EIning Markaziy Osiyo bo‘yicha maxsus vakili Qirg‘izistonga keldi
Xabar: Evropa Ittifoqining Markaziy Osiyo bo‘yicha maxsus vakili Terhi Hakala Qirg‘izistonga keldi. Bu haqda EIning Qirg‘izistondagi vakolatxonasi xabar qildi.
Hakala ikki kunlik safari doirasida prezident Sadir Japarov, Vazirlar mahkamasining birinchi o‘rinbosari Aziz Aaliev, tashqi ishlar vaziri Ruslan Kazakbaev, Xavfsizlik kengashi kotibining o‘rinbosari Taalatbek Masadikov va ombudsman Tokon Mamitov bilan uchrashadi.
Xabar qilinishicha, uchrashuvda siyosiy muloqot doirasida Evropa Ittifoqi va Markaziy Osiyo davlatlari o‘rtasidagi hamkorlik, Qirg‘izistondagi siyosiy jarayonlar, parlament saylovlari muhokama qilinadi.
Bundan tashqari, tomonlar bo‘lajak fuqarorlik jamiyati va iqtisodiy forumi, mintaqa va Afg‘onistondagi vaziyat bo‘yicha masalalarga e’tibor qaratiladi.
Ikkitomonlama uchrashuvlardan tashqari, Hakala EIga a’zo davlatlarning diplomatik hamjamiyati va elchilari bilan uchrashadi.
Izoh: Qirg‘izistonda G‘arb saqofati va dunyorashi kuchayib, g‘arbga moyil siyosiy doira shakllanib bormoqda. O‘tgan yilning oktyabr oyida bo‘lib o‘tgan parlament saylovlaridan keyin sodir bo‘lgan navbatdagi davlat to‘ntarishida ham g‘arbparast kuchlar asosiy rol o‘ynashgan edi. Ammo, Rossiyaning bevosita aralashuvi bilan vaziyatni o‘z nazoratida ushlab qolishga erishdi. Ammo, Japarov hokimiyatga kelganidan keyin unga nisbatan qo‘llagan “sovuq” munosabati va joriy yil aprel-may oyida sodir bo‘lgan qirg‘iz-tojik chegarasidagi navbatdagi qurolli to‘qnashuvda ochiqchasiga Tojikistonni qo‘llashi yangi hukumatni ham Rossiyaga bo‘lgan “ihlosi”ni so‘ndirib yubordi. Shu sababli ham qirg‘iz hukumati imkon paydo bo‘lishi bilan Rossiya ta’sir doirasidan qochib, G‘arbga yaqinlashishga harakat qilmoqda.
EI ham imkon qadar Qirg‘izistonda saqofiy mustamlaka ta’sirini kuchaytirishga harakat qilmoqda. Terhi Hakala kabi G‘arb mulozimlari Qirg‘izistondagi o‘z hazoratlari ta’sirlarini va barcha nodavlat tashkilotlarni bir qator taftish qilib tekshirib ko‘rish bilan, o‘zlariga tobe quvvatlarning barchasini faoliyatlarida yanada rag‘batlantirib qaytadi. Chunki fuqarolik jamiyati va inson huquqlari tashkilotlarining deyarli hammasi G‘arb davlatlari tomonidan moddiy va moliyaviy dastaklab turiladi.
Abdurahmon Odilov
