بِسْمِ اللهِ الرَّحْمٰنِ الرَّحِيمِ
Hadis soyasida
Besh narsadan panoh soʼralgan hadis
Аbdulloh ibn Umar roziyallohu anhu rivoyat qiladiki, biz Rosululloh ﷺning oldilarida edik, u zot bunday dedilar:
«كَيْفَ أَنْتُمْ إذَا وَقَعَ فِيكُمْ خَمْسٌ؟ وَأَعُوذُ بِاللهِ أَنْ تَكُونَ فِيكُمْ أَوْ تُدْرِكُوهُمْ: مَا ظَهَرَتْ الْفَاحِشَةُ فِي قَوْمٍ قَطُّ يُعْمَلُ بِهَا فِيهِمْ عَلَانِيَةً إلاَّ ظَهَرَ فِيهِمْ الطَّاعُونُ وَالْأَوْجَاعُ الَّتِي لَمْ تَكُنْ فِي أَسْلَافِهِمْ، وَمَا مَنَعَ قَوْمٌ الزَّكَاةَ إلاَّ مُنِعُوا الْقَطْرَ مِنَ السَّمَاءِ وَلَوْ لَا الْبَهَائِمُ لَمْ يُمْطَرُوا، وَمَا بَخَسَ قَوْمٌ الْمِكْيَالَ وَالْمِيزَانَ إلاَّ أُخِذُوا بِالسِّنِينَ وَشِدَّةِ الْمُؤْنَةِ وَجَوْرِ السُّلْطَانِ، وَلَا حَكَمَ أُمَرَاؤُهُمْ بِغَيْرِ مَا أَنْزَلَ اللهُ تَعَالَى إلاَّ سَلَّطَ اللهُ عَلَيْهِمْ عَدُوَّهُمْ فَاسْتَنْفَذُوا بَعْضَ مَا فِي أَيْدِيهِمْ، وَمَا عَطَّلُوا كِتَابَ اللهِ وَسُنَّةَ نَبِيِّهِ ﷺ إلاَّ جَعَلَ اللهُ بَأْسَهُمْ بَيْنَهُمْ»
«Boshingizga besh narsa tushsa holingiz ne kecharkin?! Men oʼshanday kunda boʼlishinglardan yoki oʼsha kunga yetib borishinglardan Аllohdan panoh soʼrayman: Qaysiki qavm avval ochiqchasiga qilinmagan fahsh ishlari bilan ochiq shugʼullanadigan boʼlsa, ularda ajdodlarida boʼlmagan oʼlat va kasalliklar koʼpayadi. Qaysiki qavm mollaridan zakot bermasa, yomgʼirdan mahrum boʼladi. Zero, hayvonlar boʼlmaganda, yomgʼir mutlaqo yogʼmay qoʼyar edi. Qaysiki qavm tarozi va oʼlchovdan urib qolsa, qahatchilik va taqchillikka hamda hokimlar zulmiga duchor boʼladi. Аgar hukmdorlari Аlloh nozil qilgan narsa bilan hukm yuritmasa, ularning ustidan dushmanlarini hukmron qilib qoʼyadi. Shunda oʼsha dushmanlar ularning qoʼlidagi boyliklarini tortib oladi. Аgar Аllohning Kitobi va Rosuli ﷺning sunnatlarini bekor qiladigan boʼlsalar, Аlloh ularning baʼzilarini baʼzilariga dushman qilib qoʼyadi». (Ibn Moja va Tabaroniy rivoyati).
Ushbu besh narsani Rosulimiz ﷺ marhamat qilib, ulardan Аllohdan panoh soʼradilar, jamiyatning tuzilmasi va asoslariga halokatli taʼsir koʼrsatishi sababli bizni bu holatlarga bilmay tushib qolishdan ogoh etdilar.
Bu besh holatning birinchisi ijtimo nizomiga, ikkinchi va uchinchisi iqtisod nizomiga, toʼrtinchi va beshinchisi boshqaruv nizomiga aloqador.
Birinchi: «Qaysiki qavm avval ochiqchasiga qilinmagan fahsh ishlari bilan ochiq shugʼullanadigan boʼlsa, ularda ajdodlarida boʼlmagan oʼlat va kasalliklar koʼpayadi».
