بِسْمِ اللهِ الرَّحْمٰنِ الرَّحِيمِ
Shom ahlining Turkiya chegaralarida snayperdan o‘qqa tutilishi Shom qo‘zg‘oloni ustida til biriktirayotgan rejimning tizimli siyosatidir
Ustoz Nosirshayx Abdulhay
Hizb ut-Tahrirning Suriya
viloyatidagi matbuot bo‘limi a’zosi
Turk rejimining Shom ahliga qarshi jinoyatlari davom etmoqda. Bu ilmoniy rejim Shom qo‘zg‘olonini bo‘g‘izlash va qonxo‘r rejimni mustahkamlash bilan kifoyalanmadi… Unga ayollar, bolalar va qariyalar qotili, nomuslar tajovuzkori, hurmatlarni oyoq osti qiluvchi qonxo‘r rejim bilan yarashishga chaqirayotgani ham yetmadi… Bularning barchasiga qo‘shimcha, chegarada ahlimizni snayperdan o‘qqa tutib, qonga bulamoqda, shu orqali Shom tog‘utining vazifasini mukammal bajarishga astoydil harakat qilmoqda. Zero, bu chegaralarni mustamlakachi kofir avval Islom davlatini ag‘darib, musulmon yurtlarini parchalagandan so‘ng bir butun Ummatni bo‘lish uchun o‘rnatgan edi. Qonxo‘r rejimning boshimizga kimyoviy raketalar, poroxli bochkalar va bombalar yog‘dirgani kamlik qilganidek, endi Turk rejimi chegara atrofida shunday jinoyatlarni sodir etmoqda.
Darhaqiqat, Erdogan jandarmasi snayperi 2023 yil 13 mart dushanba kuni Xarbatul Javz qishlog‘ida Mustafo Fayz Abu Bassom ismli suriyalikni otib o‘ldirdi. Keksa yoshli Mustafo o‘ziga qarashli dalada traktori bilan yer haydayotgan bo‘lgan… Bu jinoyatdan bir necha kun avval esa, jandarma suriyalik bir qancha bolalarni ushlab vahshiylarcha qiynog‘ga solgandi va ulardan birini qiynoq ostida o‘ldirgandi. Holbuki, bolalarning «ayb»i tog‘ut Bashar jinoyatlaridan qochib, Allohning yurtlarida rizq topishni orzu qilgani bo‘lgan, xolos. Zero, bu yurtda Turk rejimi o‘zining razvedkasi orqali o‘ziga tiz cho‘kib itoat qiladigan jangchi guruh yetakchilarini va vazifalantirilgan soliqchi hukumatlarni boshimizga hukmron qildi… Bu hukumatlar soliqlar solish bilan odamlar tinkasini quritmoqda. Irodalarini sindirish uchun va taslim bo‘lish yechimlariga rozi qilish uchun kunlik rizqlariga va bir burda nonlariga qarshi kurashmoqda. Zero, taslim bo‘lish yechimlarini turk rejimi bilan uning ortidagi Amerika bir milliondan ziyod qurbon bergan bir xalqqa zo‘rlab tiqishtirishyapti.
Bu makrdan maqsad, Amerikaning siyosiy yechimi va BMTning 2254-sonli rezolyutsiyasi orqali bizni qayta qonxo‘r rejimning qushxonasiga tiqishdir. Turk rejimining Rossiya, Eron va Asad rejimlariga tinimsiz qatnab, ular bilan hamkorlik uchrashuvlarini o‘tkazayotganidan birdan-bir maqsad, Amerika tomonidan zimmasiga yuklangan vazifasini oxirigacha ado etishdir. Buning uchun shu kunga qadar bu rejim yolg‘ondan «Suriya xalqining do‘stlari» to‘nini kiyib keldi hamda zo‘rlik bilan «muhojirlar va ansorlar» shiorini ko‘tarib keldi… Ammo Suriya xalqi bunga aldanmaydilar, balki turk rejimidan ham, uning makr va jinoyatlaridan ham butunlay pokdirlar, bu qilmishlaridan bezor bo‘ldilar.
