Matbuot bayonoti
Hijriy 1444 yilning shavvol hilolini tekshirish natijasi va muborak ramazon hayiti tabrigi
Allohu akbar, Allohu akbar, Allohu akbar, la ilaha illallohu Allohu akbar, Allohu akbar va lillahil hamd
Bismillahir Rohmanir Rohim.
Olamlar parvardigori Alloh Taologa hamdu sanolar bo‘lsin, Payg‘ambarimiz Muhammad ﷺ va uning ahli oilasi va barcha sahobalariga salotu salomlar yog‘ilsin.
Buxoriy o‘zining sahihida Muhammad ibn Ziyod orqali ushbu hadisni keltirdi. Muhammad ibn Ziyod aytadi, men Abu Hurayra roziyallohu anhuning bunday deganlarini eshitgandim: Nabiy ﷺ yoki Abu Qosim ﷺ aytdilar:
«صُومُوا لِرُؤْيَتِهِ وَأَفْطِرُوا لِرُؤْيَتِهِ فَإِنْ غُبِّيَ عَلَيْكُمْ فَأَكْمِلُوا عِدَّةَ شَعْبَانَ ثَلاَثِينَ»
«Oyni ko‘rib ro‘zani boshlanglar, oyni ko‘rib ro‘zani tugatinglar. Agar havo bulut bo‘lsa, sha’bon oyining sanog‘ini to‘la o‘ttiz kun qilinglar».
Bugun 2023 yil 20 aprel, payshanbadan jumaga o‘tar kechada shavvol hiloli kuzatilgandan keyin hilolni shar’iy ko‘rish bilan ko‘rilgani ayrim islomiy yurtlarda o‘z isbotini topdi. Shunga ko‘ra, demak, ertaga juma kuni shavvol oyining hamda muborak ramazon hayiti kunlarining birinchi kunidir.
Shu munosabat bilan Hizb ut-Tahrir butun Islom Ummatini muborak ramazon hayiti bilan chin qalbdan tabriklaydi. Alloh Taolodan kelasi yilgi hayitni Islom davlati barpo bo‘lgan, shariat hukmron bo‘lgan, Islom bayrog‘i hilpiragan holda qarshi olishimizga nasib ro‘z aylashini so‘rab qolamiz.
O‘z navbatida markaziy matbuot bo‘limi raisi sifatida men o‘z nomimdan hamda uning idora bo‘limlarida faoliyat yuritayotgan barcha aka-uka va opa-singillarim nomidan Hizb ut-Tahrir amiri ulug‘ olim Ato ibn Xalil Abu Roshtani ramazon hayiti bilan muborakbod etaman. Alloh Taolodan amirimizga Rosululloh ﷺning Payg‘ambarlik minhoji asosidagi ikkinchi roshid Xalifalik bashoratlarini ro‘yobga chiqarish yo‘lidagi da’vat faoliyatlarida muvaffaqiyat ato etishini so‘rab qolamiz.
Inson o‘z hayotida ko‘rishi mumkin bo‘lgan eng go‘zal manzaralardan biri – hayit namozidan so‘ng musulmonlarning bir-birlarini bayram bilan tabriklab, muborakbod etishlari hamda chehralarida xotirjamlik va mamnuniyat porlab, farzandlaridagi shodlik ularning o‘zaro uchrashuv muhitini shavqu zavqqa to‘ldirishidir. Zero, ramazon hayiti musulmonlar uchun nafaqat har yili nishonlanadigan bayramdir, balki ro‘za tutishga, namozlar o‘qishga va Alloh rozi bo‘ladigan amallarni qilishga bir oy kuch sarflashlari ortidan musulmonlar Allohning rizosiga noil bo‘ladigan baxt-saodat vaqti hamdir. Abu Hurayra Rosululloh ﷺning bunday deganlarini rivoyat qiladi:
«قَالَ اللَّهُ عَزَّ وَجَلَّ: كُلُّ عَمَلِ ابْنِ آدَمَ لَهُ إِلَّا الصِّيَامَ، هُوَ لِي وَأَنَا أَجْزِي بِهِ»
«Alloh Azza va Jalla aytadi: Odam bolasining har bir qilgan amali o‘zi uchundir. Faqat ro‘za bundan mustasno. Chunki u men uchundir Uning mukofotini Men O‘zim beraman». Islomdagi ushbu baxt-saodat tushunchasi musulmonlarning xursandchilik va shodligiga o‘ziga xos lazzat baxsh etadi.
