بِسْمِ اللهِ الرَّحْمٰنِ الرَّحِيمِ
Qonxo‘r Bashar rejimi bilan yarashuv barbod bo‘lmog‘i uchun qo‘zg‘olon avvalo o‘z qarorini qayta tiklamog‘i darkor
Hizb ut-Tahrir a’zolari chaqirig‘i bilan juma namozidan so‘ng turk rejimining jinoyatkor Asad hamkasbi bilan munosabatlarni normallashtirishiga qarshi «Yarashuvni barbod etmog‘imiz uchun avvalo qarorimizni qayta tiklaylik» nomli namoyish o‘tkazildi. Suriya shimolida va Idlib shimolidagi Dayr Hasson, Killi, Atma shaharchalarida va Karoma qochqinlar lagerida hamda Halab G‘arbidagi Sahora va Bobakka qishloqlarida o‘tkazilgan ushbu namoyishlarda yuzlab yoshlar qatnashdi. Juma namozidan keyin, shuningdek, Idlibning Jabali Zoviya, Ariha, Jisr Shug‘ur, Sarmado, Dana, Kufri Taxorim, Atma va Taftanoz kabi qishloq va shaharchalarida, Halabning Artob, Aramnoz, Qabosin, Bob, E’zoz, Ifrin, Suron, Jaroblus, More, Rajv va Qurqoniya kabi qishloq va shaharchalarida, Raqqaning Tall-Abyaz shaharida ham namoyishlar bo‘ldi. Namoyishlarda qatnashganlar «qo‘zg‘oloning o‘zgarmas maqsadlari»ni hamda «rejimni ag‘darish»ni ta’kidlab, Suriya rejimini qayta tiklashga qaratilgan har qanday rejaga qarshiliklarini bildirdilar. Ko‘tarib chiqqan plakatlarda «Millionlarni qatl qilgan, nomuslarini toptagan va qochqinga aylantirgan rejim bilan hargiz yarashmaymiz», «Qo‘zg‘olon qarori qayta tiklanmaguncha, yarashuvlar, sulhlar va birovga qaramliklar aslo tugamaydi» kabi so‘zlar yozildi.
Roya gazetasining 2022 yil 11 yanvar chorshanba kungi 425-sonidan
