بِسْمِ اللهِ الرَّحْمٰنِ الرَّحِيمِ
Ramazondan Islomda kelgan barcha amallarni ado etish bilan samarali foydalanaylik
Alloh Taolo buyurgan buyuk farz amallaridan biri Islom bilan hukm yurituvchi va da’vatni butun olamga olib chiquvchi davlatni barpo etishdir. Shuning uchun musulmonlar shuni ongli ravishda bilsinlarki, siyosat bilan shug‘ullanish, ya’ni insonlar ishlarini g‘amxo‘rlik bilan boshqarish – ham Payg‘ambarimiz ﷺning amallari, ham obodatdir. Siyosat, bu – dushmanlarimiz qasddan tasvirlaganlaridek, «ayyorlik, aldamchilik, makiavellizm va dinni bulg‘ovchi nopoklik» emas. Yo‘q, aksincha, siyosat – siyosiy tuzumni va iqtisod nizomini o‘z ichiga olgan ahkomlarni barpo etish yo‘lidir. Bu ahkomlarda, shuningdek, bizni o‘z hukmronligimiz va suverenligimizga qaytaradigan hamda Alloh Taoloning shariati va butun olamga rahmat qilib yuborgan risolasi bilan farovon hayot kechiruvchi Ummat darajasiga qayta olib chiqadigan boshqaruv nizomi ham mavjud.
Demak, Allohning amru farmonlariga amal qilish yo‘lida to‘g‘ri harakat qilishni istagan har bir kishi Islomga nusrat-yordam berish va uni hayotda tiriltirish uchun faoliyat qilayotganlar bilan birgalikda harakat qilmog‘i lozim. Allohga oshkora tavba etish uchun hamda Unga toat va taqarrub yo‘liga qadam qo‘yishga ahd-paymon berish uchun Ramazondan afzal vaqt yo‘q.
Kishi faqat o‘zini isloh qilish bilan shug‘ullanishi aslo Islomdan emas. Bil’aks, musulmon o‘zi bilan shug‘ullanib, boshqalarga e’tibor bermasligi jirkanch egoizmdan boshqa narsa emas. Biz Nabiy ﷺ va sahobai kiromlarda egoizm, degan narsani ko‘rmaganmiz. Aksincha, shar’iy dalillar buning ziddini ko‘rsatadi. Gap shundaki, Alloh ma’rufga buyurib, munkardan qaytarish amalini farz qildi va zolimni tiyib qo‘yishga buyurdi, nopoklik ko‘paygan jamiyatning – unda solihlar har qancha ko‘p bo‘lsa ham – halok bo‘lishidan ogoh etdi. Nabiy ﷺning kema haqidagi hadislari biz uchun ibratdir:
«مَثَلُ الْقَائِمِ عَلَى حُدُودِ اللَّهِ وَالْوَاقِعِ فِيهَا كَمَثَلِ قَوْمٍ اسْتَهَمُوا عَلَى سَفِينَةٍ، فَأَصَابَ بَعْضُهُمْ أَعْلَاهَا وَبَعْضُهُمْ أَسْفَلَهَا، فَكَانَ الَّذِينَ فِي أَسْفَلِهَا إِذَا اسْتَقَوْا مِنَ الْمَاءِ مَرُّوا عَلَى مَنْ فَوْقَهُمْ فَقَالُوا: لَوْ أَنَّا خَرَقْنَا فِي نَصِيبِنَا خَرْقاً وَلَمْ نُؤْذِ مَنْ فَوْقَنَا، فَإِنْ يَتْرُكُوهُمْ وَمَا أَرَادُوا هَلَكُوا جَمِيعاً، وَإِنْ أَخَذُوا عَلَى أَيْدِيهِمْ نَجَوْا وَنَجَوْا جَمِيعاً»
«Allohning qonunlariga rioya qiladigan kishi bilan unga rioya qilmaydiganlarning misoli xuddi bitta kemadan joy olgan qavmga o‘xshaydi. Ularning ayrimlari kemaning yuqori qismidan, ayrimlari quyi qismidan joy oldi. Quyidan joy olganlar agar suv olmoqchi bo‘lsalar, tepadagilar oldidan o‘tib (ularga ozor berardilar). Shunda ular – shu yerdan teshib suv olsak bo‘lmaydimi, tepadagilarga ozor bermagan bo‘lardik, deb qolishdi. Yuqoridagilar ularni o‘z xohishlariga tashlab qo‘ysa, hammalari halok bo‘ladi. Agar ularni qo‘lidan ushlab, to‘xtatib qolsalar barcha qutulib qoladi». (Buxoriy rivoyati). Ushbu hadis jamiyat najot topishi uchun bir-birlariga haqni vasiyat qilish va buzg‘unchini tiyib qo‘yishlari kerakligini bayon qilmoqda.
Roya gazetasining 2023 yil 5 aprel chorshanba kungi 437-sonidan
