Qirg‘izistonda “Janub-2021” harbiy mashg‘ulotlari boshlandi
Qirg‘izistonning Botken va O‘sh viloyatida 2 sentyabr kuni “Janub-2021” harbiy o‘quv mashg‘ulotlari boshlandi.
Qirg‘iziston Mudofaa vazirligining bildirishicha, 4 sentyabrgacha o‘tadigan mashg‘ulotlarda 1500 ga yaqin oddiy fuqaro va 200 harbiy ishtirok etadi. Mashg‘ulotdan maqsad “harbiy yoki favqulodda holat e’lon qilinishi ortidan vaziyat keskinlashgan paytda harbiylarning davlat va mahalliy organlar bilan o‘zaro hamkorlikdagi harakatlarini muvofiqlashtirishini sinab ko‘rish”dir.
Avvalroq KXShTga a’zo davlatlar 7-9 sentyabr kunlari Qirg‘izistonda “Rubej-2021” harbiy o‘quv mashg‘ulotlarini o‘tkazishi bildirilgan edi. Oktyabrь oyida esa huddi shunday mashg‘ulot Tojikistonda o‘tkaziladi.
Izoh: AQSh Afg‘onistonda o‘zining bosqinchi kuchlarini olib chiqib ketishi ortidan Rossiya va uning etovidagi Markaziy Osiyo respublikalari biri qo‘yib, biri harbiy o‘quv mashg‘ulotlarini o‘tkaza boshlashdi. Avgust oyida O‘zbekiston va Qozog‘iston ham o‘z chegaralarida harbiy o‘quv mashg‘ulotlarni o‘tkazgan edi. 1 avgustdan 10 avgustga qadar Rossiyaning O‘zbekiston va Tojikiston Afg‘oniston bilan chegara yaqinida, Xatlon viloyatidagi “Harbmaydon” poligonida boshlangan harbiy mashqlari bo‘lib o‘tdi. Endi avval Qirg‘iziston o‘zi, keyinchalik esa KXShTga a’zo davlatlar ishtirokida yana mashg‘ulotlar o‘tkaziladi. Shuningdek, Avgust-sentyabr oylarida keng ko‘lamli manevrlar rejalashtirilgan.
Ushbu harbiy mashg‘ulotlarning barchasi Rossiya tomonidan bo‘rttirib ko‘rsatilayotgan Tolibon “tahdidining oldini olish” va shu orqali mintaqadagi harbiy ishtirokini kuchaytirishga qaratilgan. “Ishtonsizning hadigi cho‘pdan” deyilganidek, mitnaqadagi mustabid rahbarlar ham o‘z rejimlarini saqlab qolish ilinjida Rossiya ortidan borishga va shu bahonada Islom va musulmonlarga qarshi olib borayotgan reprisiv siyosatlarini davom ettirishga harakat qilmoqdalar. Xullas, Tolibon “tahdididan” har bir davlat – mustamlakchisi ham, ularning malaylari ham o‘z manfaatlari yo‘lida foydalanib qolishga intilmoqda.
Abdurahmon Odilov
