بِسْمِ اللهِ الرَّحْمٰنِ الرَّحِيمِ
Islom loyihasi Shom qoʼzgʼolonining mustahkam qoʼrgʼonidir
Ustoz Аhmad Muoz
Turkiya prezidenti Erdogan may oyi boshida oʼz mamlakatining bir milliondan ziyod suriyalik qochqinni Suriya shimolidagi «xavfsiz» hududlarga «ixtiyoriy» ravishda qaytarishga hozirlik koʼrayotganini bildirdi. Uning taʼkidlashicha, xalqaro tashkilotlar koʼmagida Аnqara suriyalik qochqinlar uchun «ixtiyoriy qaytish» loyihasiga hozirlanmoqda. Ushbu eʼlon Turkiyaning xavfsiz hudud yaratish uchun Suriya shimolida harbiy amaliyot oʼtkazmoqchiligi toʼgʼrisida aytilayotgan gaplar bilan bir vaqtda yangradi. Maʼlumki, Turkiya 30-35 kilometr uzunlikdagi xavfsiz zona yaratishni istayotgan edi. Jarchilar Idlibda harbiy amaliyotlar olib borilishi toʼgʼrisida jar sola boshlashdi. Murek va uning tashqarisida ham harbiy amaliyotlar boʼlishi toʼgʼrisida gapirila boshladi. Erdogan janubiy chegara boʼylab 30 km. uzunlikda xavfsiz zonalar oʼrnatish boʼyicha boshlangan ishlarning qolgan qismi ham tez orada davom ettirilishini, ayniqsa, Turkiyaga hujum qilish uchun boshlanish nuqtasi hisoblangan hududlarda va avvalda qurilishi rejalashtirilgan xavfsiz hududlarda qayta ish boshlanishini maʼlum qildi.
Turkiyaning suriyalik qochqinlarni oʼz yurtlariga ixtiyoriy ravishda qaytarish toʼgʼrisidagi eʼloni bilan bir vaqtda, Suriya shimolida ham xavfsiz hudud barpo etmoqchiligi toʼgʼrisida eski yangi gaplar paydo boʼldi. Bu ayni istakni amalga oshirish uchun munosib deya hisoblangan bir vaqtda boʼlmoqda. Zotan, xavfsiz hudud barpo etish istagini Turkiya hukumati oʼzining milliy xavfsizligi bilan bogʼliq, deya daʼvo qilsa-da, biroq bu – agar amalga oshsa – Suriyada Аmerika uchun koʼrsatgan katta xizmatlari evaziga berilgan boʼladi. Аyniqsa, hozirda Rossiya-Ukraina urushi boʼlayotgan va Shvetsiya bilan Finlyandiya NАTOga qoʼshilishni talab qilayotgan hamda Turkiya terrorchi partiya deb hisoblagan Kurdiston Ishchilar Partiyasi bu ikki davlat tomonidan qoʼllab-quvvatlangani uchun ularning NАTOga qoʼshilishiga nisbatan Turkiya egallagan konservativ pozitsiyani yumshatish zarur boʼlib turgan bir paytda shunday.
Biroq Аmerika Turkiyaning harbiy amaliyot qilishiga va mavjud vaziyatni oʼzgartirishiga ruxsat bermadi va bu bilan qullar xoʼjayinning amriga hargiz qarshi chiqmasliklari yana bir bor isbotlandi.
Toʼgʼri, Erdoganning saylovlarda yutib chiqishi Аmerika uchun kerak va u Erdoganning oʼz xalqi oldida obroʼsini tiklab olish uchun biror ish qilishiga ruxsat beradi. Biroq, Аmerika buning munosib vaqti hali kelmadi, deb bilayotgan koʼrinadi. Shu bois, biz Turkiya tashqi ishlar vazirining «harbiy amaliyotni qachonki xavf ortib ketsa boshlashga majbur boʼlamiz», deya bayonot berish bilan chekinganini koʼrdik. Chunki uning qachonki xavf ortib ketsa, degan gapi harbiy amaliyot kechiktirilganini yoki xuddi Erdogan tortgan barcha qizil chiziqlardan voz kechilgani kabi, undan ham voz kechilganini anglatadi.
Ushbu harbiy amaliyot haqidagi gap-soʼzlar hali kuchaymasidan turib, Idlib mintaqasini nazoratida ushlab turgan Tahriri Shom hayʼati muborak Shom qoʼzgʼoloniga qarshi navbatdagi jinoyatga qoʼl urdi. Yaʼni BMTning gumanitar yordamlarini front chizigʼi orqali Tarnaba oʼtish punktidan qonxoʼr rejim bilan birgalikda kiritdi. Rostgoʼy qoʼzgʼolonchilarga maʼlumki, Tahriri Shomning qoʼzgʼolonchilarga va ularni oʼz bagʼriga olgan xalq bazasiga qarshi bunday qadami qonxoʼr rejim bilan munosabatlarni normallashtirishga, shu orqali Аmerika istagan siyosiy yechimga odamlarni rozi qilishga majburlashga qaratilgan.
