بِسْمِ اللهِ الرَّحْمٰنِ الرَّحِيمِ
Hittin va Ayn-Jolut siyratini qaytarish bilan sahifalarga o‘z nomini nurli siyohlar bilan bituvchi kim bor?!
Falastin rejimi va islomiy yurtlar hukmdorlari xiyonat qilishayotgan bir zamonda, Falastin ahli har kecha va kunduzlarini muborak zamin bosqinchilari bo‘lmish yahudiylarning qirg‘inlari ostida o‘tkazmoqda. Bu bosqinchi vujud o‘zining ichki krizisidan qochish uchun Falastin ahlining pokiza qonlarini oqizishdan vosita sifatida foydalanyapti. Shuning uchun suiqasdlar uyushtirib, jismonan yo‘q qilyapti, to‘qnashuv maydonlarida mujohidlarni ham, jihod qilmaganlarni ham o‘ldiryapti, so‘ng o‘zlarining ochloqlari oldida jangovar yutuqlarni qo‘lga kiritganliklari bilan maqtanyapti.
Muborak zamin tuprg‘ini sug‘orayotgan bu pokiza qonlar va mard mujohidlar ko‘rsatayotgan sabot-matonat shubhasiz, Falastin ahlining taslim bo‘lmaganliklariga hamda ularning anavi ma’muriyatdan, uning xiyonatidan va yahudiylar bilan qilayotgan xavfsizlik hamkorligidan bezor ekanliklariga yaqqol dalildir. Bu iflos bosqinchilar bilan tinchlik o‘rnatish haqida gapirishning o‘zi ushbu muborak tuproq va uning ahliga ulkan xiyonat hisoblanadi. Xalqaro tizim va uning tashkilotlaridan insof kutish esa quruq xayol va sarobdan boshqa narsa emas.
Bugun yahudiy kuchlari Falastin ahlining qonini daryo qilib oqizayotgan bir paytda, ularning jinoyatkor rahbari Netanyaxu Yevropa davlatlarida izg‘ib yurib, minbarlarda nutq so‘zlab, ulardan qo‘llab-quvvatlov talab qilyapti. Bir tomondan Amerika yahudiy vujudi o‘zini himoya qilishga haqqi bor desa, boshqa tomondan BMT o‘z bayonotlarida qassob yahudiy armiyasi bilan qurbon falastinliklarni barobar o‘lchayapti. Bu esa, ularning barchasi bitta safda ekanini ko‘rsatib, musulmon qo‘shinlarni Hittin va Ayn-Jolut siyratini qaytarish uchun harakatga kelishga chaqiradi.
Roya gazetasining 2023 yil 29 mart chorshanba kungi 436-sonidan
