Sadir Japarov: Qirg‘iziston KXSHT roli oshishidan manfaatdor
Xabar: Sadir Japarov Qirg‘iziston Kollektiv xavfsizlik shartnomasi tashkiloti (KXSHT)ning rol va obro‘si ko‘tarilishidan manfaatdor ekanligini ta’kidladi. Prezident matbuot xizmatining xabar qilishicha, bu haqda Sadir Japarov 10-mart kuni KXSHT bosh kotibi Imangali Tasmagambetovni qabul qilgan vaqtda aytdi.
Sadir Japarov Qirg‘iziston KXSHT bilan mintaqadagi xavfsizlik bo‘yicha hamkorlikka alohida e’tibor qaratishini va joriy yilda Qirg‘izistonda tashkilotning tinchlikparvar kuchlari bilan hamkorlikda “Mustahkam birodarlik-2023” mashg‘ulotlari o‘tkazish rejalashtirilganini qo‘shimcha qildi.
Izoh: Armaniston bosh vaziri Nikol Pashinyan Kollektiv xavfsizlik shartnomasi tashkilotining 23 noyabrda Yerevanda o‘tgan sammitida KXSHT kollektiv xavfsizlik Kengashi deklaratsiyasini va Armanistonga ko‘mak ko‘rsatish bo‘yicha hamkorlikdagi choralar to‘g‘risidagi hujjatlarni imzolash va KXSHTning harbiy o‘quv mashg‘ulotlarini Armanistonda o‘tkazishdan bosh tortgan edi.
Aksar siyosiy tahlilchilar KXSHTni “o‘lik tug‘ilgan chaqaloq” sifatida baholab, uning mavjud bo‘lib turishi Rossiyadan boshqaga kerak emasligini aytib kelishadi. Ma’lumki, tashkilot quvvati va nufuzi yetakchi davlatning xalqaro nufuz va ta’siriga bog‘liq bo‘lib, davlat qudratli bo‘lsa tashkilot ham nufuzli, davlat zaif bo‘lsa ta’sirsiz tashkilotga aylanadi. Bugungi kunda xalqaro miqiyosda Rossiya nufuzi tushib borgani sari uning yetovidagi tashkilotlarning ham ta’sir doirasi zaiflashib bormoqda.
Ammo, Qirg‘iziston siyosiy elitasi cho‘kib borayotgan kemadan najot izlab, yurt kelajagi va taqdirini rus ayig‘i qo‘liga topshirib qo‘ymoqdalar. Qirg‘iizston mudofaa vaziri Baktibek Bekbolotov 4- oktyabr kuni Bishkekda bo‘lib o‘tgan matbuot anjumanida KXSHT Bosh kotibi Stanislav Zas bilan bo‘lgan uchrashuvda tashkilotning “tinchlikparvar kuchalarini” qirg‘iz-tojik chegarasida joylashtirish masalasini ko‘targanini ma’lum qilgan edi.
“Yaqinda men KXSHT Bosh kotibi Stanislav Zas bilan uchrashdim. Qirg‘izlar bilan tojiklar o‘rtasida tinchlik bo‘lmaydi, dedim. Chunki qirg‘izlarning o‘z haqiqati bor, o‘z haqiqati. Bizning oramizda arbitr turishi kerak, masalan, KXSHTdan kichik bir kontingent shaklida KXSHT sulhini kuzatish va davlat chegarasidan og‘ir qurollarni olib chiqish vazifalari bilan. Agar ular bu ikki masalani hal qilsalar, qirg‘iz-tojik chegarasini delimitatsiya va demarkatsiya qilish bo‘yicha siyosiy vazifalarni muhokama qilishni boshlashimiz mumkin”, – degan edi Bekbolotov.
Amaldorlarimiz mustamlakachilik quroli bo‘lgan bu kabi tashkilotlarga najot ko‘zi bilan qarab, ulardan umid qilishda davom etyaptilar. Aslida bu tashkilotlar faqat ushbu tashkilotlarni tuzgan va yetakchilik qiladigan mustalakachi kufr davlatlarining ustimizdagi nufuzini yanada mustahkamlash va ularning manfaatlarini ustimizda joriy bo‘lishigagina xizmat qiladi. Mustamlakachi kofirlar garchi biz istasakda, o‘rtalarimizda bahsli hududlar yo‘q bo‘lishiga yo‘l qo‘yishmaydi.
Abdurahmon Odilov
