بِسْمِ اللهِ الرَّحْمٰنِ الرَّحِيمِ
Yahudiy vujudi bilan Livan oʼrtasida dengiz chegaralarini delimitatsiya qilish Falastinga qarshi navbatdagi jinoyatdir
АQSh prezidenti Jo Bayden Livan va yahudiy vujudi rahbarlarini «ikki davlat oʼrtasidagi dengiz chegaralarida tarixiy delimitatsiyani amalga oshirish, oʼzaro nizolarini rasman bartaraf etib, oʼrtada dengiz hududi barpo etish», toʼgʼrisidagi kelishuv bilan qutladi. Bu xususda Hizb ut-Tahrir – Livan viloyati matbuot boʼlimi raisi Аbdullatif Douq Hizbning markaziy matbuot boʼlimi radiosiga bergan izohida quyidagilarni taʼkidladi:
«АQSh bilan yahudiy vujudi oʼrtasida imzolangan va Livan tomonidan maʼqullangan shartnoma jarayonidan xabardor boʼlgan kishi buning Livan prezidenti, parlamenti, bosh vaziri va ularga sukut saqlagan Eronning Livandagi Hizbi tomonidan sodir etilgan jinoyat ekanini batamom anglab yetadi…
Yahudiy vujudi bu muzokaralarda yutib chiqdi va orzu qilayotgan maqsadiga erishdi. Hatto Eron Hizbi ushbu shartnomaning amalga oshirilishiga rozi boʼlib, yashil chiroq yoqib bergani uchun yahudiy vujudi tomonidan minnatdorchilik maktubi ham oldi! Yahudiylar dengizning gaz konlari mavjud boʼlgan maydonlarini kemirish bilangina kifoyalanishmadi, balki shartnoma matnida dengizdagi yahudiylarga tegishli maydon va inshootlarga aralashmaslik uchun xavfsizlik kafolatlari ham qayd etilgan…
Bu – dushmanga yon berish va uni gʼolib qilish boʼlib, bu qilmishni hukmdorlarning xoinligiga va bosqinchi yahudiylar bilan munosabatlarni normallashtirishga rozi boʼlgan kimsalargina sodir etadi. Ular bu bilan oʼzlarining va hukmdorlarning Suriyadagi jinoyatlariga yahudiylar bilan munosabatlarni normallashtirishdan iborat navbatdagi jinoyatni qoʼshadilar.
Roya gazetasining 2022 yil 19 oktyabr chorshanba kungi 413-sonidan
