بِسْمِ اللهِ الرَّحْمٰنِ الرَّحِيمِ
Amerikaning vaqtdan yutish uchun olib borayotgan navbatdagi chalgʻituvchi raundi
Qozogʻiston poytaxtida “Olma-Ota uchrashuvlari”ning 17-raundi oʻz ishini tamomladi. Alhol, bu konferentsiyalar oʻylab olish va vaqtdan yutish uchun bir vosita boʻlib qolgan. Bu konferentsiya haqida Hizb ut-Tahrir – Suriya viloyati matbuot boʻlimi tomonidan juma kuni tayyorlangan videorolikda bunday deyiladi:
“Qisqa qilib aytganda, bu Amerikaning vaqtdan yutish uchun olib borayotgan navbatdagi chalgʻituvchi raundidir. Bu orada u oʻzining Suriyadagi malaylari yordamida konstitutsiya tuzib, siyosiy yechimini amalga oshirib olmoqchi. Uning nopok niyatda va tuzoq sifatida toʻqiyotgan bu yechimi unga rejimni qayta tashkil etishni taʼminlaydi”.
Videorolikda, shuningdek, qoʻzgʻolon ahli yutqazish, sinish, xorlikdan boshqa narsalarni olib kelmayotgan bunday konferentsiyalarni rad etishga chaqirildi. Oʻz navbatida, Hizb ut-Tahrir – Suriya viloyati matbuot boʻlimi raisi ustoz Ahmad Abdulvahhob matbuot bayonotida quyidagilarni taʼkidladi:
“Butun musulmonlar, xususan Shom ahli shuni bilsinlarki, ularning hayotini manbai vahi boʻlgan dasturdan boshqasi aslo oʻnglolmaydi. Qachonlardir biz Islom bilan boshqarilib, uni toʻgʻri tatbiq qilgan paytlarimizda dunyoning xoʻjayinlari edik, oldimizga hech kim tusha olmagan. Islom tatbiqini buzib, ahkom va qonunlaridan voz kechgan edik, selning koʻpiklariga aylanib qoldik. Ana shunda yeb toʻymas ochofatlar oʻz yalogʻiga tashlangani kabi ustimizga tashlanadigan, yurtlarimiz Islom dushmanlari tomonidan bosib olinadigan, boyliklarimiz talon-toroj qilinib, ahllarimiz qul qilinadigan boʻldi. Ular konstitutsiyalar tuzib berish orqali bizni qanday yashashimiz va kelajagimizni qanday tuzishimiz kerakligini oʻrgatishdi.
Roya gazetasining 2021 yil 5 yanvar chorshanba kungi 372-sonidan