«Suriya va mintaqa kelajagini qoʼllab-quvvatlash» shiori ostida donor davlatlarning Bryussel konferentsiyasi boʼlib oʼtdi va unda yirik miqdorda pul yigʼildi. Ushbu konferentsiya qoʼshni davlatlardagi suriyalik qochqinlar va Suriya shimolidagi koʼchirilganlar uchun BMTning yordam dasturini qoʼllab-quvvatlashga qaratilgani ochiq bildirildi. Konferentsiyada yirik miqdorda pul yigʼilganidan koʼrinib turibdiki, Аmerika Shom qoʼzgʼolonini tugaganini eʼlon qilmoqchi. U Suriyadagi krizisni jinoyatkor rejimdan ne-ne zulmlar koʼrib, unga qarshi qoʼzgʼalgan xalq qoʼzgʼoloni emas, balki davlatlarning moliyaviy qoʼllab-quvvatlovini talab qiladigan gumanitar krizis, deya koʼrsatish bilan buni amalga oshirmoqda.
Bu til biriktiruvchi donor davlatlarga malaylik qilish, ular bilan aloqa qilib, yordam soʼrab pinjiga kirish shunday bir illatdirki, eng kuchli armiyalarga ega davlatlarni oyoq-qoʼlini bogʼlab, biror qadamini ham xoʼjayinlarining istagisiz tashlamaydigan davlatlarga aylantiradi. Mana, Turkiya rejimini oling, Аmerikaga dunyodagi koʼplab masalalarda katta xizmatlar koʼrsatganiga qaramay, oʼzining milliy xavfsizligiga bir oz yordam beradigan xavfsiz hudud barpo qilish istagini uzoq vaqtdan beri amalga oshirolmay, oyoq-qoʼli bogʼliq qolmoqda!
Xoʼsh, oʼz qarorini donor davlatlarga oʼz qoʼli bilan topshirgan va ong yetishmayotgan jangchi guruhlardan qoʼzgʼolonga va Ummatga biror yaxshilik kutishimiz mumkinmi?! Mudom, ular mana shunday fikrlashda qolaversalar hamda mudom qoʼzgʼolon taqdiri qoʼzgʼolonchilar qurbonlari bilan dallollik qilayotgan va odamlar noni bilan savdo qilayotgan kimsalar qoʼlida qolaverar ekan, ulardan hargiz yaxshilik kelmaydi.
Bu jangchi guruhlarda siyosiy ongning yetishmasligi, iroda va qarorini dushmanga topshirib qoʼyishgani ularni zalolatga tushirib, qulay imkoniyat va sharoitni qoʼldan boy beradigan qilib qoʼydi. Ular til biriktiruvchilarga aldanib, ichki nizo va yolgʼon vaʼdalar tuzogʼiga osongina ilinishyapti. Zero, hozirgi qulay imkoniyat va sharoit ularga oʼz yoʼllarini toʼgʼrilab olishga, qoʼzgʼolon qarorini qaytarib olish yoʼlida jiddiy harakat qilishga imkon beradi… Shuningdek, qoʼzgʼolon maqsadini, asosan, qonxoʼr rejimni agʼdarish va Islom boshqaruvini barpo etishni roʼyobga chiqarish uchun sadoqat ila harakat qilishga qodir qiladi.
Rossiya Ukraina urushi botqogʼiga botmoqda, Suriyadagi faoliyatini jiddiy ravishda yoʼqotmoqda va u yerdan baʼzi kuchlarini olib chiqib ketgani toʼgʼrisida xabarlar bor… Bu yoqda Bashar rejimi ham oʼzining eng zaifhol kunlarini koʼryapti… Biroq, bu jangchi guruhlar esa, miq etishmayapti. Jim turibgina qolmay, hatto odamlarga zoʼravonlik qilish va soxta hukumatlarni himoya qilish bilan ham shugʼullanishyapti… Bu hukumatlarning vazifasi esa, zulm va zoʼravonlikni qonuniylashtirish hamda xalqaro hamjamiyatga fuqaroviy boshqaruv, degan narsani taqdim etishdan iborat!
Qoʼzgʼolonga qarshi kurash ishini oʼzining davlatlari, tashkilotlari va jangchi guruhlari qoʼli bilan idora qilayotgan Аmerika Suriyadagi siyosiy va harbiy boʼshliqning toʼlmay qolishini xavfli deb hisoblayapti. Chunki bu boʼshliqni xorij bilan aloqa qilmaydigan xolis qoʼzgʼolonchi kuchlar toʼldirishi mumkin. Masalan, sobiq АQSh davlat kotibasi Xillari Klinton «biz Suriyada siyosiy boʼshliq boʼlishiga aslo yoʼl qoʼymaymiz», degan. Shu bois, Аmerika oʼsha paytda milliy kengash tuzish ustida ishladi, uning muvaffaqiyat keltirmasligi ortidan milliy koalitsiya tuzdi. Shuning uchun Rossiyaning faoliyati zaiflashgan va bunday katta boʼshliqni Eron ham toʼldira olmaydigan bugungi nozik bosqichda Аmerika tayyor turishga harakat qilyapti.
