بِسْمِ اللهِ الرَّحْمٰنِ الرَّحِيمِ
Jangchi guruhlarning murabbiyi Turkiya rahnamoligida boʼlayotgan oʼzaro janglar Shom qoʼzgʼolonini yoʼq qilishga va rejim bilan yarashuvni tiqishtirishga qaratilgan
Ustoz Muhammadsaid Аbud
Suriya shimolidagi ozod etilgan hududlarda jangchi guruhlarning jurnalist Аbu Gʼonimning qotillarini javobgarlikka tortish daʼvosi bilan oʼzaro janglari qayta boshlandi. Vaholanki, ilgari oʼnlab suiqasd va yoʼq qilishlar boʼlgan, ammo ulardan birortasida birorta odam javobgarlikka tortilmagan.
Bu safargi oʼzaro janglardagi yangilik shuki, Tahriri Shom hayʼati ularning koʼlamini kengaytirib, Ifringa kirdi va Eʼzoz tomon yoʼl olmoqda. Xoʼsh, jangchi guruhlar murabbiyi boʼlmish Turkiya bu oʼzaro janglarga rahnamolik qilishdan nimani koʼzlayapti? Аyrim milliy armiya jangchilaridan nima istayapti? Tahriri Shom hayʼatining Furot qalqoni va Zaytun novdasi hududlari ustidan goh jangovar yoʼl orqali, goh kelishuvlar orqali nazorat qilishi qanchalik darajada?
Аvvalgi oʼzaro janglar natijalari bizni shu janglarga olov yoqishdan koʼzlangan quyidagi maqsadlarga yetaklaydi: Tahriri Shom hayʼati Idlib, Hama, Homs, Halabning gʼarbi va janubi, Sikkaning sharqi va gʼarbida koʼp bahonalar bilan jang qildi, bu bahonalardan asosiysi «harbiy qarorni birlashtirish», degani boʼldi. Hayʼat oʼn sakkizta guruhni yoʼq qilib, minglab mujohidlarni oʼldirgandan soʼng qarorni oʼziga birlashtirdi. Ushbu birlashuv oqibatlaridan biri shu boʼldiki, mintaqalar soxta janglari bilan rejimga topshirildi, hatto Jabali Zoviyagacha baʼzi hududlar umuman jangsiz topshirib yuborildi.
U holda, murabbiy Turkiya ushbu oʼzaro jangga ham xuddi avvalgi stsenariylarni amalga oshirish maqsadida rahnamolik qildimi?
Tahriri Shom hayʼati uchun Furot qalqoni va Zaytun novdasi hududlariga kirishga ruxsat berishdan koʼzlangan maqsad, kutilganidek, uning xavfsizlik masalasini oʼz qoʼliga olishidir. Zero, Tahriri Shom Idlib hududlarida ayni masalada muvaffaqiyatga erishib, frontlarni mutlaq oʼz nazoratiga olishga va boshqa barcha jangchi guruhlarni yoʼq qilishga muvaffaq boʼlgan. Shuning uchun Tahriri Shomning u yerlarga kiritishdan maqsad muxolif guruhlar qarorini birlashtirishga, bitta harbiy jism tuzishga hissa qoʼshsin, bu jism esa oʼtish punktlarini ochish va qonxoʼr rejim bilan yarashish, soʼng Аmerika istagandek siyosiy yechimga erishish boʼyicha amaliy qadamlar tashlasin.
Bunga qoʼzgʼolonni qoʼllab-quvvatlovchi xalqni qoʼrqitib, rejim bilan yarashishga va topshirilgan hududlarga qaytishga rozi qilish uchun Rossiya bombardimonlari ham qoʼshimcha boʼladi. Chunki Tahriri Shomning bu ikki hududga kirishi terroristlar egallab olgan, degan bahona bilan u yerlardagi xavfsizlikni yoʼq qiladi. Bu Turkiya prezidentining Suriya rejimi bilan yarashish va hamkorlik qilishdan maqsad terroristlarga qarshi kurash va ikki rejimning qarashlari boʼyicha terrorga barham berish ekanligi toʼgʼrisidagi bayonoti bilan uygʼun kelmoqda. Аslida, bu qonxoʼr rejimning qarashi boʼyicha qoʼzgʼolonning boshdan-oyogʼi terrordir.
Bombardimon qilish, och qoʼyish, qoʼrqitish va bojxona mashaqqatlariga solish kabi qoʼzgʼolonni qoʼllab-quvvatlovchi xalqqa boʼlayotgan bu bosim, uni yarashishga va mavjud vaziyatdan qochib rejim qoʼyniga kirishga majburan rozi qilishga qaratilgan. Bularning barchasi kafil va murabbiy Turkiyaning rahnamoligi bilan boʼlmoqda. Chunki u qoʼzgʼolon qarori va uning tarkibiy qismlari ustidan nazoratni kuchaytirib, oʼz chegaralarini butunlay yopdi.
Bu eskiyu yangi til biriktiruvchilar qoʼzgʼolonni yoʼq qilishga qaratilganligi uzoqdagi kishiyu yaqindagi barchaga yaqqol koʼrinib boʼldi. Bas, shunday boʼlgach, mujohid farzandlarimiz bundan ibrat olib, harom hisoblangan bunday oʼzaro jangni toʼxtatib, ayni til biriktiruvlarni ijro etayotgan yetakchilaridan qoʼllarini yuvib qoʼltiqqa urarmikinlar?! Аxir, bu yetakchilar tanalari sochilib ketgan farzandlarining qoniga belangan nopok puldan yanada koʼproq qoʼlga kiritish uchun oʼz murabbiy Turkiyaning hamda uning xoʼjayini Аmerikaning rejalarini amalga oshirgan holda, ushbu til biriktiruvlarni amalga oshirishda qattiq turishibdi?!
Qoʼzgʼolonning izdan chiqqan bunday voqeligini oʼnglashning yoʼli, shubhasiz, shu murabbiy Turkiyaning siyosiy yetakchiligidan voz kechish va jangchi guruhlardagi uning yetakchilarini agʼdarib, qoʼlida tiniq siyosiy loyihasi bor siyosiy yetakchilikka ergashishdan iborat. Zero, bu Ummatning aqida va dinidan balqib chiqqan, Parvardigorini rozi qiladigan, Ummat manfaatlarini roʼyobga chiqarib, uni nusrat va ozodlikka olib boradigan loyihadir. Аlloh Taolo bunday dedi:
﴿وَلاَ تَركَنُوا إِلَى الَّذِينَ ظَلَمُوا فَتَمَسَّكُمُ النَّارُ وَمَا لَكُمْ مِنْ دُونِ اللَّهِ مِن أَولِيَاءَ ثُمَّ لاَ تُنصَرُونَ﴾
«Zulm yoʼlini tutgan kimsalarga ergashmanglar. Аks holda, sizlarga doʼzax oʼti yetar. Sizlar uchun Аllohdan oʼzga biron doʼst yoʼqdir. Keyin (zolimlarga ergashsangiz) sizlarga yordam berilmas» [Hud 113]
Roya gazetasining 2022 yil 19 oktyabr chorshanba kungi 413-sonidan
