Matbuot bayonoti
Sizni Allohga omonat topshirdik ey Suriya bolalari!
Suriya va qoʻshni davlatlardagi qochqinlar lagerlarida yashovchi oilalardan uch nafar bola qattiq sovuqdan nobud boʻldi. Chunki qahraton qish sovugʻi Suriya, Livan, Iordaniya va Turkiyadagi qochqinlar turmush sharoitini yanada ogʻirlashtirmoqda.
Suriyada qoʻzgʻoloni boshlanganiga 12 yil boʻldi. Musulmon yurtlariga koʻz olaytiradigan hamda Islom va uning ahkomlarini yomon koʻradigan ochkoʻz davlatlar tomonidan olib borilayotgan ushbu shafqatsiz urush badalini hamon norasida goʻdaklar, ayollar va qariyalar toʻlab kelmoqda. Bu shafqatsiz urushda samolyotlar, tanklar va turli xil taqiqlangan qurollardan foydalanildi. Boshqa tomondan, Baas rejimi va uning jangarilari aholiga nisbatan zoʻravonlik, qamoqqa olish, quvgʻin qilish va qochqinga aylantirish kabi amaliyotlar bilan shugʻullanmoqda. Mana shunday quturgan urush 350 ming insonni shahid qildi, millionlabini (aholining yarmiga yaqinini) oʻz shahar va qishloqlarini tashlab chiqishga majbur qildi. BMTning Qochqinlar boʻyicha Oliy Komissarligi maʼlumotiga koʻra, Suriya ichkarisidagi qochqinlar soni 6.7 millionga, Iordaniya, Livan va Turkiya singari qoʻshni davlatlarga qochib chiqqan qochqinlar soni 6.8 millionga yetgan.
Suriyada urush olovi alanga olganiga 12 yil boʻldi hamki, bizning chiqarayotgan bayonot va nashrlarimiz ham davom etmoqda. Lekin biz bu bayonotlarni tobora ortib borayotgan raqamlarni koʻrsatish, odamlarning azob-uqubatlarini tasvirlab, koʻz-yosh toʻkish maqsadida davom ettirmayapmiz. Zero, ularning yurakni vayron qiluvchi ayanchli ahvollari hech kimga sir emas. Biz, har safar chiqargan nashrlarimizda xolis musulmon er kishilarning gʻayratini qoʻzgʻab, eʼtiborlarini yurt xavfsizligini buzayotgan xorijiy til biriktiruvlarga qaratishga harakat qilyapmiz. Shu bilan birga, Suriya xalqidan ushbu zulm, zoʻravonlik va xoʻrlikni daf qilish uchun musulmon armiyalariga murojaat yoʻllamoqdamiz. Shuningdek, Ummatning azizligi va kuch-qudrati omili boʻlmish Paygʻambarlik minhoji asosidagi ikkinchi roshid Xalifalikni barpo etish uchun biz bilan birgalikda harakat qilishga daʼvat qilmoqdamiz.
Ey ongli qoʻzgʻolonchilar!
Shuncha yillardan keyin Alloh uchun deya hayqirgan shioringizning roʻyobga chiqarishingiz hamda Baaschi rejimni barcha asos va basharalari bilan qoʻshib agʻdarishdan iborat eng boshidan beri eʼlon qilgan maqsadingizga erishishingiz bergan barcha qurbonliklaringizning samarasi boʻlishga munosib emasmi?
Ey xolis musulmonlar!
Bizning takror-takror qilgan daʼvatlarimizdan keyin Paygʻambarlik minhoji asosidagi ikkinchi roshid Xalifalik davlatini barpo etish uchun Hizb ut-Tahrir bilan birgalikda jiddiy harakat qilish vojib emasmi?! Kelinglar, Alloh Taologa U zotning vaʼdasini va Rosululloh ﷺning bashoratlarini roʻyobga chiqarish bilan xayrli bir ummat ekaningizni koʻrsating.
Ha, oldimizda ushbu Xalifalik davlatining agʻdarilishi xotiralari yaqinlashmoqda… Biz bugun aybsiz goʻdaklarimiz jasadlarini sanab, tul qolgan ayollarimiz nolasini eshitib, mazlum erkaklar koʻz-yoshlarini koʻrar ekanmiz, ushbu davlatga har qachongidan ham muhtojroq boʻlib qoldik. Bas, shunday ekan, Suriya, bosib olingan Falastin, Iroq, Liviya, Sudan, Afgʻoniston va barcha yurtlardagi son-sanoqsiz mazlum ahlimizni qutqarish vaqti kelmadimi, axir, ularning barchasi Islom davlatining yoʻqligi va Islom va musulmonlarni qattiq yomon koʻruvchi manfaatparast kapitalistlar hukmronligidan azob chekmoqdalar-ku?!
Biz charchamaymiz, toʻxtamaymiz va har safar ovozimizni balandroq koʻtaramiz. Kuch-qudratimiz va iftixorimiz manbai boʻlgan roshid Xalifalikni barpo etishimiz uchun ovozlarimizning eshituvchi quloqlarga va farosatli aqllarga yetib borishini umid qilib qolamiz.
﴿يَا أَيُّهَا الَّذِينَ آمَنُواْ اسْتَجِيبُواْ لِلّهِ وَلِلرَّسُولِ إِذَا دَعَاكُم لِمَا يُحْيِيكُمْ وَاعْلَمُواْ أَنَّ اللَّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ﴾
“Ey moʻminlar, Alloh va Uning paygʻambari sizlarni abadiy hayot beradigan narsaga (yaʼni, dinga) daʼvat qilar ekan, uni qabul qilinglar va bilinglarki, shubhasiz, Alloh har bir kishi bilan uning qalbi oʻrtasini egallab turur va shubhasiz, Uning huzuriga toʻplanursizlar” [Anfol 24]
Hizb ut-Tahrirning markaziy matbuot
boʻlimi ayollar qanoti