Bugungi kunda butun insoniyat mana shunday xotirjamlikka juda-juda muhtojdir. Islom tuzumi bu xotirjamlikni faqat bayram kunlaridagina emas, balki butun hayot davomida ta’minlaydi. Mustamlakachi kofir G‘arb esa, mahalliy va global urushlar, iqtisodiy krizislar, hatto sog‘liqni saqlashga oid inqirozlar bilan o‘z xalqlarini ham, dunyo xalqlarini ham holdan toydirdi. U xalqlarning qashshoqligini vosita, resurslar monopoliyasini g‘oya, dinni hayotdan ajratishni e’tiqod qilib oldi. Shu orqali insonni o‘z insoniyligi bilan yashashdan va xotirjamlikka erishishdan mahrum qildi. Oqibatda hayot bir tomonda shahvat ortidan chopayotganlar, yana bir tomonda bir burda non topish uchun qiynalganlar, boshqa tomonda esa urush va repressiyalardan qochganlar o‘rtasida qolib ketdi. Alloh Taolo aytadi:
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً
«Kim mening eslatmamdan yuz o‘girsa, bas, albatta uning uchun tang-baxtsiz hayot bo‘lur va Biz uni qiyomat kunida ko‘r holda tiriltirurmiz» [Toha 24]
Ey musulmonlar!
Zimmangizda Islom risolasidan iborat omonat bor. U Alloh tomonidan sizlarga yuklangan vazifa bo‘lib, uni butun dunyoga olib chiqishimiz uchun sayyidimiz Muhammad Mustafo ﷺ meros qoldirganlar. Alloh Taolo aytadi:
وَكَذَلِكَ جَعَلْنَاكُمْ أُمَّةً وَسَطاً لِّتَكُونُواْ شُهَدَاء عَلَى النَّاسِ وَيَكُونَ الرَّسُولُ عَلَيْكُمْ شَهِيداً
«Shuningdek, sizlarni boshqa odamlar ustida guvoh bo‘lishingiz va Rosululloh sizlarning ustingizda guvoh bo‘lishi uchun o‘rta (adolatli) Ummat qildik» [Baqara 143]
Shuning uchun bu dunyoda Islomning tatbiq etilmayotganligi zulmdir. Zero, Islomiy Ummat o‘z davlati barpo etilishi bilanoq, xuddi barcha asrlarda bo‘lganidek, yana butun insoniyatning panohiga aylanadi, barcha mazlum va xo‘rlanganlar undan himoya topib, atrofdagi qo‘shnilari Islom va uning tuzumidagi adolatdan bahramand bo‘ladilar. Allohning izni ila mana shu holat bardavom bo‘ladi va nihoyat butun dunyo musulmonlar tomonidan fath etilib, Islom to‘liq yoyiladi.
Ey musulmonlar, ey kuch-qudrat ahli!
Insoniyat hayotida Islomning tatbiq etilmasligi insoniyat uchun ulkan zulm-adolatsizlikdir. Zotan, kapitalizm xalqlarning ustidan qiladiganini qilib bo‘ldi. Uning yovuzliklarini to‘xtata oladigan va illatlaridan butun dunyoni qutqara oladigan Islom Ummatidan boshqa hech kim yo‘q. Islom Ummati buni bir paytlar siyosiy kuch sifatida dunyo tartibini shakllantirgan Xalifalik soyasi ostida amalga oshiradi. Zero, Ummat o‘zining avvalgi holatiga qaytishga tayyor. Xalifalik loyihasi ham ulug‘ olim Ato ibn Xalil Abu Roshta amirligi ostidagi Hizb ut-Tahrirning hamda u bilan birga bo‘lgan Islom Ummati shaharlari va dunyoning turli burchaklariga tarqalgan Hizb a’zolarining qo‘lida tayyor turibdi. Bas, Ummatingiz sizdan vayron bo‘lgan uy-joylari, farzandlarining oqizilgan qonlari hamda o‘zining toptalgan nomuslari bilan zolimlar qo‘lidan o‘zini qutqarib olishingizni o‘tinib so‘ramoqda. Hizb ut-Tahrir ham o‘zining yorqin fikrlari, tayyorlagan Xalifalik loyihasi hamda yomon boshqaruviga sizlar sukut saqlagan fojir hukmdorlar qarshisidagi o‘z a’zolarining mustahkam saboti bilan sizdan buni talab qilmoqda. Nega javob bermaysizlar, ey Islom Ummati askarlari? Alloh Taolo aytadi:
وَالَّذِينَ آوَواْ وَّنَصَرُواْ أُوْلَئِكَ هُمُ الْمُؤْمِنُونَ حَقّاً لَّهُم مَّغْفِرَةٌ وَرِزْقٌ كَرِيمٌ
«Iymon keltirgan, hijrat qilgan va Alloh yo‘lida kurashgan zotlar va (muhojirlarga) uy-joy berib, yordam qilgan zotlar — ana o‘shalar haqiqiy mo‘minlar bo‘lib, ular uchun mag‘firat va ulug‘ rizq bordir» [Anfol 74]
Allohu akbar, Allohu akbar, Allohu akbar, la ilaha illalloh, Allohu akbar, Allohu akbar va lillahil hamd.
Hayitingiz muborak bo‘lsin, vassalamu alaykum va rohmatullohi va barokatuh.
Jumaga o‘tar kecha, hijriy 1444 yil shavvol oyining va muborak ramazon hayiti kunlarining birinchi kuni. Bu milodiy 2023 yil 21 aprelga to‘g‘ri keladi.
Muhandis Salohiddin Azoza
Hizb ut-Tahrirning
markaziy matbuot bo‘limi raisi
