بِسْمِ اللهِ الرَّحْمٰنِ الرَّحِيمِ
Аmerika vaʼda qilgan yangi Iroq
2022 yil 28-29 sentyabr chorshanba-payshanba kunlari muxolif kurd partiyalariga qarashli qarorgohlar Eron tomonidan nishonga olinib, Irbil va Sulaymoniya viloyatlari ballistik raketalar va uchuvchisiz boshqariladigan samolyotlar yordamida qattiq bombardimon qilindi. Bu Dahuk shimolida joylashgan va turk rejimiga qarshi boʼlgan Kurdiston Ishchilar partiyasi qarorgohlarining Turkiya samolyotlari tomonidan bombardimon qilinishi bilan bir paytda amalga oshirildi.
Chorshanba kuni Bogʼdod markazidagi mustahkam Yashil zona atrofi ham zarbalarga uchradi, unda minomyotdan otilgan uch snaryad portladi. Ulardan bittasi Iroq parlamenti yaqiniga kelib tushdi. Oʼsha paytda parlament kengashi raisining isteʼfodagi birinchi oʼrinbosari Sadirchilar harakatidan Hokim Zamiliyning oʼrniga yangi oʼrinbosar tayinlash yigʼini boʼlib oʼtayotgan edi.
Oʼz navbatida, Hizb ut-Tahrir – Iroq viloyati matbuot boʼlimi bayonot nashr qilib, quyidagilarni taʼkidladi:
«Shuncha tartibsizliklar boʼlayotgan bir paytda, biz siyosiy axlatga aylangan bloklarning parlament yigʼinini oʼtkazib, hukumat tuzishga gʼoyat oʼchlik bilan harakat qilishayotganini, boʼlayotgan hodisalar esa, parvolariga ham kelmayotganini guvohi boʼlyapmiz, goʼyo bu bombardimonlar oʼz yurtlarida emas dengizning narigi tomonida sodir boʼlayotgandek! Ular na yurtga qaygʼurishyapti, na uning ahliga. Eʼtibor va tashvishlari faqatgina hukumat tuzish va vazirlik oʼrinlarini boʼlishib olish va shu orqali yurtni talon-toroj etishdir. Ayniqsa, 21 sentyabr kuni Iroq rasmiy axborot agentliklariga Iroq Markaziy banki direktori oʼrinbosari Аmmor Xalaf yurtda 80 milliard dollardan oshgan va yil oxirida 90 milliard dollarga yetishi kutilayotgan ajnabiy valyuta zaxiralaridagi profitsit toʼgʼrisida eʼlon chiqarganidan keyin hamda Bank oltin zaxiralari 30 tonnadan oshib, jami 131 tonnaga yetgani maʼlum qilganidan soʼng hammasining ogʼzidan soʼlaklari oqmoqda.
Bulardan uzoqu yaqindagi kishiga yana bir bor shu narsa isbotlandiki, demak, bu siyosiy elita Iroq xalqi qonini sariq chaqaga olmaydi. Аmerika 2003 yil yurtni bosib olgan paytda paydo qilib, to bugungacha ayni shu elitani ushlab kelmoqda va unga yangi Iroq vaʼda qilyapti. Ha, u toʼgʼri aytdi, biz yangi Iroqni koʼrib turibmiz… Chor atrofi boshboshdoqlikka botgan, jinoyatchilik va giyohvandlik keng tarqalgan, oʼgʼrilardan tortib qaroqchilargacha jilovsiz izgʼib yurishibdi. Qoʼlidan buzgʼunchilikdan boshqa narsa kelmaydigan bosqinchidan bundan boshqa narsa kutish mumkinmi, najasga oʼtirgan kimsadan xushboʼy hid umid qilish mumkinmi?!
Roya gazetasining 2022 yil 12 oktyabr chorshanba kungi 412-sonidan
