بِسْمِ اللهِ الرَّحْمٰنِ الرَّحِيمِ
Rus rejimi Hizb ut-Tahrir a’zolarini qamoqqa olishda davom etmoqda
«RT» veb-saytining (hijriy 1443 yil 8 muharram, milodiy 2021 yil 16 avgust dushanba kuni) nashr qilgan xabarida bunday deyilgan:
«Qrimdagi adliya manbalaridan birining ta’kidlashicha, janubiy harbiy okrug sudi Qrimda islomiy Hizb ut-Tahrirning to‘rt nafar a’zolari va tashkilotchilarini uzoq muddatli qamoqqa hukm qilgan.
Manbaning qo‘shimcha qilishicha, sud ushbu ayblanuvchilardan Linur Xalilov bilan Ruslan Mas’udovni 18 yilga, Eldor Kantemirovni 12 yilga, Ruslan Nagievni 13 yilga og‘ir tartibdagi axloq tuzatish koloniyasiga, avvalgi ikki yilini qamoq kamerasida o‘tkazishga hukm qilgan.
Hukmda aytilishicha, «Halilov bilan Mas’udovlar 2018 yil iyundan 2019 yil iyun orasida Qrimning Alushta shahrida Hizb ut-Tahrir tashkilotiga rahbarlik qilishgan. Tashkilot a’zolari ichida Ruslan Nagiev bilan Eldor Kantemirov ham bo‘lgan. Ular ushbu terroristik tashkilotga yangi a’zolarni jalb qilib, ulardan 2019 yil 10 iyunga qadar moliyaviy vznos olib turgan».
Roya gazetasining 2021 yil 25 avgust chorshanba kungi 353-sonidan
