بِسْمِ اللهِ الرَّحْمٰنِ الرَّحِيمِ
Eron prezidenti yahudiy vujudini shu paytgacha javob qaytarishga loyiq xatolarga yo‘l qo‘ydi deb hisoblamayapti
Seshanba kuni Eron prezidenti Ibrohim Raisiy agar yahudiy vujudi biror xato sodir etsa, Hayfo va Tel-Avivni «vayron qilish» bilan tahdid qildi. Raisiy buni Eron armiyasi kuni munosabati bilan qilgan nutqida aytdi. Ushbu yolg‘on soxta bayonotga nisbatan Hizb ut-Tahrir – muborak Falastin zamini matbuot bo‘limi matbuot izohi nashr qilib, quyidagi savollarni o‘rtaga tashladi:
«Bu Eron rejimi nega shuncha tahdidlarini amalda ko‘rsatmaydi yoki u yahudiy vujudining Eron armiyasini harakatga keltirishga loyiq biror bir xato sodir etmadi, deb hisoblayaptimi?! Suriya ahli Eron rejimi o‘zining mazhabparast jangarilarini yuborib, ularni qirg‘in qilishiga loyiq xatolarni sodir etdimi?! Yahudiy vujudi esa Eron rejimining bir dona o‘q otishiga sabab bo‘ladigan xatolardan birortasini ham sodir etmadi, shundaymi?! Rosululloh ﷺning Isro maskanlarining bosib olinishi armiyani safarbar qilishga arzirli xato hisoblanmaydimi?! Musulmonlarning o‘ldirilishi, har kuni repressiya qilinishi va Aqso masjidiga hujum qilinishi Islom Ummatiga nisbatan dushmanlik bilan sug‘orilgan Eron rejimining mentaliteti bo‘yicha Eron armiyasini harakatlantirish uchun arzirli xato hisoblanmaydi, shundaymi?!»
Matbuot izohida quyidagicha qo‘shimcha qilindi:
«Erondagi mazhabparast rejim bu kabi shovqin-suronlari bilan o‘zining Islom Ummatiga qarshi qilayotgan jinoyatlarini hargiz yashirolmaydi. Shuningdek, Amerikaga Afg‘oniston va Iroqni bosib olishi, parchalashi hamda qatli omlarni sodir etishida ko‘rsatgan shuncha yordamlarini oqlolmaydi.
Bu jinoyatkor Eron rejimi muborak zamin uchun hech qanday yordam qilgani yo‘q, bil’aks, yahudiy vujudini mustahkamladi. Shuning uchun Ummat bunday g‘arbparast rejimlarning xoinligi allaqachon fosh bo‘lgan ekan, ularni ag‘darib tashlamoqlari shart».
Roya gazetasining 2023 yil 26 aprel chorshanba kungi 440-sonidan
