بِسْمِ اللهِ الرَّحْمٰنِ الرَّحِيمِ
Germaniya bilan Gʼarb yurtimizdan nima istaydi?!
Ustoz Nazir Muhammadhusayn (Аbu Minhoj)
Hizb ut-Tahrirning Sudan viloyatidagi
aloqalar qoʼmitasi raisi (Kordofan-Sudan)
Kordofanning uch viloyatidagi fuqarolik maʼmuriyatlari ishtirok etgan seminar 2022 yil 18 sentyabr chorshanba kuni nihoyasiga yetdi. Seminarni Germaniya hukumati moliyalashtirdi va Xartumdagi elchixonasi orqali qoʼllab-quvvatladi. 2022 yil 24 sentyabr shanba kuni Kordofan axborot tarmogʼida nashr qilingan xabarda bunday deyiladi: «Sudan Respublikasida yer va mineral resurslardan foydalanish hamda vakolat va imtiyozlarni taqsimlash boʼyicha konstitutsiyaviy jarayonni qoʼllab-quvvatlash bilan bogʼliq seminar boshlandi. Seminar Germaniya Federativ Respublikasining Xartumdagi elchixonasi koʼmagida va Germaniya hukumati tomonidan qoʼllab-quvvatlangan holda, Kordofanning uch viloyati fuqarolik maʼmuriyatlari ishtirokida, Maks Blank Xalqaro tinchlik va Germaniya qonun ustuvorligi Jamgʼarmasi tomonidan tashkil etildi. Unga Federal hukumat vaziri muhandis Muhammad Kartkila Solih va Shimoliy va Janubiy ikki viloyat raislari tashrif buyurdilar. Toʼrt kun davom etadigan ushbu seminarda mineral resurslardan foydalanishda vakolat va imtiyozlarni taqsimlash, shu bilan birga, ham qiyosiy huquq nuqtai nazaridan, ham Sudan nuqtai nazaridan yerdan foydalanish bilan bogʼliq bir qator tezis va hujjatlar muhokama qilinadi».
Xoʼsh, bunday seminarlardan nima natija kutilmoqda?! Bu Gʼarb hukumatlari shu kabi seminarlarni moliyalashtirish va Xartumdagi oʼz elchixonalari orqali qoʼllab-quvvatlash, oʼz tashkilotlaridan biri yordamida ularni tashkillashtirish bilan Sudan mahalliy idoralaridan, bizning yerlarimiz va mineral resurslarimizdan nima istaydi?!
Maʼlumki, mustamlakachi davlatlar oʼz mustamlaka davlatlarining siyosiy qarorlariga egalik qilish uchun hukmronliklarini toʼxtatmaslikka va nufuzlarini saqlab turishga harakat qilishyapti. Toki, ularga mustamlaka boʼlgan davlatlar tobelikdan qutulib, ozod boʼlib, qayta oʼz saqofat va hazoratlarini tiklamasinlar, oʼz ishlari tizginini qoʼllariga olmasinlar… Oʼzlar esa bu xalqlarning boylik va resurslarini talon-toroj etishda davom etsinlar. Ularning hukmronlik qilish va boyliklarni talon-toroj etish uslubi esa qonunchiliklar, konstitutsiyalar va tuzumlardir. Misol uchun Britaniya parlamentida Kerzon – nega Turkiyaga mustaqillik berildi, axir u Islom davlatining markazi boʼlgan-ku? – deya tanqid qilinganda «biz ularning maʼnaviy qudrati boʼlgan Xalifaligi va Islomini agʼdardik», deb javob qilgan. Darhaqiqat, ittifoqchilar qoʼshinlari Istanbulga kirgach, bu mustamlakachi asosiy eʼtiborini Islomdagi boshqaruv tuzumi boʼlmish Xalifalikka qaratdi va uni bekor qilib, oʼrniga respublika boshqaruvini tikladi, Usmoniy Islomiy konstitutsiya va qonunlarni ham bekor qilib, oʼrniga inson oʼylab topgan qonunlarni oʼrnatdi. Oqibatda, mustamlakachi Turkiyadan va boshqa musulmon yurtlaridan xavfsiramaydigan boʼldi, chunki ularni oʼzi istagan ahvolga keltirib oldi, endi bu yogʼiga mustamlakachining asosiy kurashi ayni vaziyatni saqlab, nazorat qilib turishdan iborat, toki islomiy yurtlar va musulmonlar ozod boʼlish uchun uning hukmronligidan chiqmasinlar.
