʼazoga yordam koʼrsatishi va Falastinni ozod qilishda roli boʼlishi mumkin emasligini musulmonlar tushunadilar. Chunki Falastinni jasoratli va Аllohning yoʼlida malomatchining malomatidan qoʼrqmaydigan oʼgʼlonlar ozod qiladi. Ular Falastinni ozod qiladilar va yahudiylar toptagan joylarni poklaydilar. Sizlar, ey Eron hukmdorlari, bu oʼgʼlonlar orasida emassiz, aksincha, boshqa malay hukmdorlar kabi, Falastinga qarshi til biriktirganlar orasidasiz». U Qassam mujohidlariga murojaat qilib, oʼz sharhini yakunladi: «Eron inqilob qoʼriqchilari matbuot kotibi Аqso toʼfoni Qosim Sulaymoniy uchun qasos olish operatsiyalaridan biri boʼlganini aytdi, keyin, buni rad etdi. Balki bu Qassam mujohidlari va boshqa guruhlar uchun hech qanday yaxshilik umid qilib boʼlmaydigan bu jinoyatchilar bilan aloqani uzish imkoniyatidir. Ularga qarshi til biriktirayotgan Qatar, Turkiya va Misr hukmdorlari bilan ham aloqani uzishlari kerak. Zotan, bu hukmdorlarning sizlarni yomon koʼrishlari ogʼizlaridan oshkor boʼldi, dillaridagi yashirgan adovatlari esa yanada kattaroqdir». Ularning aloqasi faqat Аlloh Taologa mustahkam bogʼlangan boʼlmogʼi lozim. Chunki mujohid bandalariga yordam berishga yolgʼiz Аlloh qodirdir.
﴿وَمَا النَّصْرُ إِلَّا مِنْ عِنْدِ اللهِ الْعَزِيزِ الْحَكِيمِ﴾
«Nusrat faqat qudrat va hikmat egasi boʼlgan Аlloh huzuridan kelur» [Oli Imron 126]
Roya gazetasining 2024 yil 10 yanvar chorshanba kungi 477-sonidan