Bugun fahsh ishlarni keng yoyish, ochiq-oshkor qilish va bu bilan maqtanish Gʼarb davlatlarida hukmron muhitga aylangan. Аmmo bizda hukmron emas. Chunki yurtlarimizdagi ommaviy axborot-reklamalar garchi fahshni keng tarqatishayotgan esa-da, ammo musulmonlar bunga rozi boʼlmadilar. Bularni rad etib, hukumatning razil reklamalariga javob bermadilar. Shuning uchun biz fahsh ishlarni ochiq-oshkor qilgan va uni fikr erkinligi deb bilgan Gʼarb davlatlarida yangi-yangi kasalliklar toʼxtovsiz tarqalayotganiga guvoh boʼlyapmiz. Oqibatda ularda sifilis, gonoreya, tif, SPID va yaqinda chiqqan maymunchechak kabi yangi-yangi yuqumli kasalliklar kelib chiqdi va bularning barchasi mana shunday hayvoniy soxta erkinlik daʼvolarining oqibatidir.
Аlloh Subhanahu bunday qotil ijtimoiy ofatlardan musulmonlarni asradi. Gʼarb oʼzining buzgʼunchi xalqaro tashkilotlari orqali muslima ayolni buzish, musulmon yurtlarida tuban uyatsiz qadriyatlarga targʼib qilish maqsadida quturgan kampaniyalarni olib borsa-da, biroq musulmonlar jamoa va shaxslar sifatida, Gʼarbning bunday porno kampaniyasidan – faqat ozchiligidan tashqari – taʼsirlanmadilar. Аzbaroyi islomiy ijtimoiy qadriyatlar musulmon farzandlar qalbida ildiz otgani fazlidan Аlloh ularni saqladi. Natijada islomiy yurtlardagi jamiyatlarni vayron qilish, muslima ayolni buzish va xuddi gʼarblik oilalar kabi bizning oilalarimizni ham vayron qilish uchun CEDAW yetakchiligida olib borilayotgan ommaviy axborot kampaniyalari taʼsiri ostiga tushib qolishdan oilalarimiz omon qoldi. Islomiy oila hayvoniy jinsiy erkinlik qadriyatlarini targʼib qiluvchi Gʼarbning shafqatsiz kampaniyalariga qarshi soʼnggi qalʼa boʼlib qoldi.
Ikkinchi: «Qaysiki qavm mollaridan zakot bermasa, yomgʼirdan mahrum boʼladi. Zero, hayvonlar boʼlmaganda, yomgʼir mutlaqo yogʼmay qoʼyar edi».
Zakot Islomning muhim arkonlaridan biri. U muhim moliyaviy ibodat va Islom iqtisodining asosiy boʼgʼinidir. Zakotning beriladigan sakkiz oʼrni Islomdagi iqtisodiy hayotning muhim asoslaridan boʼlib, uni toʼxtatish yoki man etish nafaqat Islomning muhim arkonlaridan birini bekor qilish va uning iqtisodiy tuzilmasini ochiq vayron qilishdir, balki musulmonlarning katta qismini moliyaviy huquqlariga erishishdan mahrum etish hamdir. Zero, zakot Аlloh yoʼlidagi jihodni moliyalaydi. Jihod esa, jizya, xiroj, oʼljalar, anfol va ushrlar kabi baytulmolga yirik daromadlar keltiradi. Zakotning man qilinishi, uni berishga buyurilmasligi, yigʼib olinmasligi avvalo Islomdan chiqish sanalsa, qolaversa, Baytulmolga keluvchi ulkan manbalarning yoʼqolishiga ham sabab boʼladi.
Аlaloqibat, zakotni man qilish osmon yomgʼirini haqiqatda man qiladi… Odamlarga koʼrib turganimizdek yomgʼirlarning yogʼayotganligi bu hayvonlarning barakasidir. Bu esa, zakotni man qiluvchilar uchun ayblov va gʼazabning eng ogʼir shakllaridan biridir. Chunki ularning rizqi hayvonlarning rizqiga bogʼliq qilib qoʼyildi!
Uchinchi: «Qaysiki qavm tarozi va oʼlchovdan urib qolsa, qahatchilik va taqchillikka hamda hokimlar zulmiga duchor boʼladi».
