بِسْمِ اللهِ الرَّحْمٰنِ الرَّحِيمِ
Hizb ut-Tahrir – Sudan viloyati delegatsiyasi bosh sudya va uning yordamchilari bilan uchrashdi
Hizb ut-Tahrir – Sudan viloyati delegatsiyasi (hijriy 1444 yil 8 sha’bon, milodiy 2023 yil 28 fevral seshanba kuni) Sudan bosh sudyasi va adliya ishlari bo‘yicha bosh kotib hamda adliya boshqarmasi ijroiy qo‘mita direktori bilan uchrashdi. Hizb ut-Tahrir – Sudan viloyati markaziy aloqalar qo‘mitasi raisi ustoz Nosir Rizo raisligidagi ushbu delegatsiyaga Hizb ut-Tahrirning Sudan viloyatidagi rasmiy notig‘i ustoz Ibrohim Usmon (Abu Xalil), Hizb ut-Tahrir-Sudan viloyati majlisi a’zosi ustoz advokat Ahmad Abkar hamda Hizb ut-Tahrir a’zosi ustoz advokat Faqirhoj Muhammad Ahmadlar hamrohlik qilishdi. Bu uchrashuv Hizb ut-Tahrir – Sudan viloyatining «Suna» axborot agentligi orqali 2023 yil 22 yanvarda e’lon qilgan giyohvandlikka qarshi kurash kampaniyasi doirasida o‘tkazildi.
Ustoz Nosir Rizo ayni uchrashuv Hizbning giyohvandlikka qarshi kurash kampaniyasi doirasida bo‘layotganini, delegatsiyaning mamlakatdagi yuqori hokimiyatlardan biri, degan e’tiborda sudyalar bilan uchrashishdan maqsadi, giyohvandlik muammosi borasidagi Hizbning qarashlarini tushuntirib o‘tish ekanini, Hizb giyohvand moddalar savdosini oddiy, o‘tkinchi bir tijorat emas, balki beshinchi avlod urushlari sirasiga kiruvchi zamonaviy kurashlardan biri, deb tushunishini bayon qildi. Shuningdek, giyohvandlikka qarshi kurashish lozimligini, sudyalar chiqaradigan qarorlar esa qat’iy va tiyib qo‘yuvchi qarorlar bo‘lishi kerakligini, qanday qilib kofir G‘arbning o‘zi Sudan qonunlarini, ayniqsa, o‘lim jazosi bilan bog‘liq qonunlarni o‘zgartirishni boshlaginini, giyohvandlikka qarshi kurashda adliyaning roli juda muhim ekanini ham ta’kidlab o‘tdi.
Ustoz yana davlat o‘z vazifasini bajarmayotganini, chunki u mustamlakachi G‘arb rejasiga xizmat qilayotganini, bizga qarshi qilinayotgan bunday urushga qarshi turish uchun buyuk Islom aqidasiga asoslangan mabdaiy davlat, ya’ni Payg‘ambarlik minhoji asosidagi roshid Xalifalik davlati kerakligini ham ta’kidladi.
Adliya bosh raisi esa Hizbning rolini yuksak baholab, o‘z so‘zida davlatning zaifligini ochiqladi va «biz viloyatlardagi barcha qo‘l ostimizdagi sud organlariga giyohvandlikka qarshi kurashga alohida e’tibor berishlari va ayni muammoga javobgarlik bilan qarovchi sudyalarni tayinlashlari uchun ko‘rsatmalar berdik», dedi.
Uchrashuv so‘nggida delegatsiya bosh sudyaga Hizb tomonidan nashr qilingan ayrim kitoblarni taqdim etdi.
Roya gazetasining 2023 yil 22 fevral chorshanba kungi 431-sonidan
