بِسْمِ اللهِ الرَّحْمٰنِ الرَّحِيمِ
UNITAMS missiyasining yana bir yilga uzaytirilishi mustamlakachi davlatlarning Sudan ustidagi aniq vasiyligidir
Hizb ut-Tahrir – Sudan viloyati rasmiy notigʼi ustoz Ibrohim Usmon (Аbu Xalil) bunday dedi:
«Xavfsizlik Kengashining «UNITAMS» missiyasini uzaytirganligi mustamlakachi davlatlarning Sudan ustidagi ochiqdan-ochiq vasiyligi yana bir yilga choʼzilganini, bu vasiylik mintaqadagi malaylar orqali qoʼllab-quvvatlanayotganini va bundan xalqaro mustamlakachilikning ikkita malayi oʼrtasidagi toʼqnashuvni bartaraf etish koʼzlanganini anglatadi. Bu ikki malayning biri yangi mustamlakachi Аmerika tomonidan qoʼllab-quvvatlanuvchi harbiy boshqaruv boʼlsa, ikkinchisi eski mustamlakachi Britaniya bilan aloqa qiluvchi fuqaroviy boshqaruvdir». Ibrohim Usmon (Аbu Xalil) Xalifalik davlati dasturi loyihasidan iqtibos keltirgan holda, ushbu missiyaning uzaytirilishiga nisbatan quyidagilarni taʼkidladi: Birinchidan: Islom kofirlarni moʼminlar ustidan hukmron qilishni harom qildi. Ikkinchidan: davlatning Islom asosida barpo boʼlmagan yoki Islom ahkomlaridan boshqa narsalarni tatbiq qiladigan tashkilotlarga aʼzo boʼlishi nojoiz, chunki ular kapitalistik ilmoniy asosga qurilgan. Ustiga-ustak, bu tashkilotlar yirik davlatlar, xususan Аmerika qoʼlidagi quroldir. Uchinchidan: Har qanday shaxs yoki jamoaga biror ajnabiy davlat bilan aloqa qilishi mutlaqo nojoiz».
Matbuot bayonoti soʼnggida ustoz bunday dedi:
«Mustamlakachi kofir islomiy yurtlarda paydo qilgan bu milliy funktsional davlatchalar hamda malay siyosiy doiralar Ummatni aslo rivojlantirmaydi. Balki Ummatning rivojlanishi kofirlarni yurtdan quvib solib, nufuzlarini yoʼq qiladigan, adolat oʼrnatadigan va Ummat ishlarini Robbul olamin ahkomlari bilan boshqaradigan Paygʼambarlik minhoji asosidagi roshid Xalifalik davlati soyasida boʼladi».
Roya gazetasining 2022 yil 15 iyun chorshanba kungi 395-sonidan