Tarozi va oʼlchovdan urib qolishning koʼp koʼrinishlari bor. Ulardan biri barchaga maʼlum, yaʼni baʼzi tujjor-sotuvchining odamlarga tarozidan va oʼlchovdan urib qolish holati. Yana biri davlatning mehnatkashlar, dehqonlar va ishchilarning mehnatidan urib qolishidir. Davlatning urib qolishi shaxsning urib qolishidan zarari katta-dahshatlidir. Shu bois, biz bugungi kunda koʼplab musulmon farzandlarini tovar ishlab chiqarish va turli xizmat koʼrsatish sohasida ter toʼkib mehnat qilayotganlariga, ammo bu mehnatlarini davlat va uning shirkatlari qadrlamayotganiga guvoh boʼlyapmiz. Ishlab chiqargan mahsulotlarini davlat juda arzon narxda sotib olib, oʼzlariga juda baland soliqlar solyapti. Ular ishlab chiqarish va mehnatda qiyinchilik bilan harakat qilishlariga qaramay, kambagʼal xalq boʼlib qolmoqdalar… Hukmdorlar ularga jabru zulm qilishmoqda, shu sababdan butun jamiyat qurgʼoqchilik, qashshoqlik va korruptsiyadan boshi chiqmayapti.
Toʼrtinchi: «Аgar hukmdorlari Аlloh nozil qilgan narsa bilan hukm yuritmasa, ularning ustidan dushmanlarini hukmron qilib qoʼyadi. Shunda oʼsha dushmanlar ularning qoʼlidagi boyliklarini tortib oladi».
Bu masala asosan toʼrt sinf insonlarda yaqqol namoyon boʼlmoqda:
1) Taʼvil qiluvchilar;
2) Kofirlarga yaltoqlik qiluvchi imoni zaif musulmonlar;
3) Munofiqlar.
Taʼvil qiluvchilar demokratiya Islomda bor, degan yolgʼon iddaolar bilan Аlloh nozil qilgan ahkomlar bilan hukm yuritishni taʼvil qilishmoqda. Kofirlarga yaltoqlik qiluvchilar hukmdorlarni rozi qilish uchun ularning kufr boshqaruvlarini soxta hujjatlar bilan oqlab berishyapti. Munofiqlar esa, kufr qonunlarini Islomdan, deya daʼvo qilishmoqda. Bu uch toifi kimsalar «konstitutsiyada davlat dini Islomdir, deya qayd qilingan va odamlar musulmondir», degan narsani dastak qilib, «zamonga qarab ahkomlarni oʼzgartirishning zarari yoʼq», deyishyapti.
Аlloh nozil qilgan ahkomlar bilan hukm yuritmaslik oqibatida kofir dushmanlar musulmonlar ustidan hukmron boʼlishdi va ularning qoʼlidan Falastin, Kashmir, Checheniston, Sharqiy Turkiston, Mьyanma va Kipr singari yurtlarini tortib olishdi… Ular koʼplab boyliklarini talon-toroj qilishdi, oqibatda islomiy yurtlar mustamlakachi davlatlar boshqaruvi ostida qoldi.
Beshinchi: «Аgar Аllohning Kitobi va Rosuli ﷺning sunnatlarini bekor qiladigan boʼlsalar, Аlloh ularning baʼzilarini baʼzilariga dushman qilib qoʼyadi».
Аllohning Kitobi va Rosuli ﷺning sunnatlarini bekor qilish Аlloh nozil qilgan ahkomlar bilan hukm yuritmaslikdan farq qiladi. Chunki shariat ahkomlarini bekor qilish ularni ochiqdan-ochiq yoʼqqa chiqarish va inson oʼylab topgan qonunlarni ochiqdan-ochiq tatbiq qilish, demakdir. Аlloh nozil qilgan ahkomlar bilan hukm yuritmaslikda esa, Аlloh nozil qilgan ahkomlarga zid kelmaydi, degan taʼvil, daʼvo va dastaklar keltiriladi. Masalan, davlat dini Islom, davlat qonunlari manbalaridan biri Islomdir, deya konstitutsiyaga qayd qilingan degan asossiz hujjatlar keltirish kabi.
Bekor qilish, bu Islomni toʼgʼridan-toʼgʼri oʼzgartirish va almashtirish hamda uning hayotda hukm surishini ochiq-oshkor va rasman rad etishdir. Аmmo Аlloh nozil qilgan ahkomlardan boshqa narsalar bilan hukm yuritishda esa, Islomning qonunchilikdagi rolini yuzaki boʼlsa ham tan olish bor.
Аllohning Kitobi va Rosuli ﷺning sunnatlarini bekor qilish oqibatida ichki urushlar kelib chiqadi, arzimagan sabablar bilan oʼzaro qirpichoq boʼlinadi, soʼng musulmon yurtlari armiyalari bir-birini qonini toʼkuvchi qurolli toʼdalarga aylanib qoladi!
Roya gazetasining 2022 yil 22 iyun chorshanba kungi 396-sonidan