Bu bizni mustamlakachining asoslaridan boʼlgan ikkinchi masalaga olib kelmoqda. Qarang, Jan-Polь oʼzining «Erning bechoralari» kitobi muqaddimasida Gʼarbda Sharq mutafakkirlarini paydo qilish va undan foydalanish koʼlami haqida soʼz yuritib, nima degan: «Biz Аfrika va Osiyodan qabila oqsoqollarini, zodagon, boy va xoʼjalarining farzandlarini olib kelib, Аmsterdam, London, Norvegiya, Belgiya va Parijni sayr qildirar edik. Ular oʼz kiyinishlarini oʼzgartirar, ijtimoiy munosabatlarning yangi shakllarini olishar va bizdan yangi hayot tarzi, ertangi kunga qarash haqida oʼrganardilar, tilimiz, raqs sanʼatimiz, aravalarga minishimizdan taʼlim olardilar. Hatto baʼzilariga yevropacha nikohni, soʼng gʼarbcha yashash tarzini ham oʼrgatganmiz… Ularning yuraklariga Yevropa sogʼinchini joylab, yurtlariga joʼnatib yuborar edik. Qanday yurtlariga bilasizmi?! Darvozalari biz uchun doim yopiq boʼlgan, kirish uchun biz birorta darcha topolmagan, bizga iflos najas, deb qarashgan yurtlariga. Biroq, ularning mufakkirlarini yurtlarimizda obdan tarbiyalab joʼnatganimizdan keyin Аmsterdam, Berlin va Parijdan turib «insoniy birodarlik», deb baqirsak, ovozimiz aks-sadosi Аfrika, Yaqin Sharq va Shimoli Аfrikadan keladigan boʼlib qoldi… Biz «turli dinlar oʼrniga insonparvarlik yoki insoniylik dini almashsin!» desak, ularning ogʼzidan ham shu soʼzlar takrorlanadigan boʼlib qoldi, ular biz gapirsak-gapiradigan, jim tursak-jim turadigan boʼlib qoldilar. Bu mufakkirlarda biz miyalariga quyib qoʼygan fikrlardan boshqa hech qanday fikr qolmaganiga aniq ishondik».
Shubhasiz, Germaniya hukumati moliyalashtirgan va Xartumdagi elchixonasi orqali qoʼllab-quvvatlagan ushbu sessiya ham ayni shu maqsadga qaratilgan. Yaʼni mustamlakachining istagi shuki, insonlarning qoʼzgʼolon qilishiga sabab boʼlgan va inson oʼylab topgan uning adolatsiz konstitutsiyasi davom etib, doim qoʼllab-quvvatlansin va shunday holatda turishi nazorat qilib borilsin. Bizning ayni konstitutsiyalaridan qutulib, Аllohning ahkomlariga va musaffo shariatiga qaytishimizni oldini olib turmoqchi. Chunki Аllohning ahkomu shariati tugamas minerallardan tortib, oz minerallargacha, ushriy yerlardan tortib, xirojiy yerlargacha barchasini bayon qilib bergan. Yerlarning shaxs, davlat, omma mulki boʼlishi va undan har bir inson foydalanishi mumkinligi yoritib berilgan. Xoh yer mulkchiligi boʼlsin, xoh mineral boyliklar mulkchiligi boʼlsin, farqsiz, Islomda qabila uchun xususiy mulk, degan narsa yoʼqligi bayon etilgan. Inson oʼylab topgan qonunga koʼra, mustamlakachilar odamlar oʼrtasida irqchilik, yer va boyliklar ustida oʼzaro urushlar boʼlib turishini istaydi. Toki, u shu urush va nizolarni keltirib chiqarish orqali ularning boyliklarini talon-toroj eta olishga va konstitutsiyayu qonunlari va rahbarlari orqali siyosiy hukmronlikni saqlab turishga doim imkon topa olsin. Chunki mustamlakachi ayni rahbarlarni oʼzining ovoziga aks-sado boʼlishlarini, bir ogʼiz ham soʼzlariga ega boʼlmasliklarini, faqat miyalariga quyib qoʼyilgan fikrnigina gapirishlarini istamoqda. Uning maqsadi mana shu.
Bas, shunday boʼlgach, siz Sudan ahli, xususan seminarda qatnashgan mahalliy rahbar va rasmiylar nima qilyapsiz?! Diningiz borasida shunday razillikka rozi boʼlib, mustamlakachining Islomingiz, yurtingiz va ahlingiz hisobiga istayotgan narsalarini beraverasizmi?! Yoki Аllohga oʼzingizdan bir yaxshilik koʼrsatib, bu mustamlakachini yurtimizdan quvib solasizmi, barchamiz oʼz dastur, shariat va Xalifaligimizga va shu orqali bu dunyoyu oxirat azizligiga noil boʼlamizmi?!
Roya gazetasining 2022 yil 19 oktyabr chorshanba kungi 413-sonidan
