بِسْمِ اللهِ الرَّحْمٰنِ الرَّحِيمِ
Kuch-qudrat va qadr-qimmat faqat Islomni tatbiq qilish bilan bo‘ladi
2023 yil 26 mart yakshanba kuni kechqurun Iroq Vakillar kengashi (Parlamenti) saylov qonunchiligiga o‘zgartish kiritishga oid qolgan bandlar bo‘yicha ovoz berishga bag‘ishlangan majlis sessiyasini o‘tkazdi. Muvofiqlashtiruvchi doiraning «Sainte-Lague qonuni»ni qabul qilishi, ya’ni saylov natijalarida 1.4 o‘rniga 1.7ni qabul qilishni qattiq talab qilishi sababli sessiya kuchli tartibsizliklarga guvoh bo‘ldi. Ma’lumki, bu qonun Parlamentda kichik bloklarning o‘rin olish imkoniyatlarini juda zaiflashtiradi. Muvofiqlashtiruvchi doiraning bu talabi faollar va mustaqil deputatlarning janjallariga sabab bo‘ldi. Chunki ular buni mamlakatdagi nufuzli shaxslarning xohish-istaklari asosida o‘ylab topilgan qonun deb bilishadi. Zal mustaqil deputatlar va kichik bloklarning hayqiriqlariga to‘ldi. Bu esa tartibsizlik holatini keltirib chiqarib, oqibatda sessiya to‘xtatildi. Shundan so‘ng, mustaqil deputatlar bilan muvofiqlashtiruvchi doira o‘rtasida dahanaki jang boshlandi va parlament spikeri tartibsizliklar natijasida mustaqil deputatlardan ba’zilarini parlamentdagi «xulq-atvor qo‘mitasi»ga topshirishga qaror qildi… Sessiyada – ijtimoiy tarmoqlarda tarqagan videolavhalarga ko‘ra – mustaqil deputatlarga nisbatan so‘kinish va ularni kaltaklash holatlari kuzatilda… Noroziliklar davom etavergach, spiker Peshmerga kuchlaridan hodisaga aralashishni va mustaqil deputatlarni sessiyadan chiqarib yuborishni talab qildi.
Bu haqda Hizb ut-Tahrir – Iroq viloyati tomonidan chiqarilgan bayonotda bunday deyiladi:
«Biz shunga yaqqol guvoh bo‘lyapmizki, garchi saylov umumiy bir uslub bo‘lsa-da, biroq badbo‘y demokratik tuzumda undan buzib foydalanilib, yurtdagi nufuzli kuchlar manfaati uchun uni o‘zgartirilmoqda. Buning oqibatida ularning da’vo qilgan «tinch demokratiya»lari tahdid soladigan va qo‘rqitadigan diktaturaga aylanmoqda».
Matbuot bayonotida qo‘shimcha qilindi:
«Iroq xalqi ochlik, muhtojlik, hatto qashshoqlikdan va tinklarini qurituvchi qimmatchilikdan aziyat chekayotgan bir paytda, biz bu hukmron elitaning to‘planib olib, xalq uchun emas, balki faqat o‘z manfaatlarini himoya qilish uchun qarorlar chiqarayotgani ko‘rib turibmiz. Ular hukumat tuzilgandan to shu bugunga qadar taranglik va keskinlik o‘rtasidagi muvozanatni ushlab turishni ma’qullagan bo‘lsalar-da, ammo o‘z manfaatlarini saqlab qolish uchun hayvonlardek bir-birlari bilan mana shunday janjallashyotganiga ham guvoh bo‘lyapmiz».
Bayonotda Iroqdagi musulmonlarga bunday murojjat yo‘llandi:
«Mana, sizga Amerika olib kelgan hamda o‘g‘ri va jinoyatchilarni himoya qilib, zulmu tartibsizliklarni keng tarqatayotgan rejim… Mana, sizga Amerika va’da qilgan «yangi Iroq»… Na suverenlik, na sanoat va na qishloq xo‘jalik topiladigan, balki boyliklari talon-toroj etilib, aholisi qashshoqlik darajasida yashayotgan, jinoyatchi guruhlar, giyohvand moddalar va kasalliklar tarqayotgan, xavfsizlik va tinchlikdan butunlay mahrum bo‘lgan Iroq! Amerika tomonidan tepangizga olib kelingan bu jirkach tagi past rahbarlar yurtingizni o‘zlariga va oilalariga o‘lja qilib olish uchun sizning qaysi jarlikda halok bo‘layotganingizga zarracha ham tashvish qilishmayapti…
Bas, shu ahvolingiz Alloh Subhanahu va Rosuli ﷺni rozi qiladimi?! Nabiy ﷺning bunday deganlari rivoyat qilingan:
«والَّذِي نَفْسِي بِيَدِهِ، لَتَأْمُرُنَّ بالْمَعْرُوفِ، ولَتَنْهَوُنَّ عَنِ المُنْكَرِ، أَوْ لَيُوشِكَنَّ الله أَنْ يَبْعَثَ عَلَيْكُمْ عِقَاباً مِنْهُ، ثُمَّ تَدْعُونَهُ فَلا يُسْتَجابُ لَكُمْ»
«Jonim qo‘lida bo‘lgan zotga qasamki, sizlar albatta ma’rufga buyurib, munkardan qaytarasizlar. Aks holda Alloh sizlarning ustingizga O‘z dargohidan bir jazo yuborur. Keyin duo qilaverasizlar (lekin) duolaringiz ijobat bo‘lmay qoladi».
Shunday bo‘lgach, bu munkarga hargiz sukut qilmasligingiz lozim. Zotan, Allohning shariati tark etilishi, hokimiyati talashilishi va uni ojiz nuqsonli muhtoj insonning qo‘liga topshirilishi kabi munkardan ham yomon munkar bormi?! Siz yashayotgan Islomga teskari hayotdan ham xor hayot bo‘lishi mumkinmi?! Zero, sizning haqqingiz Allohning haqqidir. U dushmaningiz tomonidan berilmaydi, aksincha, undan tortib olinadi».
Bayonot so‘nggida haq-huquqlariga erishishlari va hech barham topmayotgan bunday krizislardan qutulishlari uchun Iroq ahliga bunday nido qilindi:
«Ey musulmonlar! Bas, biz sizni islomiy hayotni qayta boshlash va Alloh shariatini hukmron qilish uchun harakat qilishga da’vat qilyapmiz. Shoyad, haq-huquqingizga noil bo‘lib, uzoq zamonlardan beri yo‘qotganingiz azizlikda hayot kechirsangiz va ilohiy shariatni tatbiq qiluvchi bitta imomga bay’at qilishdek Robbingiz oldidagi burchingizni oqlasangiz. Rosululloh ﷺ bunday deganlar:
«وَمَن مَاتَ وَليسَ في عُنُقِهِ بَيْعَةٌ، مَاتَ مِيتَةً جَاهِلِيَّةً»
«Kimda-kim bo‘ynida bay’at bo‘lmagan holda vafot esa, johiliyat o‘limini topibdi».
Roya gazetasining 2023 yil 5 aprel chorshanba kungi 437-sonidan
