بِسْمِ اللهِ الرَّحْمٰنِ الرَّحِيمِ
Hizb ut-Tahrir – Turkiya viloyati «Sharqiy Turkistondan aslo voz kechmaymiz!» nomli norozilik namoyishlarini oʼtkazdi
Xitoydagi yirtqich rejim oʼnlab yillar oldin bosib olgan Sharqiy Turkistonda hamon qatli om va vahshiyliklarni sodir etmoqda. Millionlab uygʼur musulmonlarini «qayta tarbiyalash» niqobi ostida qamoq lagerlariga tashlab, qiynoqlarga solib keldi. U Sharqiy Turkiston musulmonlarini Islomlaridan qaytarish maqsadida mana shu qiynoqlarni davom ettirayotgan boʼlsa, islomiy yurtlardagi tentak malay hukmdorlar bu ishda unga dalda boʼlishmoqda. Bu safar esa, jinoyatkor kommunist Xitoy rejimi xususan Gulja shahridagi uygʼur musulmonlariga qarshi navbatdagi jinoyatlarini sodir etmoqda. Yaʼni «koronavirus tarqalishini oldini olish», degan narsani bahona qilib, ularni uylariga qamab, eshiklari tashqarisidan berkitib tashladi. Ushbu hududdan olingan videolavhalarda xabar qilinishicha, oziq-ovqat va dori-darmon kabi asosiy ehtiyojlarini qondirishdan man qilingan shaxslar ochlikka mahkum boʼlmoqda, hatto baʼzilarining goʼdaklari ochlikdan xushidan ketib, halok boʼlyapti!
Mana shularning barchasi qarshisida Hizb ut-Tahrir – Turkiya viloyati hijriy 1444 yil 20 safar, milodiy 2022 yil 16 sentyabr juma kuni – Istanbuldagi Muhammad Fotih jomesida va Аnqara shahridagi Hoji Bayram jomesida – ikkita norozilik namoyishi oʼtkazdi. Namoyishlar Xitoy rejimi sodir etayotgan dahshatli repressiyalar qarshisida Sharqiy Turkistondagi musulmon birodarlarimizga yordam berishga qaratildi. Xususan Turkiyadagi hukmdorlardan hamda butun islomiy yurtlardagi hukmdorlardan sukut saqlashni bas qilib, Sharqiy Turkistondagi musulmon birodarlariga yordam berish talab qilindi.
Roya gazetasining 2022 yil 28 sentyabr chorshanba kungi 410-sonidan