Ushbu iflos snayper jinoyati, chegaralardagi shu kabi jinoyatlarning navbatdagisidir. Ya’ni, bu jinoyat Erdogan Turkiyasi rejimining Shom ahliga qarshi olib borgan nafratli irqchilik siyosati oqibatida yuzlab begunoh insonlarning hayotiga zomin bo‘lgan jinoyatlarning davomi sifatida ko‘riladi. Snayper jinoyati – ba’zilarning Erdoganni oqlash uchun yamoq solib, targ‘ib qilayotgani kabi – «shaxsiy xato» emas. Balki nafratli milliy tafakkur va mustamlakachilik chegaralarining tabiiy natijasidir. Holbuki, biz musulmonlar bitta davlat soyasida dushmanlarimizga qarshi bir tanu bir jon bo‘lib jang qilganimizdan va Islomga nusrat berish yo‘lida qonlarimiz qonlarimizga aralashgandan so‘ng, mustamlakachi bizning davlatimizni ag‘darib bo‘lib tashladi va oramizda shunday chegaralarni paydo qildi. Bunday siyosatni, to mana shu mustamlakachi kofir o‘rnatgan chegaralarni buzib tashlab, zolim rejimlarni ag‘darib, Islom hokimiyati barpo etilmaguncha aslo to‘xtatib bo‘lmaydi.
O‘zlarini qo‘zg‘olonning islomiy vakillari deya munofiqlik bilan da’vo qilayotgan va turk rejimi bilan uning shuncha jinoyatlariga qaramay ittifoqchi bo‘lgan siyosiy hay’atlar va kengashlarga kelsak, ularning snayper jinoyatiga nisbatan pozitsiyalari xuddi murdalarning sukunati kabi bo‘ldi. Oralarida bu haqda bayonot berganlari ham bo‘ldi, ammo bu bayonot emas yaltoqlik, laganbardorlik, yalinish, xorlanishdan boshqa narsa emas. Hatto buni mazkur marhumni ustiga chiqib tepkilash va turk rejimini oqlashga urinish, deyish mumkin. Chunki bayonotlarida ayni masalani arzimas qilib ko‘rsatib, «arkonlari mustahkam bir rejimning jinoyati va siyosati emas, balki shaxsiy bir xatti-harakat» qilib ko‘rsatishdi! Vaholanki, bu o‘nlab yillardan buyon sistematik ravishda qasddan qilinayotgan siyosat bo‘lib, o‘zining milliy xavfsizligini va irqchilik chegaralarini muqaddaslamoqda, Islom Ummati va Shom ahlining qoni evaziga bo‘lsa ham saylovdagi muvaffaqiyatni birinchi o‘ringa qo‘ymoqda.
Masalan, turk rejimi dumlaridan biri Oktay Yilmaz axborot telekanallaridan birida siyosiy tahlilchi sifatida chiqib, ilmoniy rejimning millatchilik yo‘nalishini va musulmonlar qonini mensimasligini «chegara daxlsizligini himoya qilish», deb atab, uni yuzsizlarcha oqlashga urindi va Qazzofiyning «Senlar kimsan o‘zi?!», degan iborasini takrorladi.
Halabning yordamchisi qahramon Mavlud Oltintoshni o‘ldirgan kimsada Shom ahliga nusrat-yordam berish hamda ularning qonlari va qurbonliklarini himoya qilish tashvishi bo‘lmaydi. Zero, bu shunday Halabki, Erdogan o‘zining rus do‘sti bilan hamkorlik qilish orqali uni mag‘lub etish uchun til biriktirgan shahardir… Zotan, buni Putinning o‘zi e’tirof etgan. Erdoganning ham bor-yo‘q tashvishi, bu daryo bo‘lib oqayotgan qonlarni va chor atrofga sochilayotgan tanalarni sariq chaqaga olmasdan, xo‘jayinlarini rozi qilish va saylovda muvaffaqiyat qozonishdan iborat.
