بِسْمِ اللهِ الرَّحْمٰنِ الرَّحِيمِ
Livandagi hukmron rejim Alloh va Rosuli ﷺga qarshi urushini tark etmayapti
Hizb ut-Tahrir – Livan viloyati matbuot boʻlimi 2022 yil 20 yanvarda nashr qilgan bayonotida Xalqaro Valyuta Fondi va Jahon bankidan sudxoʻrlik qarzlari olishni aslo tark etmayotgan hukumatning buzgʻunchi siyosatiga ergashishdan ogohlikka chaqirib, jumladan quyidagilarni taʼkidladi:
“Xalqaro Valyuta Fondi ishlarini andakkina kuzatgan kishiga uning mamlakatlarga berayotgan koʻrsatmalari ochiqdan-ochiq buzgʻunchilik ekani yaqqol koʻrinadi. Zotan, bunday siyosat Livandan ham kuchli davlatlarga qoʻllangan boʻlib, ular hamon krizis va qarzlar botqogʻidan chiqolmay yuribdi… Shunday ekan, agar Livan ham shu tizim boʻylab yursa, nima boʻlishini tasavvur qilavering?!
Biz Hizb ut-Tahrir – Livan viloyati matbuot boʻlimi aʼzolari Livandagi toʻrt doiraga murojaat yoʻllaymiz: Birinchi hokimiyatga: Yurt va uning ahlini Xalqaro Valyuta Fondi, Jahon banki va ular ortidagi AQShning mustamlakachilik jarligiga tortishni hamda Alloh Taolo va Rosuli ﷺga qarshi urush qilishni bas qiling. Ikkinchi, ulamolar va mufakkirlarga: Bor ovozingiz bilan bunday yoʻldan yurishdan ogohlikka chaqiring. Uchinchi ommatan Livan ahliga: Sizdan avvalgilarni halok qilgan tajribani sizda ham sinashlariga rozi boʻlasizmi?! Siz uchun bu siyosatchilar qarshisida rostgoʻylik pozitsiyasini egallab, ularni bu ishdan qaytarishingiz va shu orqali yurt rivoji poydevoriga gʻisht qoʻyishingiz vaqti kelmadimi?! Toʻrtinchi xossatan Livandagi musulmonlarga: Rahbarlaringiz Islomingizga qarshi kurashuvchi kimsalar boʻlishiga rozi boʻlmang hamda biz bilan birgalikda bunday korruptsiyachi rejimni agʻdarishga harakat qiling. Shoyad Alloh Subhanahu va Taolo Oʻz dinini gʻolib qilsa hamda tez orada Livanni qayta oʻzining butun Islom Ummatini, xususan, Shom yurtlarini bogʻlovchi transchegaraviy tizimi doirasiga kiritsa. Ana shunda Livan nafaqat oʻz zaminidagi mavjud neʼmatlardan, balki u Ummatning bir tani boʻlgani sababli butun islomiy yurtlardagi mavjud barakotli neʼmatlardan ham bahramand boʻladi.
Roya gazetasining 2022 yil 2 fevral chorshanba kungi 376-sonidan
