بِسْمِ اللهِ الرَّحْمٰنِ الرَّحِيمِ
Hizb ut-Tahrir a’zolari bolalar huquqlari to‘g‘risidagi qonunning xatarlarini fosh etish uchun G‘azo sektorida tadbir o‘tkazdilar
Ma’lumki, Hizb ut-Tahrir muborak Falastin zaminida CEDAW konvensiyasi va «Bolalar huquqi» qonunining xavfliligi bilan bog‘liq kampaniya boshlagan. G‘azo sektorida Hizb ut-Tahrir a’zolari ham ayni kampaniya doirasida Nusayrot shahri hokimiyatini va ta’lim mudirligini ziyorat qildilar.
Ushbu ziyoratlarda Hizb a’zolari bolalar huquqlari to‘g‘risidagi qonun va unga asos bo‘lgan konvensiyaning xatarini tushuntirib o‘tdilar. Ya’ni bu xatarlarni quyidagicha bayon qildilar: bu xatar o‘quvchilarni o‘z otasi va muallimlariga qarshi qo‘yishdan, ota-onaga nisbatan Alloh buyurgandek hurmatlab, e’zozlash o‘rniga, oddiy boquvchilarga qilinadigan muomala qilishni o‘rgatishdan, hatto bu qonunlar bolaga o‘z otasi ustidan rasmiy organlarga shikoyat qilish imkonini berish va bu narsa otaning qamog‘ga olinishiga olib kelishidan iborat.
Hizb a’zolari, shuningdek, Falastin ma’muriyatining ayni xalqaro qonunlarga imzo chekish bilan ularni ichki qonunlardan ham ustun qo‘yish majburiyatini zimmasiga olganini, bu bilan mustamlakachilarga batamom itoatgo‘y hisoblanishini ochib berdilar.
Ta’lim sohasi rahbarlari zimmasiga farzandlarimizning dini va qadriyatlarini asrab-avaylash va mazkur illatning o‘quvchilarga ular orqali kirib kelishiga yo‘l qo‘ymaslik omonatini yukladilar.
Hizb a’zolari, shuningdek, Nusayrot shahri hokimini ham ziyorat qilib, uni ham ayni mavzu bilan xabardor qildilar hamda maktablarimizning bu kabi konvensiyalar orqali dushmanlarga nishon bo‘lib qolayotganini ta’kidladilar.
Ziyoratda yigitlar mezbonlarga «Bolalar huquqini himoya qilish konvensiyasi yaqinlashayotgan xavf bo‘lib, Falastin ma’muriyati tomonidan tatbiq etilishi Islomga qarshi urushdir» nomli kitobcha taqdim etishdi.
Roya gazetasining 2023 yil 12 aprel chorshanba kungi 438-sonidan
