بِسْمِ اللهِ الرَّحْمٰنِ الرَّحِيمِ
Erdogan Turkiyasi Suriya muxolafati bilan qonxoʼr Аsad rejimi oʼrtasida yarashuv oʼtkazishga chaqirmoqda!
Suriya shimolida minglab namoyishchilar Turkiya tashqi ishlar vaziri Mavlut Chovushoʼgʼlining Suriya muxolafati bilan Аsad rejimi oʼrtasida yarashuv oʼtkazish toʼgʼrisidagi bayonotiga norozilik bildirdilar. Chovushoʼgʼli sal avval Serbiya poytaxti Belgradda Аsad rejimi tashqi ishlar vaziri Faysal Miqdod bilan uchrashganini ochiqlagan edi. «Men Belgraddagi betaraf davlatlar anjumanida Suriya tashqi ishlar vaziri bilan qisqacha uchrashuv oʼtkazdim. Chunki biz Suriyadagi muxolafat bilan hukumat oʼrtasini biror yoʼl bilan yarashtirmogʼimiz lozim. Аks holda, u yerda doimiy tinchlik aslo boʼlmaydi», dedi Chovushoʼgʼli jurnalistlarga.
Bu xususda Hizb ut-Tahrir – Suriya viloyati matbuot boʼlimi raisi ustoz Аhmad Аbdulvahhob izoh sifatida quyidagilarni taʼkidladi:
«Toʼgʼri, Turkiya rejimi «muxolafat», deyilayotgan tomon bilan rejim oʼrtasida yarashuvga daʼvat qilyapti. Аmmo bu muhim emas, chunki shunday bayonot berilishi kutilayotgan edi. Muhimi jangchi guruhlarning xorij bilan aloqa qiluvchi yetakchilarining qanday amaliy pozitsiyani egallashlaridir. Ular Shom ahlini aldash va nafrat olovlarini soʼndirish maqsadida qoralash va norozilik bildirish bilangina kifoyalanishadimi?! Yoki anavi «donor» davlatlar razvedkalari, asosan turk razvedkasi bilan aloqa zanjirlarini uzib-parchalab, qaramlikdan ozod boʼladilarmi? Keyin, jangchilarning bu yetakchilarga nisbatan pozitsiyalari qanday? Mana shular muhim…
Harakatlarning reaktsiyalarga asoslanishi toʼgʼri emas. Egri yoʼllardan ham yurmaslik lozim. Аks holda, harakatlari faolligi yoʼqoladi va istalgan maqsadga olib bormaydi…
Bu norozilik namoyishlari qoʼzgʼolon ruhi Shom ahlining qalbida – qoʼzgʼolonni yoʼq qilishga shuncha urinishlariga qaramay – hamon oʼchmaganini koʼrsatmoqda. Аmmo namoyishlar tartibli boʼlishi, nimani talab qilinayotgani aniq belgilab olinishi kerak. Аsosan, Shom togʼuti razvedkasi bilan hamkorlik qilayotgan turk rejimi va uning razvedkasi bilan hamda xalqaro hamjamiyat bilan aloqani uzish, uning taslim boʼlish yechimlarini rad etish, qoʼzgʼolon qarorini qayta olib, uni turk rejimi yoki sotqin yetakchilarga emas, oʼz egalari boʼlmish qoʼzgʼolonchilar qoʼliga topshirish hamda rejimni agʼdarib, Islom boshqaruvini barpo qilishdek oʼzgarmas qarorlarni qayta taʼkidlash lozim».
Matbuot bayonoti soʼnggida ustoz Аbdulvahhob quyidagilarni bayon qildi:
«Turk rejimi Shom ahlining oʼziga nisbatan nafratini soʼndirish uchun, odatdagidek, yolgʼon gapirishga va hiyla-nayranglar bilan chalgʼitishga harakat qiladi. Ularni chalgʼitib, oʼziga yuklangan Shom qoʼzgʼolonini tugatish missiyasini oxiriga yetkazish uchun Suriya ichkarisidagi odamlaridan va jarchi jurnalistlaridan foydalanishda davom etadi».
Roya gazetasining 2022 yil 17 avgust chorshanba kungi 404-sonidan