Аmerika Shom ahliga nisbatan och qoʼyish, qamal qilish, zulm-zoʼravonlik qilish, terror qilib, qamoqqa tashlash orqali muntazam tazyiqlar oʼtkazayotganiga qaramay, ushbu ahlimiz qalbidagi qoʼzgʼolonni yoʼq qila olmadi. Biz bunga koʼp holatlarda guvoh boʼldik, misol uchun, qoʼzgʼolon ahli xalqaro gumanitar yordamlarning front chizigʼi orqali qonxoʼr rejim bilan birgalikda kiritilishini qoraladilar… hamda Halab sharqidagi Bob shahri ahli rejimning qirgʼin va nomusga tajovuz amaliyotlarini sodir etganlikda ayblangan unsurlarining harbiy politsiya tomonidan qoʼyib yuborilishiga qarshi namoyish oʼtkazdilar. «Oʼtish davri hukumati»ning mudofaa vaziri bayonot berishi va bu unsurlarning ozod etilishida javobgar ofitserni ishdan boʼshatishdan bosh tortishi ortidan bu norozilik namoyishi yanada kengayib, Eʼzoz va Ifrin shaharlarigacha yetib bordi… Qoʼzgʼolon ahli shuningdek, korruptsiyachilarni himoya qilish, degan oʼyinga qarshi chiqib, keskin munosabat bildirdilar. Bularning barchasi shuni koʼrsatmoqdaki, Shom ahli uzoqdagidan oldin yaqindagining xiyonati va til biriktiruvi kabi koʼplab fitna-sinovlarni boshdan kechirganlariga qaramay, qoʼzgʼolon ularning vijdonida chuqur oʼrnashgan.
Shom qoʼzgʼoloni ustidan boʼlayotgan bunday xalqaro til biriktiruv har qanday aqli raso insonga yaqqol koʼrinib qoldi… Turkiyaning roli esa, qutulish va xalos boʼlish kerak boʼlgan nayzaning uchi hisoblanadi.
Shom qoʼzgʼoloni qanday ahvolga kelib qolganini anglayotgan ekanmiz, shuningdek, boshqa arab bahori qoʼzgʼolonlarini oʼrganib, ularning oqibati qanday tugaganini koʼra bilayotgan ekanmiz, bu narsa Shom ahli oldida ulkan masʼuliyatni yuklaydi. Toki bu bilan katta til biriktiruvlar va ogʼir qiyinchiliklar girdobida yashayotgan qoʼzgʼolon kemasini qutqarib qolsinlar. Bularning barchasi qoʼzgʼolonning aniq va tiniq islomiy loyihaga ega ongli siyosiy yetakchilikka muhtoj ekanini yana bir bor taʼkidlamoqda. Chunki faqat shunday yetakchilikkina barchani oʼz bayrogʼi ostiga birlashtirib, ularning saʼy-harakatini bir qiladi, kalimalarini jamlaydi, yoʼllarini yorugʼ qilib beradi. Toki, ular ushbu hidoyat va ong yoʼlidan yurib, Robbilari Subhanahuning vaʼdasini hamda Rosululloh ﷺning zolim podshohlik nihoyasida uning xarobalari uzra Paygʼambarlik minhoji asosidagi roshid Xalifalikning barpo boʼlishi toʼgʼrisidagi bashoratlarini roʼyobga chiqarsinlar.
Hizb ut-Tahrir aniq-tiniq tarzda va mufassal dastur shaklida taqdim etayotgan loyiha mana shu. Bu loyihani qabul qilish bilan Shom qoʼzgʼolonini yoʼq qilishga va qurbonliklarini sotishga qaratilgan barcha til biriktiruvlarga qarshi turiladi. Shundan soʼng qoʼzgʼolon mustahkamlanib, Аmerika Jenevada parda ortida tayyorlagan kufr konstitutsiyasiga amal qilishga chek qoʼyiladi.
Biz Robbimiz vaʼdasiga, oʼzgartirish istagining Ummat farzandlari bilan Shom qoʼzgʼoloni ahli qalbida mavjudligiga hamda Аllohning nusrati yaqin ekaniga chuqur ishonamiz. Zero, Shom qoʼzgʼolonida yovuzlikning umri uzun emas, chunki bu oʼlka Kitobu sunnatda faqat barakotli va oʼtkir imonli, deya zikr qilingan. Barakot va oʼtkir imon nifoq umrini qisqartirib, munofiqlarni halok qiladi. Yaʼni bugun Shom oʼz tanasidan illat-fasodni chiqarib tashlash uchun qattiq ogʼriqlarni boshdan kechirmoqda hamda ofiyatga erishish va tuzalish arafasida turibdi. Zotan, uning tuzalishi bilan butun Islom Ummati tuzalajak, insha Аlloh.
Roya gazetasining 2022 yil 8 iyun chorshanba kungi 394-sonidan
