بِسْمِ اللهِ الرَّحْمٰنِ الرَّحِيمِ
Amerika Shom qo‘zg‘olonini yo‘q qilish uchun unga qarshi qilgan makrlarini to‘xtatgani yo‘q
AQSH Davlat departamenti Tvitterda «biz aslo Asad rejimi bilan munosabatlarni normallashtirmaymiz va normallashtirishga targ‘ib ham qilmaymiz», deya tvit qoldirdi.
Roya:
Ushbu yolg‘on bayonotlar Asad rejimi bilan yarashishga va normallashish g‘oyasini ilgari surishga qaratilgan bo‘lib, adashtiruvchi bayonotlardir. Garchi Shom ahli o‘zining siyosiy ongi o‘sganligi va ayni davlatlarning qo‘zg‘olonni yo‘q qilish niyatlari hammaga fosh bo‘lib qolgani sababli bunday nayranglarga aldanmay qo‘ygan bo‘lsalar ham, bu bayonotlardan ularni aldab-avrash ko‘zlangan.
AQSH Davlat departamenti «biz aslo Asad rejimi bilan munosabatlarni normallashtirmaymiz va normallashtirishga targ‘ib ham qilmaymiz», degan mazmundagi bayonotlarni qo‘zg‘olon boshlangandan beri yuzlab marotaba aytdi. Boshqa barcha hukumat va va rejimlar ham o‘zlarining qo‘zg‘olon tarafida ekanliklarini yuz martalab iddao qilishdi… Aslida esa, Amerika ham, ular ham qo‘zg‘olonni ich-ichlaridan yomon ko‘rishadi va unga yomonlik yetishini istashadi. Amerika Asad rejimining Shom ahliga qarshi qatli omlar qilayotganini o‘z ko‘zi bilan ko‘rib-bilib, shu kungacha – bugundan boshlab jinoyatchi rejimni qirg‘in sodir etishiga yo‘l qo‘ymaymiz, albatta javobgarlikka tortamiz qabilidagi bayonotlar bilan kifoyalanib keldi. Aslida esa, bu qonxo‘r rejimni yanada ko‘proq qirg‘in qilishi uchun qonuniylik bilan ta’minlab, qo‘zg‘olonni bostirishi uchun nima kerak bo‘lsa, barcha narsa bilan qo‘llab-quvvatladi.
Bas, ey Shom ahli, bunday buzuq va jinoyatkor rejimlarning bayonotiga aldanmang, chunki ularning sizga berayotgan narsalari asal emas zahardan iboratdir. Xuddi qo‘zg‘oloningizni boshidan beri nopok siyosiy pullar bilan zaharlab kelishayotgani kabi, bugun ham uni Amerikaning siyosiy yechimi va BMTning 2254 sonli rezolyutsiyasini tatbiq qilish orqali yo‘q qilishmoqchi. Bu rezolyutsiyaning mavjud rejimni xavfsizlik va harbiy muassasalari va ilmoniy konstitutsiyasi bilan saqlab qolishga qaratilganligi ma’lum. Shuning uchun ularga aslo ishonmang va najot yo‘lingizda astoydil harakat qilib, tortib olingan hokimiyatingizni qaytarib oling va qo‘zg‘oloningizni xavfsizlik qirg‘og‘iga, xaloskorlik yo‘liga yetkazib boring. Shubhasiz, bu Asad rejimini barcha arkonlari, basharalari bilan qo‘shib ag‘darib, xarobalari uzra Payg‘ambarlik minhoji asosidagi ikkinchi roshid Xalifalik soyasidagi Islom boshqaruvini barpo etish yo‘lidir. Alloh hargiz amallaringizni besamar ketkazmas.
Roya gazetasining 2023 yil 12 aprel chorshanba kungi 438-sonidan
