Tojik hukumati namozxonlar koʻpayotganidan tashvishda
Xabar: 13-dekabr kuni Tojikiston poytaxti Dushanbe shahrida mahalliy hokimiyat, huquq-tartibot idoralari vakillari va poytaxt masjidlari imom-xatiblari ishtirokida yigʻilish boʻlib oʻtdi.
Xabar qilinishicha, yigʻilishda nafaqat juma namoziga, balki besh mahal namozga ham masjidlarga boradigan poytaxt aholisi soni oshib borayotgani muhokama qilinib, bu holat mamlakat rasmiylarini katta tashvishga solayotgani aytildi. Yigʻilishda imom-xatiblar bu borada qabul qilingan qarorlar bilan tanishtirildi.
Qarorga koʻra, bundan buyon birorta ham mahalla masjidi, hatto yaroqsiz holatga kelib qolgan taqdirda ham, taʼmirlash ishlarini olib borishi mumkin emas. Shaharda faoliyat olib borayotgan 140ta masjidning bir qismi faoliyat qoidalarini buzish bahonasi bilan yopilishi mumkin. Bundan buyon masjidga sumka, paket yoki shunga oʻxshash narsalar bilan kirish taqiqlanadi. Shuningdek, yigʻilishda masjidga keluvchilar ustidan nazoratni, xususan, videokameralar orqali kuchaytirish toʻgʻrisida qaror qabul qilindi. Bundan tashqari, hokimiyat vakillari bu borada rejim tomonidan koʻrilayotgan barcha chora-tadbirlarga qaramay, masjidga borishga intilayotgan yoshlar koʻpayib borayotganidan alohida tashvish bildirishdi.
Izoh: Mulhid kommunistlar tarbiyasini olgan Imomali Rahmon boshchiligidagi tojik rejimi uzoq yillardan buyon Islom va musulmonlarga, islomiy koʻrinish va qadriyatlarga qarshi oʻz imkoniyatidagi barcha uslub va vositalarni ishga solgan holda kurashib kelmoqda.
Tojikiston prezidenti Imomali Rahmon 2010 yili Tojik milliy universtiteti talabalari bilan boʻlgan uchrashuvida poytaxt koʻchalarida hijob kiygan ayollar va qizlarni uchrayotgani va bunga yoʻl qoʻyib boʻlmasligini aytgan boʻlsa, 2015 yilning kuzida mamlakatning unchalik katta boʻlmagan Koʻlob shahri qizlarini hijob kiyganligi uchun tanqid qilgan edi. Uning bu tanqidi ortidan mamlakatda hijoblangan va roʻmol oʻrgan ayollarning maxsus roʻyxatga olishi ishlari boshlanib ketgan va birgina Soʻgʻd viloyati Xoʻjand shahrida roʻmol oʻragan 643 nafar ayol va qizlar roʻyxatga olinib, jamoatchilik joylarda muslima ayollarning hijoblanib yurishi, erkaklarning soqol qoʻyishi taqiqlangan hamda yosh bolalarga islomiy ism qoʻyish man qilingan edi.
Imomali Rahmon 2017-yil 11-iyul kuni televedeniya orqali qilgan chiqishida hijob va qora liboslarning tojik milliy anʼanalariga mos kelmasligini, uzun soqollarni dindorlik bilan koʻp ham aloqasi yoʻqligini yana bir bor taʼkidlagan edi. Tojikistonliklarni “Allohni qalb bilan sevish”ga chaqirgan Rahmon musulmonlarga taqvodorlikni tashqi unsurlar bilan namoyish qilishni toʻxtatishni tavsiya qilgandi.
Rahmoning mazkur bayonotidan soʻng Tojikistonning Hujand shahrida hijobga qarshi maxsus guruh tashkil qilindi. Oila va xotin-qizlar qumitasi qoshida tashkil qilingan mazkur guruhning vazifasi xotin-qizlarning “begona saqofat”ga moyilligini oldini olishdan iboratligi belgilab berildi.
2018-yili Tojikiston kuch organlari tashabbusi bilan hijobli ayollaring vazirliklar va maxsus idora-korxonalarga kirishi qonun man etildi va tojik hukumati ayollarning qanday kiyinishi haqida “Tavsiyalar” nomli kitob nashr qildi. Tojikiston madaniyat vazirligi tomonidan nashr qilingan kitobda 7 yoshdan 70 yoshgacha boʻlgan tojik ayollariga mos liboslar taqdim etildi. Kitobda “tojik ayollari nimani kiymasligi lozim” nomli bob uchun ham keng oʻrin ajratilgan boʻlib, islomiy kiyimlar, qora liboslar, muslimalarning hijoblari va roʻmollari tavsiya etilmaydigan kiyimlar orasida koʻrsatib oʻtilgan edi.
Rasmiy hukumat “xorijiy davlatlarda noqonuniy diniy tahsil olishayotgani” iddaosi bilan 1500 ga yaqin tolibi ilmni mamlakatga qaytardi. 2018-yili hukumat talablariga “mos kelmaydigan” 22 nafar imom xatib “Musulmon birodarlar”, “Salafiy” va “Islomiy davlat” tashkilotiga aʼzolikda ayblanib turli muddatlarga qamoq jazosiga hukm qilindi…
Tojik hukumatining Islom dini va uning qadriyatlariga qarshi olib borayotgan kurashi va bu kurash doirasida qoʻllayotgan jirkanch chora-tadbirlariga qaramay tojik jamiyati, xususan yoshlarning Islom diniga boʻlgan intilishi tobora kuchayib bormoqda. Yoshlarni faqat juma namozi bilan cheklanib qolmay, besh mahal namozni ham jamoat bilan ado etishga boʻlgan intilishi mustabid rejimni yanada keskinroq choralar koʻrishga majbur qilmoqda. Ammo, Imomali Rahmon va uning yuvindixoʻrlarining bu choralari ham dunyo va Oxiratda oʻzlarining ziddilariga boʻladi, in sha Alloh.
Alloh taolo aytadi:
“Alloh oʻz ishida gʻolibdir. Lekin odamlarning koʻpi bilmaslar” (Yusuf surasi, 21-oyat).
Abdurahmon Odilov