Ha, turk rejimining qo‘zg‘olonimizni halokat jarligi yoqasiga olib kelgan bir siyosiy rahbariyat ekanligi fosh bo‘ldi… U bilan birga uni strategik ittifoqchi, deb biluvchi yetakchilar va hukumatlarning ham sharmandasi chiqdi… Ular bilan birga Erdoganga hamdu sano aytayotgan, uning makrlari, fatnalari va jinoyatlarini yamab, yashirish bilan shug‘ullanayotgan kimsalar ham ochildi… Hozirda buyuk Ummatning oddiy farzandlari bu rejimni yomon ko‘rib qolganiga va ular dinu aqida rishtalari orqali azizlik va kuch-qudratga intilayotganiga qaramay, hamon ba’zi kimsalar «vatan» degan sanamga sig‘inib yotishibdi.
Endigi vaqt Shom ahli uchun harakatga kelish vaqtidir. Ular o‘zlarining barcha og‘riqlari va azob-uqubatlariga chek qo‘yish uchun jiddiy faol harakatga kelishlari vaqti keldi. Endi, til biriktiruvchilar, nomardlar va xoinlar g‘uborini egnilaridan qoqib tashlamoqlari, o‘z qarorini xalqaro razvedkaga garov qilib bergan hukumatlar va jangchi guruh yetakchilaridan qutulmoqlari va o‘zlari uchun ongli xolis siyosiy yetakchilikni qabul qilib, maqsadli va samarali ravishda aql bilan ish tutmoqlari lozim. Ushbu xolis ongli yetakchilik ularning g‘am-tashvishlarini yelkasiga ortib, ular bilan birgalikda qo‘zg‘olonlari maqsadini ro‘yobga chiqarish uchun faoliyat qilmoqda. Bu yetakchilik qo‘lida Ummatning aqidasi to‘ridan balqib chiqqan xaloskorlik loyihasi bor. U biz uchun qonxo‘r rejimni o‘z inida ag‘darishimiz va uning xarobalari uzra Rosululloh ﷺ buyurgan Xalifalik tuzumi soyasida Islom boshqaruvini barpo etishimiz uchun mufassal yo‘l xaritasini chizib berdi. Bu, o‘z navbatida, Ummatning rostgo‘y farzandlaridan tartibli jamoiy harakat qilib, qo‘zg‘olonlari maqsadini amalga oshirishni talab qiladi.
So‘zimiz nihoyasida Turkiyadagi musulmon ahlimizga bunday deymiz: Anavi rejimdan farqli o‘laroq, siz bizdansiz va biz sizdanmiz. Bas, qo‘zg‘olonimizga qarshi dushman bilan til biriktirayotgan va ahlimiz qonini o‘ziga halol qilib olgan bunday rejimni qachon tiyib qo‘yasiz? Uning qilmishlariga nahotki rozi bo‘lsangiz?! Axir, biz sizning din va aqidada qardoshlaringiz emasmizmi?! Siz bilan dinimiz, dushmanimiz, Kitobimiz, loyihamiz bir emasmi?! Davlatimiz bitta emasmidi va uni qayta barpo etishimiz kerak emasmi?! Bas, Allohdan qo‘rqing, Islomga va musulmonlar loyihasiga nusrat-yordam berish omonatini zimmangizga topshirgan Robbingizdan taqvo qiling. Robbimiz bu omonatni bizga dinni hayotdan, davlatdan va jamiyatdan ajratgan jinoyatkor ilmoniy boshqaruvdan uzoq ravishda, qaytadan odil Islom davlati ostida hayot kechirishimiz uchun ishonib topshirgan. Alloh haqqi, diningiz, nomusingiz va qardoshlaringiz qonini o‘ylang!
Shom ahliga kelsak, ular rasmiy turk rahbariyatidan va u bilan aloqa qilib, Shom qo‘zg‘oloni qarorini tortib olganlardan o‘z qarorini qaytarib olmoqlari vaqti keldi. Shu orqali o‘z yo‘llarini to‘g‘rilab, rostgo‘y og‘a-inilarini o‘zlariga yetakchi qilib olib, qonxo‘r rejimni ag‘darish va uning xarobalari uzra – Allohning izni ila – Xalifalikni barpo etishdek buyuk g‘oyalariga yetishlari lozim.
Roya gazetasining 2023 yil 29 mart chorshanba kungi 436-sonidan
