بِسْمِ اللهِ الرَّحْمٰنِ الرَّحِيمِ
Ey insonlar! Ikki dunyo baxtiga erishmoq uchun Allohga o‘zingizdan yaxshilik ko‘rsating!
Musulmonlarning hukmdorlari kofir G‘arb malaylaridir. G‘arb ularni musulmonlar boshiga o‘z manfaatlarini amalga oshirish uchun hamda Islom va musulmonlarga qarshi kurashda qurol sifatida foydalanish maqsadida o‘tqazib qo‘ygan. Ularning barcha xatti-harakat va pozitsiyalari faqat shu xo‘jayinlarining manfaatiga xizmat qilmoqda. Bas, bu hukmdorlardan musulmonlarga yordam berilishini tasavvur qilib bo‘lmaydi. Aksincha, musulmonlarga yordam berish o‘rniga ularni jilovlash va ularga qarshi til biriktirish bilan shug‘ullanishyapti. Shuning uchun ularga ishonish-tayanish siyosiy jihatdan o‘z joniga qasd qilishdan boshqa narsa emas. Bunga Suriya tashqi ishlar vazirining 2023 yil 12 aprelda Saudiyaga qilgan safari ortidan chiqarilgan qo‘shma bayonotidan ham ochiqroq va qabihroq dalil bo‘lmasa kerak. Bayonotda bunday deyilgan: «Tomonlar xavfsizlikni mustahkamlash va terrorizmning barcha shakli va tashkilotlariga qarshi kurashish, narkotik moddalar kontrabandasi va savdosiga qarshi kurashda hamkorlikni kengaytirish muhimligini ta’kidladilar».
Ammo bizning shunga ishonchimiz komilki, musulmon yurtlaridagi bu hukmdorlarning Ummat tomonidan kofir G‘arb hukmronligidan qutulishga bo‘lgan har qanday harakatni oldini olish uchun hamda Shom qo‘zg‘olonini yo‘q qilish uchun ko‘rsatayotgan jonbozliklari – Allohning izni ila – albatta muvaffaqiyatsizlikka uchraydi. Chunki Shom va uning ahlini Alloh Subhanahu va Taoloning o‘zi kafillikka olgan. Kofir G‘arb istasa-istamasa, mo‘minlar diyorining markazi Shom bo‘ladi va yaqinda Payg‘ambarlik minhoji asosidagi roshid Xalifalik barpo bo‘ladi.
Shunday ekan, ey musulmonlar, shijoat kamarini mahkam qilib, ikki dunyo baxtiga Allohning izni ila noil bo‘lish uchun yaxshiliklaringizni ko‘rsating.
وَيَوْمَئِذٍ يَفْرَحُ الْمُؤْمِنُونَ * بِنَصْرِ اللَّهِ يَنْصُرُ مَنْ يَشَاءُ وَهُوَ الْعَزِيزُ الرَّحِيمُ
«O‘sha kunda mo‘minlar Allohning nusrati sababli shodlanurlar. (Alloh) O‘zi xohlagan kishiga nusrat berur. U qudrat va rahm-shafqat egasidir» [Rum 3-4]
Roya gazetasining 2023 yil 26 aprel chorshanba kungi 440-sonidan
